Karjalan Rahvahan Liitto

Karjalan Rahvahan Liitto (suom. Karjalan Kansanliitto) on Karjalan alovehelline yhteiskunnalline yhtistys, kudai säilyttäy da kehittäy karjalazien kul'tuurua da kieldy. Karjalan Rahvahan Liito ruadau Karjalan tazavallas da on yhteisruavos karjalazien yhtistyksienke.

Histouri

Petroskois vuvvennu 1989, 25. oraskuudu Karjalazet: etnossu, kieli, kul'tuuru, talovus, probliemat da kehittämine -tiijollis-praktiekallizen konferensien ruavon aigah oli perustettu Karjalan kul'tuuran seuru, kudamale sit annettih Karjalan Rahvahan Liitto -nimi. Vuvvennu 1989 yhtistys oli registriiruittu.

Tavoittehet

Karjalan kielen da karjalazien perindöllizen kul'tuuran säilyttämine da kehittämine.
Karjalan tazavallan kandurahvahan perindölöin da kielen kunnivoičuksen kazvattamine.
Karjalazen etnosan mennyön da nygyaijan tiedoloin tutkimine da levittämine.
Rahvahale tärgevien projektoin da programmoin todevuttamine.

Järjestön toimindu

Liitto rodih Oma Mua (1990) da Vienan Karjala (2000) -karjalankielizien lehtien da Carelia-žurnualan (1990) erähäkse perustajis.
Liitto kehoitti karjalan kielen ozastoloin avuandan Petroskoin valdivoyliopistoh da Karjalan pedagouguyliopistoh (1990)
Liitto perusti karjalazen pajon Oma pajo -horan Karjalan Kanzallizien kul'tuuroin keskukses (1990).
Liitto perusti Karjalan Rahvahan Liiton ozastot karjalazien kompaktizis eländypaikois.
Liitto perusti karjalankielizen Čičiliusku-tyttiteatran Karjalan Kanzallizien kul'tuuroin keskukses (2007).
Liitto da Karjalan Sivistysseura pietäh Rahvahienvälizet karjalan kielen kezäkursit.

Piäliköt

Mihail Andrejevič Goškijev, 1989—1990
P'otr Mefodijevič Zaikov, 1990—1999
Aleksandr Lukič Volkov, 1999—2001
Mihail Andrejevič Goškijev, 2001—2002
Natalja Anatoljevna Sinitskaja, 2009—2011
Jelena Ivanovna Migunova, 2011—2014
Natalja Petrovna Vorobei, 2014—2019
Aleksandr Vasiljevič Jeremejev, 2019—2022
Anna Anatoljevna Jakovleva, vuvves 2022

Projektat

Pajon paja -projektu
Karjalazien pruazniekat (2011), Karjalaine Pyhkin, Perehen histouri (2006) -diskoin luadimine (kannatti Karjalan kanzallizen poliitiekan ministerstvu).
Vuvvespäi 2009 pienien karjalankielizien kalenduaroin luadimine.
Kižuammo karjalakse -programmu, kudaman mugah Vieljärves, Jessoilas da Petroskoin školis opastettih karjalazien perindöllizih kižoih.
Rahvahan Čičiliusku-tyttiteatran gastroulit kogo Karjalas.
Master-kluasat lapsih niškoi (tuttavus karjalazien syömizien, soittimien, tansiloin da kižoin kel).
Likbez-projektu, kudaman mugah kylien eläjii opastettih lugemah karjalakse.
Karjalan kost'umu -projektu (kanzallizen ruutan ombelendan master-kluassu) 2012.
Kriukku on karjalazien brendu -projektu (kriukkah kižuamizen opastusseminuaru).
Vessel karjalan kieli -projektu (lapsien stolakižoin luadimine) 2012.
Paginkanzu-projektu (paginkluubu karjalan kielel) 2012.