Keinolluajittu kuuzi

On otettu Рувики-späi
Optokuijus keinolluajittu kuuzi

Keinolluajittu kuuzi on uvvenvuvven kuuzen laiteh, kudamua käytetäh tavan mugah uvvenvuvven pruazniekkoin aigah. Enzimäzii keinolluajittuloi kuuzii azuttih puus, net oldih piramiidan nägözet da čomendettu uvvenvuvven kuuzen jyttyöh libo linduloin sulgii käyttäjen. Mollembat kuuzen lajit keksittih germuanielazet. Nygyaigazii uvvenvuvven kuuzii luajitah polivinilhloridas; käytös sežo on toizii kuuzii — ezimerkikse, al'umiinies libo optokuijus.

Histourii

Enzimäzii keinolluajittuloi kuuzii ruvettih luadimah Germuanies XIX vuozisual[1][2], ga on olemas aijembaziigi ezimerkilöi[3]. Niilöi luajittih vihandakse mualattuloin hanhiloin sulgii käyttäjen[1]. Germuanielazet "sulgupuut" oldih erähii vastavuksii Germuanies ruttoh mennyön mečänkuadamizele[2][4]. Vuozinnu 1880 kehitetyt keinolluajitut kuuzet hanhiloin sullis suadih kuulužuon XX vuozisuan allus[4]. Jälgimäi piästih Amierikan Yhtysvaldoissah, kus sežo roittih kuulužikse[5][6].

Amierikan Yhtysvallois keinolluajitut kuuzet toziazies sit roittih tovellizien "Rastavan puuloin" ielolijoikse[3]. Nämmä enzimäzet "puut" oldih puuhizet puun muodohizet piramiidat tuohuksienke. Net luajittih Viflijemas (Pensilvanija-ozavaldivo) vuvvennu 1747[7].

Vuvvennu 1930 amierikkalaine laitos ADDIS keksi kuuzen lujan rungonke, kudamale azetettih tuuhiet keinolluajitut havvut. Havvu oli luajittu elättilöin sugahis, kudamii käytetäh tualiettušotkis, niilöi vai mualattih vihandakse. Moizet keinolluajitut kuuzet juurruttih käyttöh[8].

Vuvvennu 1958 Čikagos ruvettih luadimah kuuzii al'umiinies, niilöil oli hobjaine väri. Nämii kuuzii viettih monih muailman mualoih, Nevvostoliittohgi[8].

Al'umiinizien kuuzien sijah tuldih kuuzet plastamasas.

Nevvostoliitos kuulužat oldih sintetiekkukuuzet, kudamii luajittih da ezitettih vuvvennu 1959 Zagorskan bobazien instituutan azientiedäjät (nygöine Sergijevo-Posadan bobazien instituuttu).

Tuatandon kehittyjes kuuzahazet enämbäl ruvettih juohattamah tovellizii kuuzii[9].

Keinolluajittuloin kuuzien lajit

Sulgukuuzet

Искусственная ёлка из перьев

Keinolluajittuloi sulgukuuzii azuttih vihandakse mualattulois hanhiloin sullis, net kiinitettih "provoloukkuoksih", kudamii azetettih rungos ymbäri[5]. Net oldih erimuodohizet: pienet 2-d'uimahizet da suuret 98-d'uimahizet, niilöi sai ostua laukois vuozinnu 1920[6]. Puaksuh oksien n'okis oldih ruskiet tegomarjat, kudamat oldih tuohuksenalustoinnu[5]. Oksat oli azetettu leviesti, mi autoi vältyö tuohuksien sytytändäs da andoi mahton äijäl čomendua[5]. Sulgukuuzien eduloikse sanottih sen, ku ei pidänyh joga kerdua kävvä uudeh kuuzeh da havvu sit ei kirvonnuh[10].

Al'umiinizet kuuzet

Keinolluajittu kuuzi al'umiinies

On olemas keinolluajittuloi kuuzii, kudamien suurin oza azutah al'umiinies[2]. Enzikse niilöi ruvettih luadimah Amierikan Yhtysvallois: enzimäi — Čikagos vuvvennu 1958[11], sit — Manitovokas, kus ruvettih luadimah enimii tämänmoizii "puuloi"[12]. Keinolluajittoloi kuuzii al'umiinies luajittih vuozih 1970 suate[11], da enimälleh kuulužikse roittih vuvvennu 1965[13][14]. Sinävuon enzikerdua ozutettih lyhyt piirdofil'mu "Čarli Braunan Rastavu", kudai duumaijah negativiizesti vaikutti tulieh al'umiinizien kuuzien myöndäh[11].

Plastiekkukuuzet

Keinolluajittu kuuzi plastiekas

Suurin oza keinolluajittulois kuuzis luajitah PVX-plastiekas. Niilöin pohjannu on punottu prouvolokku[15]. При этом иголки делают из тонко нарезанных полосок разноцветной плёнки[16].

Leskukuuzet

Keinolluajittu kuuzi leskas

Moizil kuuzil ollah pitkät da summat havvut da net enimälleh mustoitetah pedäjii. Puaksuh leskanke yhtes käytetäh PVH, puuloile voijah ripoittua keinolluajittuu lundu da čomendua niidy käbylöil[16].

Valettu kuuzi (silikounu, rizin)

Valettu kuuzi

Valetut kuuzet ollah enämbäl luonnollizen nägözet. Joga puun oksu valetah käzil, pohju mualatah maksankarvazekse. Havvut ozutetahes tuuhieloikse.

On olemas valandan avul da PVH:s luajittuloi kuuzii[15].

LED-kuuzet

LED-kuuzi

LED-kuuzis on teräsraudurungo, havvu PVH:n pl'onkas, kudamah sijoitetah LED-niitit. Se kuuzi voibi čökätä elektročökkeheh da sen oksat ruvetah čäigämäh[17].

Kačo ližäkse

Huomavukset

  1. ↑ 1 2 Forbes, Bruce David. Christmas: A Candid History, (Google Books Arhiivukoupii 29 heinykuudu 2016 Wayback Machine), University of California Press, 2007, pp. 121—22, (ISBN 0-520-25104-0)
  2. ↑ 1 2 3 Hewitt, James. The Christmas Tree, (Google Books Arhiivukoupii 23 kezäkuudu 2016 Wayback Machine), Lulu.com, 2007, pp. 33—36, (ISBN 1-4303-0820-6).
  3. ↑ 1 2 Perkins, Broderick. «Faux Christmas Tree Crop Yields Special Concerns Arhiviiruittu 8 syvyskuudu 2008 .», Realty Times, December 12, 2003, accessed December 15, 2008.
  4. ↑ 1 2 John, J. A Christmas Compendium, (Google Books Arhiivukoupii 20 heinykuudu 2014 Wayback Machine), Continuum International Publishing Group, 2005, p. 129, (ISBN 0-8264-8749-1).
  5. ↑ ISBN 0674003187.
  6. ↑ 1 2 Silverthorne, Elizabeth. Christmas in Texas, (Google Books Arhiivukoupii 5 kevätkuudu 2022 Wayback Machine), Texas A&M University Press, 1994, p. 62, (ISBN 0-89096-578-1).
  7. ↑ «Christmas Tree Traditions Arhiivukoupii 4 heinykuudu 2010 Wayback Machine», University of Illinois Extension, accessed December 15, 2008.
  8. ↑ 1 2 Искусственные ёлки: когда появились, история, где находится старейшая в мире. dp.ru (12. talvikuudu 2022). Kačondan päivymiäry: 21. kylmykuudu 2024.
  9. ↑ Елка новогодняя искусственная. Подробное описание экспоната, аудиогид, интересные факты. Официальный сайт Artefact. ar.culture.ru. Kačondan päivymiäry: 21. kylmykuudu 2024.
  10. ↑ Marling, Karal Ann. Merry Christmas!: Celebrating America’s Greatest Holiday, (Google Books Arhiivukoupii 5 kevätkuudu 2022 Wayback Machine), Harvard University Press, 2000, pp. 58—62, (ISBN 0-674-00318-7).
  11. ↑ 1 2 3 Fortin, Cassandra A. «It’s beginning to look a lot like Christmas (1958) (недоступная ссылка)», The Baltimore Sun, October 26, 2008, accessed December 14, 2008.
  12. ↑ Andrews, Candice Gaukel. Great Wisconsin Winter Weekends, (Google Books Arhiivukoupii 5 kevätkuudu 2022 Wayback Machine), Big Earth Publishing, 2006, p. 178, (ISBN 1-931599-71-8)
  13. ↑ «A dark family secret: the artificial Christmas tree», Oakland Tribune, December 24, 2006, via findarticles.com, accessed December 14, 2008.
  14. ↑ Pinto, Barbara. «Town Leads Aluminium Christmas Tree Revival Arhiivukoupii 25 kevätkuudu 2010 Wayback Machine», ABC News, December 18, 2005, accessed December 14, 2008.
  15. ↑ 1 2 Выбрать елку и не сойти с ума. Разбираемся в сортах искусственных елок, iXBT Live (11 kylmykuudu 2021). Дата обращения: 21 kylmykuudu 2024.
  16. ↑ 1 2 Искусственная елка: какая лучше, как выбрать, Российская газета (6 talvikuudu 2023). Дата обращения: 21 kylmykuudu 2024.
  17. ↑ Анна Джей. Литая или светодиодная? Какая искусственная елка лучше и безопаснее, AiF (26 talvikuudu 2019). Дата обращения: 21 kylmykuudu 2024.

Kirjalližus

  • Авдонина М. Ю., Жабо Н. И. Гиперконцепт «ёлка»: лингвистический аспект в современном коде новогоднего ритуала // Вестник Московского государственного лингвистического университета. Гуманитарные науки. 2015. № 27).
  • Баранникова Г. И. Учебная модель организации номинативного поля концепта «зима» // Гуманитарный вестник. 2013. № 2.
  • Ханипова И. «Да здравствует Новый советский год» (политизация новогодней ёлки в советской России) // Гасырлар авазы — Эхо веков. 2012. № 3—4. U
  • Шульга Е. В. Праздник новогодней ёлки в школах России: век вчерашний — век нынешний // Историко-педагогический журнал. 2012. № 2.

Linkat

Lähteh - "https://olo.ruwiki.ru/w/index.php?title=Keinolluajittu_kuuzi&oldid=126160557"