Vihandu puuhine mado
Vihandu puuhine mado on kitailazen kalenduaran mugah vuvven 2025 simvolu.
Mavon vuozi algavuu 29. pakkaskuudu vuvvennu 2025, loppuu — 16. tuhukuudu vuvvennu 2026[1].
Mavon vuozi
Kitailazen goroskoupas on 12 elättii, jogahine vastuau omua vuottu. Elätti voi olla kiini yhtes viijes elementas: metallas, puus, vies, tules, muas. Toizin sanoin kerran 12 vuvves on elätin vuozi, kudai on kiini vaihtelijois elementois. Kaikkiedah voi olla 60 eri variantua. Nenga sit kierdo kitailazes goroskoupas uvvistahes 60 vuvves[2].
Mavol on kuvves sija goroskoupan 12-vuodizes kierros da se voi olla [1]:
- valgei metallumado;
- vihandu puuhine mado;
- vihandu vezimado;
- ruskei tulimado;
- keldaine muamado.
Ielolijat mavon vuvvet
- 1929 (muamado)
- 1941 (metallumado)
- 1953 (vezimado)
- 1965 (puuhine mado)
- 1977 (tulimado)
- 1989 (muamado)
- 2001 (metallumado)
- 2013 (vezimado)
Nenga sit ielolii vihandan puuhizen mavon vuozi oli vuvvennu 1965[3].
Simvolah nähte
Kitailazes kul'tuuras maduo piettih luonnon vägevyön simvolannu, nämmii elättilöi kunnivoittih[2]. Kitailastu naisjumalua N'uivua kuvatah mavon runganke da ristikanzan piänke[4]. Šan' hai czin -kniigas mifolougieh nähte on kuvuamizii jumalois, kudamat piettih čomenduksinnu madoloi.
Sanotah, ku mavot ollah mielevät, mudroit, viizahat, terävysilmäzet da uskollizet[5].
Väri da ymbäristö (vihandu, puuhine), kudamat kuulutah vuvven 2025 simvolale, päivännouzus ollah kehityksen da alallizen korgiembale nouzendan simvolannu.
Vihandan puuhizen mavon vuvven vastuanduperindöt
Vihandan puuhizen mavon vuottu vastatah omas perehes libo lähimäzien ystävienke.
Perindön mugah vihandu puuhine mado hyväksyy sobien moizii värilöi[6]:
- vihandu;
- ruskei;
- keldaine (kuldaine)
- harmai;
- mustu.
Sobii nevvotah čomendua biiseral, paijetkoil, kirjoil, struazoil.
Pertilöin čomendamizes käytetäh kylmii sävylöi[6], mišurua, kudai läpettäy kui mavon nahku[1].
Pruazniekkustolah varustetah delikatiessoi: lihua, kalua, meriandimii. Kattua stola voibi kuldazis, hobjazis, vihandois sävylöis.
Kačo ližäkse
Huomavukset
- ↑ 1 2 3 Зеленая Деревянная Змея - символ 2025 года по восточному календарю, Российская газета (4 ligakuudu 2024). Kačondan päivymiäry: 13. kylmykuudu 2024.
- ↑ 1 2 Зеленая Деревянная Змея. Что нужно знать о символе 2025 года, РБК Life (16 syvyskuudu 2024). Kačondan päivymiäry: 13. kylmykuudu 2024.
- ↑ Анна Луговая. Каким будет следующий год Змеи по китайскому гороскопу: характеристики и описание знака, Lenta.RU (17 ligakuudu 2024). Kačondan päivymiäry: 13. kylmykuudu 2024.
- ↑ Нюйва — создательница человеческих существ. www.epochtimes.ru (9. sulakuudu 2016). Kačondan päivymiäry: 13. kylmykuudu 2024.
- ↑ Зеленая деревянная змея - символ 2025 года: что важно знать о главном символе. Kačondan päivymiäry: 13. kylmykuudu 2024.
- ↑ 1 2 Екатерина Козлова. Принесет удачу: каким будет 2025 год Зеленой Деревянной Змеи, Пятый канал (9 kylmykuudu 2024). Kačondan päivymiäry: 13. kylmykuudu 2024.
Kirjalližus
- Проничева И. А. Роль культурной коннотации в адаптации семантики заимствованных образов в русской лингвокультуре (на примере 12 знаков по восточному календарю) // Тульский научный вестник. Серия История. Языкознание. 2020. № 3.
- Чжан Цзиньлэй, Непомнящих Е. А. Текстологическая специфика гороскопов (на материале русского и китайского языков) // Евразийский Союз Учёных. 2020. № 4-9.
- Цзя Хуэйминь Лунный календарь и знаки зодиака в повседневной культуре Китая // Манускрипт. 2016. № 7-1 .
- Цзя Хуэйминь Китайские новогодние праздники по лунному календарю в повседневной культуре современного Китая // Общество: философия, история, культура. 2016. № 8.