Kirvesmiehen päivy
| Kirvesmiehen päivy | |
|---|---|
 | |
| Tiippu | Ammatilline pruazniekku |
| Merkičys | muan kehitykseh srojindualan ruadajien panoksen kunnivoiččemine da heijän ruavon tärgevyön merkiččemine |
| Pietäh | joga vuottu |
| Päivymiäry | elokuun toine pyhäpäivy |
 Медиафайлы на РУВИКИ.Медиа | |
Kirvesmiehen päivy on srojindualan ruadajien ammatilline pruazniekku. Sidä pietäh elokuun toizennu pyhänpiän Ven'al[1] (enne Nevvostoliitos) da Nevvostoliiton erähis endizis mualois.
Histourii
6. syvyskuudu vuvvennu 1955 piäzi ilmah Nevvostoliiton Korgeviman Nevvoston käsky "Jogavuodizes Kirvesmiehen päivän alguhpanemizes"»[2].
Pruazniekku on pandu alguh Kommunistizen puolovehen keskuskomitietan enzimäzen sekretarin Nikita Hruščovan hyvyös, kuduadu ihastutti Žigul'ovskan vezivoimalan nostamine, sen periä rodihgi Nevvostoliiton Korgeviman Nevvoston Prezidiuman käsky.
12. elokuudu vuvvennu 1956 Nevvostoliiton srojindualan ruadajat enzikerdua piettih omua ammattillistu pruazniekkua.
Jälles Nevvostoliiton hajuondua Kirvesmiehen pruazniekkua endizelleh pietäh joga vuottu elokuun toizennu pyhänpiän Ven'al, Ukrainal, Valgoven'al, Armienies, Kirgiizies[3], Kazahstuanas[4].
Vuvvennu 2011 Ven'an Federacien alovehellizen kehityksen ministerstvan käskys Kirvesmiehen päivy Ven'al sanottih federuallizekse pruazniekakse[5][6].
14. elokuudu vuvvennu 2016 Ven'an kirvesmiehet piettih oman pruazniekan 60-vuozipäiviä. Piätapahtumakse rodih srojindualan parahien ruadajien palkiččemine. Pruazniekkua vaste Ven'an Federacien srojindan da kunnantalovuon ministru M. A. Men' menyön da menijän vuvven tuloksis paistes sanoi:
Kirvesmiehih nähte luajitah uuzii mahtoloi, lujenou arhitektoroin rouli, roijah nygyaigazet eländyololoin luavunstandartat. Kaikil ponnistuksil pidäy vaikuttua b'udžiettuvaroin siästämizeh da parandua srojindualan ruadoymbäristyö, ga tärgienny on mugažien ololoin luajindu kanzalazile[7].
Situatat pruazniekas nevvostolehtilöispäi
- "Meil, kirvesmiehil, on suuri päivy! Lehtilöis da ruadivos levii kaikkie muadu myö viesti, ku puoloveh da halličus hyväksyttih azetuksen srojindudielon perinpohjazes parandamizes. Yhtelaigua on jullattu Nevvostoliiton Korgeviman Nevvoston Prezidiuman käsky jogavuodizes Kirvesmiehen päiväs. Ylbevyksen tundo omas muas, omas ammatis da lämmät kiitokset puolovehele da halličuksele meijän huolehtimizes täytettih meijän syväimii…».
- "Tänäpäi piettävy Kirvesmiehen päivy roihes kalenduaras rahvahan pruazniekannu".
- "Moskovas Kirvesmiehen päivänny piettih rahvahan pruazniekkoi, ozutteluloi, ezityksii da luvendoloi. Eniten rahvastu oli M. Gor'koin nimizes kul'tuuru- da huogavokeskuspuustos. Sie piettih piälinnan Leninan piirin Moskovan valdivonyliopiston arhitektuuruansambl'an, piälinnan lounaspuolen eländytaloloi, V. I. Leninan nimizen stadionan (kus nygöi on nostettu Nevvostoliiton rahvahien Spartakiuadan flagu) luadijoin kirvesmiehien kerähmö. Piirin kirvesmiehet piätettih talvikuun 20. päiväkse luovuttua käytettäväkse eländytiloin 210 tuhattu m²".
- "Pyhänpiän Čel'abinskan kul'tuuru- da huogavopuustoh tuli läs 40 tuhattu kirvesmiesty. Sie piettih miitingu…"
- "Baku. Sie piettih Bakun linnan deputuattoin nevvoston pruazniekalline kerähmö yhtes puoleveheh, nevvostolazih da yhteiskunnallizih yhtistyksih kuulujienke, se oli omistettu Kirvesmiehen päiväle. Kerähmös oli Urugvain parluamentan delegacii…".
Kirvesmiehen päiväkse avatut objektat
Nevvostoliiton aigah suurien objektoin avuajazii puaksuh sovitettih Kirvesmiehen päiväkse. Avuajazii piettih libo pruazniekkupäivänny, libo päivy-toine enne sidä, libo päivy-toine sen jälles. Ezimerkikse, Nevvostoliiton linnoin metrolois avattih:
- 13. elokuudu vuvvennu 1960 Leningruadas — toine muanpiäl olii Vastahnouzun lagevon (ven. Площадь Восстания) stansien ezizualu, kudai on liitetty Moskovan raudutieazemah.
- 11. elokuudu vuvvennu 1969 Moskovas — Gor'kovsko-Zamoskvoreckoin liinien Kahovskaja-oza nellän stansienke.
- 12. elokuudu vuvvennu 1974 Moskovas — Kalužsko-Rižskoin liinien Kalužskoi da Bel'ajevo-stansiet.
- 11. elokuudu vuvvennu 1978 Har'kovas — Holodnogorsko-Zavodskoin liinien toine oza viijen stansienke.
- 11. elokuudu vuvvennu 1984 Har'kovas — Saltovskoin liinien enzimäine oza viijen stansienke da metrodepo ven. ТЧ-2 «Салтовское».
- 8. elokuudu vuvvennu 1987 Gor'kii-linnas — stansiet Avtozavodskaja da Komsomol'skaja.
Piendy nygözes Ven'as
Kirvesmiehen päivän piendäh kuuluu äijy suurdu pruazniekallistu piduo. Suuris linnois avatah infrastruktuuran uuzii objektoi da kul'tuurulaitoksii, pietäh tiemuattizii konsertoi. Kirvesmiehil on omii erinomazii perindölöi. Ezimerkikse, uuzii ruadajii ristitetäh ammattimiehikse: heile kehoitetah syvvä leiby suolanke, mi merkiččöy "puudua suolua", da pidiä käzii tulen piäl, nenga ozuttua, ku ollah valmehet varattavah ruadoh. Sit nuori ammattimies andau kirvesmiehen lujat sanat, sen aigah hänen kaskua myöte hil'l'akkazin plikutetah kirpičäl[8][9].
9. elokuudu vuvvennu 2009 Moskovas kirvesmiehen päivänny oli ylen suuri pruazniekku. Keskusozutteluzualas "Manež" oli pruazniekkuillačču konsertanke, kudamas oli kai piälinnan srojindualan johtokundu yhtes Moskovan piämiehen Jurii Lužkovanke. Hänen enzimäine sijahine Vladimir Resin hyvitteli:
Semmite olen kiitolline veteruanoile: hyö luajittih alustan, kudaman hyvyös saimmo jälgimäzen 20 vuvven aigah luadie ylen äijän. Olen varmu, ku myö voitammo. Varmuttu sille andau se, ku linnan vallas on moine ristikanzu kui Jurii Mihailovič Lužkov, meijän linnan duumu, kudai nämmien vuozien aigah sellitti äijät kyzymykset. Meil on suuri kannatus Ven'an Federacien piämiehen Dmitrii Medvedevan puolespäi, Ven'an Federacien halličuksen piämiehes Vladimir Putinaspäi. Kai tämä andau minule varmuttu sit, ku myö vältämättäh voitammo!
Vuvvennu 2023 Kirvesmiehen päiviä piettih Moskovas 12. elokuudu VDNH-ozuttelus. Sinäpiän muan piäozuttelu rodih erähäkse kentäkse, kus piettih pruazniekale omistettuloi tiemuattizii pidoloi. Kezäkinoteatran-lektourien vieres linnalazih nähte piettih muasteripajoi da sportuiloituksii. Tulluot tiijustettih, ku srojitah uuzii taloloi, dorogoi da metron stansieloi. Pivos ruadoi viizi tiemuattistu kentiä kižoin, kvestoin, muasteripajoin da artobjektoinke, niilöis saneltih linnan srojindan eri nägökohtis[10][11].
Filatelies
- Poštumarku, Nevvostoliitto
Kirvesmiehen päivy, vuozi 1956, nominualu 40 kop.
Kirvesmiehen päivy, vuozi 1956, nominualu 60 kop.
Kirvesmiehen päivy, vuozi 1956, nominualu 1 rubl'u.
Kommunizman suuret srojut: Kahovskoi vezivoimalu, Suvi-Ukrainan kanualu da Pohjas-Kriman kanualu, nominualu 20 kop.
Kommunizman suuret srojut: Stalingruadan vezivoimalu (1951—1956), nominualu 40 kop.
Kommunizman suuret srojut: Volga-Donan kanualu da kostekanualoin verko Rostovan alovehel da Stalingruadan alovehen suvipiirilöis, nominualu 30 kop.
Kommunizman suuret srojut: Kuibiševan vezivoimalu (1950—1955), nominualu 1 rubl'u.
Kommunizman suuret srojut: Turkmienien piäkanualu (1951—1957), nominualu 60 kop.
Huomavukset
- ↑ Справка о нерабочих праздничных днях, профессиональных праздниках и памятных датах. Информационно-правовой портал «Гарант.ру» // garant.ru
- ↑ Указ Президиума Верховного Совета СССР от 6 сентября 1955 года «Об установлении ежегодного праздника „Дня строителя“». // base.garant.ru
- ↑ День строителя Кыргызстана (рус.). Inform.Kg. Kačondan päivymiäry: 20. kevätkuudu 2023.
- ↑ Указом Главы государства внесены изменения в Указ Президента РК от 20 января 1998 года № 3827 «О профессиональных и иных праздниках в Республике Казахстан» (рус.). Официальный интернет-ресурс ГУ «Аппарат акима района «Есиль» города Астаны» // ishki-sayasat.astana.kz (22. ligakuudu 2011). Arhiviiruittu 4. kezäkuudu 2012
- ↑ День строителя обрёл федеральный статус. «Вести.ру» // vesti.ru (14 августа 2011 года)
- ↑ Иван Юрченко. День строителя стал федеральным праздником. — Работников отрасли поздравил Дмитрий Медведев. Газета «Комсомольская правда» // kp.ru (14 августа 2011 года)
- ↑ Елена Домчева. Счастье в квадрате. — Строительство новых домов в России «подогреет» ипотека. «Российская газета» // rg.ru (10 августа 2016 года)
- ↑ 13 августа — День строителя 2023: когда и как отмечают праздник. Известия (12. elokuudu 2023). Kačondan päivymiäry: 3. heinykuudu 2024.
- ↑ День строителя — 2023: дата и история. В России в этой отрасли работают более 6 млн человек. РБК Life (24. heinykuudu 2023). Kačondan päivymiäry: 3. heinykuudu 2024.
- ↑ День строителя пройдет в Москве на ВДНХ 12 августа. РИА Новости. Kačondan päivymiäry: 3. heinykuudu 2024.
- ↑ День строителя в столице будут отмечать 12 августа на главной выставке нашей страны. Вход бесплатный! За-Строй.РФ. Kačondan päivymiäry: 3. heinykuudu 2024.