Kanzoinväline ystävyön päivy
| Kanzoinväline ystävyön päivy | |
|---|---|
 | |
| Päivymiäry | 30. heinykuudu |
 Медиафайлы на РУВИКИ.Медиа | |
Kanzoinväline ystävyön päivy (toizil Yhtistynnyzien Kanzukundien kielil: kit. 国际友谊日, fran. Journée internationale de l’amitié ) on monien mualoin pruazniekku, kudai on omistettu ystävyöle da kuduadu pietäh 30. heinykuudu. Sen pani alguh Yhtistynnyzien Kanzukundien Piäassamblei 27. sulakuudu vuvvennu 2011 (Rezol'ucii A/RES/65/275) 65. sessiel[1].
Alguu myöte sidä kehoitteli pidiä Hyvittelypoštukartočkoin tevolližus.
Histourii
Omas kirjazes 27. ligakuudu vuvvennu 2014 Yhtistynnyzien Kanzukundien Piäsekretari Pan Gi Mun kehoitti:
Tänävuon Kanzoinväline ystävyön päivy piädyi sih aigah, konzu muailman monis ozis mennäh suuret voinat, kazvau vägivaldu da ebäluottavus rahvahien keskes. Rahvas, kudamat enne elettih sobuh, jovvutah riidoih rinnal eläjienke; rahvas, kudamil ei ole muudu kui eliä yhtes, vai enämbäl loitotah toine toizes.
Olgah hos mittuine vihan da sodavägivallan syy, hos mittumat vägevät väit oldahes niilöin tagan, ristikanzan hengi voi olla äijiä vägevembi. Meijän pyhänny velvolližuonnu on kannattua sen voittuo.
Nämminny jygielöinny da ennustumattominnu aijoinnu on ylen tärgei oijendua toine toizele käit, ku ei olis riidua, da luadie alustu lujale rauhale.
Kanzoinvälizenny ystävyön päivänny mustelkuammo sidä, mi yhtistäy meidy kaččomattah rahvasroduh, uskondoh, sugupuoleh, seklsualizeh suhdeheh, rajoih. Ruvekkuammo kehittämäh soliduarižuttu, olemmohäi yhtehine rahvaspereh meijän ainavol planietal. Ruvekkuammo tavoittelemah tovellistu da lujua ystävytty.
Pruazniekan perindöt
Sendäh ku pruazniekkua pietäh muailman monis mualois, sen piendyperindöt joga valdivos ollah omat, riputah paikallizen kul'tuuran tavois.
Ven'al Ystävyön päivänny pietäh pidoloi, kudamat lujendetah rahvahankeskizii välilöi[2][3]. Linnois improviziiruittuloil lavoil nuoret akt'ourat ozutetah teatruezityksii kanzallizen koloriitanke, pietäh kilboi[4].
Kačo ližäkse
- Ystävän päivy
Huomavukset
- ↑ Резолюция, принятая Генеральной Ассамблеей 4 мая 2011 года. Kačondan päivymiäry: 14. heinykuudu 2022. Arhiviiruittu 3. sulakuudu 2019
- ↑ Акция «Международный день дружбы». «Цифровая культура» (30. heinykuudu 2024). Kačondan päivymiäry: 3. heinykuudu 2024.
- ↑ Международный день дружбы. «Культура.РФ» (30. heinykuudu 2024). Kačondan päivymiäry: 3. heinykuudu 2024.
- ↑ Полина Русак. Международный день дружбы в 2024 году: история и традиции праздника. Комсомольская правда. Kačondan päivymiäry: 3. heinykuudu 2024.