Pekka Zaikov
| Pekka Zaikov | |
|---|---|
| P'otr Mefodjevič Zaikov | |
 Pekka Zaikov pidämäs Studia Generalia -luvenduo Itä-Suomen yliopistos Jovensuus sygyzyl 2013. | |
| Roindupäivy | 16. ligakuudu 1946 (79 vuottu) |
| Roindupaikku | Kiestinki, Louhen piiri, Karjal-Suomelaine socialistine nevvostotazavaldu |
| Mua |
 Nevvostoliitto,  Ven'anmua |
| Tiedoala | saamen kieli, karjalan kieli |
| Ruadokohtu | Petroskoin valdivonyliopisto, Itä-Suomen yliopisto |
| Opastus | Petroskoin valdivonyliopisto |
| Oppiarvo | filolougien tiedoloin douhturi |
| Tiedoarvonimi | Petroskoin valdivonyliopiston professoru |
| Tiedo-ohjuaju | Georgii Kert |
| Tundietah | karjalan kirjukielen kehittäi, karjalan kielen opastus- da sanakniigoin luadii, karjalan kielen opastai, Karjalan Rahvahan Liiton piälikkö |
| Arvonimet da palkindot | Ven'an Federacien ammatillizen korgeiškolan opastuksen kunnivoittu ruadai, Oulun yliopiston kunnivodouhturi |
Pekka Zaikov (ven. Пётр Мефодьевич Зайко́в; roin. 16. ligakuudu 1946, Kiestingi, Louhen piiri) on kielentutkii, Petroskoin valdivonyliopiston professoru, Karjalan tazavallan tiedoalan arvostettu ruadai (1995), Ven'an Federacien ammatillizen korgeiškolan opastuksen kunnivoittu ruadai (2006).
Eloskerdu
Pekka Zaikov loppi Petroskoin valdivonyliopiston histourii-filolougizen tiedokunnan suomen kielen ozaston vuvvennu 1973.
Vuozinnu 1975—1978 oli Ven'an Tiedoakadiemien Karjalan tiedokeskuksen aspirantannu. Vuvvennu 1979 väitti filolougien tiedoloin kandiduatakse Tarton yliopistos saamen kielen Babino-kylän murdehes.
Vuvvennu 1996 väitti filolougien tiedoloin douhturikse Marin yliopistos aihies "Verbilöin taivutus karjalan kieles".
Vuozinnu 1997—2011 oli Petroskoin valdivonyliopiston baltiekkumerensuomelazien kielien da kul'tuuran tiedokunnan karjalan da vepsän kielen laitoksen johtajannu. Yliopistos pidi luvendoloi karjalan kielen vienankarjalan murdehen foneetiekas da morfolougies, karjalan kielen murrehopis, karjalan kielen histouries, karjalan da suomen kielen verdailukieliopis, ven'alazis laihinsanois karjalan kieles. Häi on monien karjalan kielen opastus- da sanakniigoin luadijannu, karjalan kirjukielen kehittäjänny.
Vuozinnu 2009—2014 Pekka Zaikov oli karjalan kielen professorannu Itä-Suomen yliopistos Jovensuus. Vuvvennu 2014 häi rodih tämän yliopiston emeritusprofessorakse.
Pekka Zaikov on eläkkehel da eläy Jovensuun linnas Suomes.
Vuozinnu 1990—1999 da 2002—2009 oli Karjalan Rahvahan Liiton piälikönny. Häi oli karjalankielizen Čičiliušku -tyttiteatran perustajannu da artistannu.
Tutkimukset
Zaikoval piäzi ilmah enämbi 110 tutkimusruaduo. Niilöin joukos ollah:
- Monografiet
- Бабинский диалект саамского языка. — Петрозаводск, 1987
- Глагол в карельском языке. — Петрозаводск: Изд-во Петрозаводского государственного университета, 2000. — 294 с.
- Opastus- da sanakniigat
- Диалектология карельского языка. Karjalan kielen murreoppia. — Petroskoi. 1987.
- Карельский язык. (I. Фонетика и морфология). Karjalan kielen kielioppie. (I. äänne- ta muoto-oppie). — Petroskoi, 1992.
- Букварь для северно-карельских школ. Vienan aapini. — Petroskoi, 1992.
- Карельский язык. (II. Морфология). Karjalan kielen kielioppie. (II). — Petroskoi, 1993.
- Книга для чтения для северно-карельских школ. Kaunista karjalua (2). — Petroskoi, 1993. — 117 с.
- Книга для чтения на северно-карельском диалекте. — Petroskoi, 1995. — 167 с.
- Грамматика карельского языка. — Петрозаводск: Периодика, 1999. 120 с.
- Карельско-русский словарь. / П. М. Зайков, Л. И. Ругоева. — Петрозаводск: Периодика, 1999. — 224 с.
- Сборник упражнений по карельскому языку. Глагол. Инфинитивы. Причастия. Неизменяемые части речи. / П. М. Зайков, Л. И. Ругоева, О. Э. Горшкова. Harjotuksie vienenankarjalaksi. — Петрозаводск, 2000. — 232 с.
- Karjalan kielioppi 5-9. / P. Zaikov. — Petroskoi, 2002. — 208 с.
- Talo eläy tavallah / П. М. Зайков., М. А. Тарасюк. Сборник текстов для разговорных занятий по карельскому языку (Собственно-карельское наречие). — Петрозаводск: Изд-во ПетрГУ, 2008. — 188 с.
- Vienankarjalan kielioppi. — HakapainoOy. Helsinki, 2013. 284 s.[1]
Palkindot da arvonimet
- Karjalan tazavallan tiedoalan arvostettu ruadai (1995);
- Ven'an Federacien opastanduministerstvan kunnivokirjaine (2000);
- Ven'an Federacien ammatillizen korgeiškolan opastuksen kunnivoittu ruadai (2006);
- Oulun yliopiston kunnivodouhturi;
- Vuvves 2006 Pekka Zaikov on Suomen Kalevalaseuran kunnivojäsen.
Huomavukset
Linkat
| Karjalan Rahvahan Liiton piäliköt | |
|---|---|
| Karjalan Rahvahan Liiton piäliköt |
|
- Rodivunnuot 16. ligakuudu
- Rodivunnuot vuvvennu 1946
- Persounat kirjaimikon mugah
- Tiedomiehet kirjaimikon mugah
- Rodivunnuot Nevvostoliitos
- Ven'an kielentutkijat
- Nevvostoliiton kielentutkijat
- Ven'an filoulogat
- Karjalan tiedomiehet
- Fennougristat
- Filolougien tiedoloin douhturit
- Ven'an tiedoakadiemien Karjalan tiedokeskuksen tiedomiehet
- Saamen kielen tutkijat
- Karjalan tazavallan tiedoalan arvostetut ruadajat
- Petroskoin valdivonyliopiston opastajat
- Petroskoin valdivonyliopiston loppenuot
- Suomen yliopistoloin kunnivodouhturit
- Opastuskniigoin luadijat