Kitailaine Uuzi Vuozi 2025
Kitailaine Uuzi Vuozi 2025 on pruazniekku, kudai on omistettu talven nouzijale kuule jälles päiväzen talviseizavundua (toizin sanoin toine uuzi kuu jälles 21. talvikuudu). Grigorianskois kalenduaras se on eräs päivy pakkaskuun 21. päivän da tuhukuun 21. päivän välis.
Kitailazen goroskoupan mugah joga vuodeh vaikuttau eräs 12 elätis da eräs viijes voimas: tuli, mua, metallu, vezi libo puu[1].
Vuozi 2025 kitailazen kalenduaran mugah on Vihandan Puuhizen Mavon vuozi. Se algavuu 29. pakkaskuudu vuvvennu 2025 da loppuu 16. pakkaskuudu vuvvennu 2026. Sil vuvvel on kuvves sija Päivännouzun goroskoupan 12-vuodizes kierrokses.
Histourii
Kitailazen Uvven Uvven piendyperindöl igiä on monii vuozisadoi. Se on pitkevimii da tärgevimii pruazniekkoi kitailazes kuudamas-päiväzen kalenduaras. Pyzyjiä päivymiäriä sil ei ole. Uvven vuvven algu piädyy toizeh nouzijah kuuh jälles talven päiväzenseizavustu, sendäh sen piendypäivy liikkuu pakkaskuun 21. päivän da tuhukuun 21. päivän välis.
Kaksitostu kitailastu goroskoupan merkii on kierros kahtestostu vuvves, kus joga vuvvel on tietyn elätin merki. Kitailazes goroskoupas net ollah rottu, häkki, tigru, jänöi, drakon, mado, hebo, koza, oblezjan, kukki, koiru, počči.
Jogga kitailaine tiedäy oman goroskoupan merkin da omahizien da ystävien merkit[2].
Kitailazen kul'tuuran piälimäzenny pruazniekannu olles Kitain Uuzi Vuozi endizelleh ei ole vaiku perindöllizenny pruazniekannu, kudai andau mahton huogavuo ruavos, ga sih kuuluu syvä sociokul'ruurine merkičys. Kitais Uuzi Vuozi kuudamazen kalenduaran mugah on perehien yhtistämizen, vahnembien da ezi-ižien kunnivoiččemizen päivänny[3].
Vihandan Puuhizen Mavon merkin ominažuot
Vuozi 2025 on Vihandan Puuhizen Mavon vuvvennu, kudai on rauhankannatuksen, viizavuon, terävän älyn da muutoksih harjavundan neron simvolannu[4]. Häi ei ole pitkyvihaine, agressiivine da kaksikieline. PKazvuo, kehitysty da uvvistustu merkiččii puu on tämän vuvven voimannu, a vihandu väri ezittäy sidä.
Päivännouzun kul'tuuras mado on olendo, kudamal on äijy hyviä puoldu. Tämä kiemurdelii maltau suaja hyviä mieldy elaijas da tavallizis dielolois. Toziazies mado voi olla varattavannu da ku se hyökkävys libo hyppiäs, pidäy händy hyvin suututtua[5].
Uskotah, ku Vihandan Puuhizen Mavon vuvvennu roinnuzil ristikanzoil on terävy äly da malto luadie tiedoloih perustujii piätöksii. Hyö herkäh tundietah ymbäriolijoi ristikanzoih. Madoloil on hyvä syväiniäni, kudai auttau heile nähtä ennepäi tapahtumii da luadie oigieloi piätöksii. Puu andau heile luomisväin, kudai auttau löydiä ebätavallizii piätöksii. Vihandu väri merkiččöy rauhažuttu, sovukkahuttu, malton harjavuo uuzih ololoih iččie vihingoittamattah.
Mavot terväh harjavutah muutoksih da löytäh uuzii taboi piämiärii tavoittajes. Heil on luonnolline mielenviehätys da malto houkutella toizii ristikanzoi. Ristikanzat tämän merkinke pauksuh roijah ielolijoikse da vaikuttajikse ristikanzoikse. Hyö ollah kunnivonhimozet da tavoittehenmugazet, voijah ahkerasti ruadua suavutuksien suandakse.
Samah aigah Mavot ollah peittomielizet da parembi pietäh omii mielii da tundoloi omas ičes[6].
Toizih Päivännouzun goroskoupan merkilöih vaikutandu
Kitain goroskouppu, kudaman pohjannu on muinaine Viijen Elementan teourii, on sistiemu, kudamas joga merkih kuuluu viizi kluassua (puu, tuli, mua, metallu, vezi), kudamat merkitäh tilua da kaikkien olemas olijoin vehkehien da ilmivölöin keskenästy yhtevytty. Nämmii välilöi pietäh mauilmas liikundan da kaiken elävän muutandan yhtehizinny zakonoinnu.
Tämän teourien mugah Mavon merki sobiu Mavon, Kukin da Häkin merkilöih. Se voi olla yhtehizes ruavos Drakonan, Oblezjanan, Rotan, Koiran, Tigran da Kozan merkilöinke. Sil ei ole keskenästy ellendysty vaiku Počinke.
Tämä vuozi rodieu ylen lykykkähänny Mavon, Drakonan da Kukin vuozinnu rodivunnuzih nähte. Hyö voijah ozuttua omii neroloi, suaja hyvii tuloksii ruavos da parandua omua rahatilandehtu. Lykky rodieu niilön puolel, ket ollah kiini luomisruavos da älyllizes toimindas[7].
Perindöt
Kitais Uvven Vuvven vastuandah liittyy äijy perindyö da uvvenvuvven uskomustu. Muinazen kitailazen perindön mugah Uuttu Vuottu vaste pidäy loppie kai kodiruavot. Kabrastus pidäy algua veriäspäi da loppie eländykohtan keskel, sen jälles kabrastua kai ruadobrujat peittokohtih.
Pruazniekan aigah Kitais kaikkiel edusijal on ruskei väri — päiväzen da ilon väri.
Uuttu Vuottu vaste uksenpieleh riputetah viizi pitkiä bumuagujunostu, kudamat merkitäh "viitty ozan luaduu": lykkyy, kunnivuo, pitki6 igi6, rikkahuttu da iluo[8].
Kitais Uuttu Vuottu vaste perindön mugah on tavannu nostua häly. On olemas legendu, kudaman mugah täl aigua omis eländykohtispäi ajetut pahat henget ečitäh uuttu eländypaikkua da voijah tuvva pahua taloin eläjile kaiken vuvven aigua.
Uvven Vuvven vastuandan erähänny piäominažuonnu ollah erimuodohizet dekoratiivizet fonarit. Enimyölleh suvaijah nelli- da kuuzisivuhizet guazulamput, kudamat on čomendettu erivärizil kangahil da kuvil. Kitais kuuzen sijah čomendetah muga sanottuu Vallon Puudu kukkugirl'andoil da fonariloil.
Kitais yädy Uuttu Vuottu vaste sanotah "vastavundan yökse jälles eruomistu", sendäh ku se on perehpruazniekku, kudamua tavoitellah pidiä omienke. Kai perehenhenget prostitah toine toizele endizii abevuksii[3].
Erinomastu huomavuo Kitais kiinitetäh uvvenvuvven pruazniekkuildazeh, kudaman aigah kai pereh kerävyy yhten stolan tuakse. Stolas ollah omat sijat niilöih nähtegi, kedä ei ole kois.
On olemas uksomus, kui vietät Uuttu Vuottu, mugai se rubieu menemäh. Sendäh kitailazet pietäh huoldu sit, ku pruazniekkustolas olis eriluaduzii syömizii. Uvvenvuvven ildazekse pidäy vältämättäh varustua kana-, kalasyömisty da "doufu" — soijaruahtuo, kudamua sežo tundietah kui "tofu". Kitain kieles nämmien einehien nimet ollah sanomizen mugah kui sanat "oza" da "kyllys".
Uvvenvuvven pruazniekkuildaine lopeh "ozadengoin" juandah. Täyzi-igäzet lahjoitetah lapsile ruskeit kanvertat dengoinke, kudamat uskotah tuvvah lykkyy kaiken vuvven aigua. Jälles pruazniekkuildastu ei sua viertä muate, eiga voit kaimata oman lykyn.
Kitais on tavannu lahjoittua lahjoi puarallizien veššilönke, kudamat merkitäh yhtenäžytty da perehsobuu. Ei lahjoiteta čuassuloi, semmite vahnoile ristikanzoile, libo bobazii da lapsien veššilöi niilöile, kel vie ei ole lastu. Tavan mugah gost'at juatah lahjoi ižändöile enne lähtendiä, toiči peitoči jätetäh[9].
Tundietut rahvas, kudamat on roittuhes Mavon vuvvennu
- Ondri Hepbörn,
- Andrei Mironov,
- Tom Hardi,
- Dmitrii Medvedev,
- Kanje Uest,
- Džoan Rouling,
- Daniel Redkliff,
- Teilor Svift,
- Aleksandr Masl'akov,
- Bob Dilan,
- Kim Čen Ir,
- Čarlz darvin,
- Pablo Pikasso,
- Avraam Linkol'n,
- Greta Garbo],
- Muhammed Ali,
- Indira Gandi,
- L'udmila Zikina,
- Aleksandra Pahmutova,
- Mahatma Gandi,
- Džon Kennedi,
- kristian Dior,
- Frans Šubert,
- Anri Matiss,
- G'ustav Flober,
- Edgar Allan Po,
- Greta Garbo,
- Nikolai Kopernik,
- Aristotel' Onassis,
- Džakomo Kazanova.
Huomavukset
- ↑ Как встречать 2025 год, чтобы год был хорошим, Мой Санта (13 ligakuudu 2024). Дата обращения: 13 kylmykuudu 2024.
- ↑ Цзя Хуэйминь. Лунный календарь и знаки зодиака в повседневной культуре Китая . cyberleninka.ru. Манускрипт (2016). Kačondan päivymiäry: 13. kylmykuudu 2024.
- ↑ 3,0 3,1 Цзя Хуэйминь. Китайские новогодние праздники по лунному календарю в повседневной культуре современного Китая . cyberleninka.ru. Общество: философия, история, культура (2016). Kačondan päivymiäry: 13. kylmykuudu 2024.
- ↑ Козлова, Екатерина. Принесет удачу: каким будет 2025 год Зеленой Деревянной Змеи, Пятый канал (9 kylmykuudu 2024). Дата обращения: 13 kylmykuudu 2024.
- ↑ Зеленая деревянная змея - символ 2025 года: что важно знать о главном символе, КП.ру. Дата обращения: 13 kylmykuudu 2024.
- ↑ Комарова, Валентина. Зеленая деревянная змея — символ 2025 года: что означает, характеристика символа, когда наступает, каким будет и как правильно встречать, Гороскопы Mail (30 elokuudu 2024). Дата обращения: 13 kylmykuudu 2024.
- ↑ Екатерина Стрелкова. Как встретить год Змеи 2025: что приготовить, во что нарядиться - Zoon.ru (неопр.). zoon.ru. Kačondan päivymiäry: 13. kylmykuudu 2024.
- ↑ Евгения Григорьевна Белая. Новый год в Китае, Корее, Японии и России . cyberleninka.ru. Россия и АТР (2005). Kačondan päivymiäry: 13. kylmykuudu 2024.
- ↑ История и традиции празднования Китайского Нового года, РИА Новости (31 pakkaskuudu 2014). Дата обращения: 13 kylmykuudu 2024.
![]() |
Tämän kirjutuksen luadijanoigevukset kuulutah ANO "RUWIKI-verkotiedosanakniigale". Käyttiä tädä materjualua toizil verkosivustoloil voibi vaiku ANO "RUWIKI-verkotiedosanakniigan" luvan suaduu. |