Kanzoinväline tyttiteatran päivy
| Kanzoinväline tyttiteatran päivy | |
|---|---|
 | |
| Merkičys | Ozuttua kaikile rahvahile taidoammatin, tyttimuasteriloin, ohjuajien, lavastajien, ozuttelijoin merkičysty. Kiinittiä huomavuo tyttiteatrah, sen popul’arizacieh da roulih muailman kul’tuuran muvvostundas da kehityndäs. |
| Pandih alguh | vuvvennu 2003 |
| Alguhpanii | Margareta Nikulesku - Kanzoinvälizen tyttiteatroin liiton prezidentu |
| Pietäh | Kanzoinväline pruazniekku |
| Päivymiäry | 21. kevätkuudu |
| Perindöt |
Tyttispektakliloin ozutandu. Erilazien dekoracieloin ozutteluloin luajindu. Tyttilöinluajindan muasteripajat. Erilazet temuattizet vastavukset, pyöryžät stolat, konferensiet. |
Kanzoinväline tyttiteatran päivy on kanzoinväline pruazniekku, kudamua joga vuottu pietäh 21. kevätkuudu. Pruazniekan tarkoituksennu on ozuttua kaikile rahvahile taidoammatin, tyttimuasteriloin, ohjuajien, lavastajien, ozuttelijoin merkičysty. Se kiinittäy huomavuo tyttiteatrah, sen popul’arizacieh da roulih muailman kul’tuuran muvvostundas da kehityndäs[1].
Histourii
Vuvvennu 2000 Kanzoinvälizen tyttiteatran toimijoin liiton Kanzoinvälizen tyttiteatroin liiton XVIII Kongresal Magdeburgas Dživada Zolfagarih — tyttiteatran toimii Iruanaspäi, kehoitti pidiä kogo muailmas Kanzoinvälisty tyttiteatran päiviä[2].
Kezäkuul vuvvennu 2002 Atlantas Kanzoinvälizen tyttiteatroin liiton Kanzoinvälizen nevvoston istundol hyväksyttih Kanzoinvälizen tyttiteatran piendypäivy[3].
21. kevätkuudu vuvvennu 2003 enzikerdua piettih Kanzoinvälisty tyttiteatran päiviä[3].
«Anna sinäpiän ozutetah tyttispektakliloi, pietäh mielenvaihtopaginoi, luajitah vastavuksii, anna yhtistytäh erähän vahniman taidolajin — tyttiteatran kai ammattimiehet da suvaiččijat! Anna kai ymbäriolijat roijah meijän pruazniekan ozanottajikse! Anna kaikin roijah tyttiteatras!», Kanzoinvälizen tyttiteatroin liiton prezidentan tyttiteatroin toimijoin puoleh kiändymispagin kehoituksenke pidiä Kanzoinvälisty tyttiteatran päiviä 21. kevätkuudu[4].
Perindöt
Kanzoinvälizen tyttiteatran päivän piendäh otetah ozua erilazet teatrat, muzeit[5][6].
Sinäpiän pietäh moizii pidoloi[1][5]:
- ozutetah tyttispektakliloi,
- luajitah erilazien dekoracieloin ozutteluloi,
- pietäh tyttilöinluajindan muasteripajoi,
- luajitah erilazii temuattizii vastavuksii, pyöryžii stolii, konferensieloi.
Sinäpiän on tavannu hyvitellä niilöi, ket luajitah marionietkoi, dekoracieloi da tostu atributiekkua[5].
Kačo ližäkse
Huomavukset
- ↑ 1 2 Толкачева, Ольга. Международный день кукольника в 2025 году: все о празднике создателей волшебства, ВФокусе Mail (11 tuhukuudu 2025). Kačondan päivymiäry: 12. kevätkuudu 2025.
- ↑ Международный день театра кукол - Новости - Красноярский театр кукол. teatrkukol24.ru. Kačondan päivymiäry: 12. kevätkuudu 2025.
- ↑ 1 2 Надежда, Пономаренко. Какой праздник 21 марта? Международный день кукольника, INMOMENT.RU. Kačondan päivymiäry: 12. kevätkuudu 2025.
- ↑ День кукольного театра 2023, Кукморский район — дата и место проведения, программа мероприятия., Культура.РФ. Kačondan päivymiäry: 12. kevätkuudu 2025.
- ↑ 1 2 3 Международный день кукольника - краткая история праздника » Краткая история России и мировая история, Краткая история России и мировая история. Kačondan päivymiäry: 12. kevätkuudu 2025.
- ↑ Черненкова, Марина. Международный день кукольника 2024: История и традиции праздника, Общественная служба новостей (20 kevätkuudu 2024). Kačondan päivymiäry: 12. kevätkuudu 2025.