Klimeneckoi manasteri
| Manasteri | |
| Klimeneckoi Pyhän Sroičan manasteri | |
|---|---|
 Klimeneckoin manasterin Sroičan kirikkö | |
| 61°50′55″ с. ш. 35°11′01″ в. д.GЯO | |
| Mua | Ven’an Federacii |
| Sijoittumine | Suuri Klimeckoi suari |
| Konfessii | pravolsuavii |
| Perustai | Prepodobnoi Klimeckoi Iona |
| Perustandan päivymiäry | 1520 |
| Salbuandan päivymiäry | 1918-1920 |
| Vahnembi | igumen Aleksandr (Marčenko) |
| Stuatussu |
 ОКН № 1031169000 |
| Verkosivusto | klimenets.ru |
 |
|
 Медиафайлы на РУВИКИ.Медиа | |
|
Ven'an Federacien kanzoin |
Klimeneckoi Pyhän Sroičan manasteri (ven. Клименецкий Свято-Тро́ицкий монасты́рь) on elävytettävänny olii pravosluavine manasteri Suurel Klimeckoil suarel (Karjalan tazavallan Karhumäin piiris).
Histourii
Manasterin perustandua enne suarel oli pravosluavine N'atinan manasterimua[1].
Manasterin perusti Karjalan pyhä Iona (Novgorodan posadniekan poigah Ivan Klimentjev)[2]. Hänen aigah sie nostettih puuhizet Miikulan da Sroičan kiriköt[3]. Iče Iona ei roinnuh manasterin vahnembakse, jäi tavallizekse manuahakse. Kuoli vuvvennu 1534, händy pandih muah Miikulan kirikön seinillyö.
Vuozinnu 1613—1614 manasterile vahinguo rodih ruoččilazien hyökkävykses[4].
Vuodessah 1664 vahnembannu oldih igumenat, jälles strojitel’at.
Vuvvennu 1709 paloi Miikulan kirikkö. Vuvvennu 1712 uvvessah nostettih Sroičan kirikkö. Vuvvennu 1714 nostettih Sreiten’n’an kirikkö (nostettu vuvvennu 1843 da pyhitetty pyhän da čuvvonluadijan Miikulan nimeh). Imperatricu Jelizavetan varoih nostettih kivikirikkö pyhien pruavednoloin Zaharien da Jelizavetan nimeh (uvvessah pyhitetty jälles vuvvennu 1840 piettylöi kohendusruadoloi)[5]. Sit kirikös oli Iona Klimeneckoin kalmu.
Vuvves 1764 se oli pieni manasteri, vuvvennu 1769 se heitti ruandan. Kevätkuul vuvvennu 1772 manasterin kiriköt annettih Sennaja Guban prihodah.
Vuvvennu 1833 manasterin ruavon elävytti Anuksen da Petroskoin enzimäine episkoppu Ignatii Anuksen arhijereiskoin Ionan koin halliččijan hantuzis[6]. Ignatii andoi iččeh omažuon vuitin manasterile, kirjutti oučerkan manasterin histouries.
Anuksen gubernien arhitektoran Vasilii Tuhtarovan projektan mugah da johtol vuvvennu 1853 piettih manasterin huonuksien elävytysruadoloi.
23. sulakuudu vuvvennu 1860 manasteri rodih iččenäzekse.
Vuvvennu 1876 manasterin tyveh avattih pellastusstansii, kudaman piälikönny oli manasterin vahnembi[7].
Vuvvennu 1884 manasetrih kävyi suuri kniäzi Vladimir Aleksandrovič.
Manasteri oli erähänny Petroskoispäi pyhilekävyjien käyndykohtannu[8].
Vuvvennu 1901 arhimandriittu Varnavan (Nakropin) alguhpanos avattih kirjutusmalton škola, vuvvennu 1902 se muutettih kirikkö-prihodan školakse. Vuvvennu 1903 sen akkiloiččijannu oli suuri kniäzi Konstantin Konstantinovič[9].
5. sulakuudu vuvvennu 1902 manasteril rodih vahinguo tulipalos[10].
Vuvvennu 1905 manasteris pyhitettih puuhine kirikkö prepodobnoin Iona Klimeneckoin nimeh.
Vuvvennu 1906 manasteri rodih naismanasterikse. I Muailman voinan aigah manasterin manuahin’at oldih yhtehizes ruavos Kogo Ven’an voimattomien da ruanittuloin saldattoin avun liitonke.
Vuvven 1913 kaičusluvettelus oli 27 huonustu manasterin alovehel — Zaharien da Jelizavetan kirikkö, kellojallat, Iona Klimeneckoin kirikkö, nellikulmaine bašn’u, bašn’u-kel’l’u aijan liidehozas, uuzi kaksikerroksine vellilöin korpussu kivialustal, puuhine syöndyperti, kel’l’u-kodine, kuoppu, jiäkohtu[4].
Vuvvennu 1920 manasteri salvattih da huijattih: sen huonukset annettih paikallizele souhozale, myöhembi niistielöin taloin ruadopajah niškoi, pionieruleirile[11]. Niistielöin taloi luadi kellojallois siilossubašn’an[12].
Vuvvennu 2015 perustettih Klimeneckoin manasterin pruavednoloin Zaharien da Jelizavetan kirikön prihodu.
Sen vahnembakse rodih igumen Aleksandr (Marčenko), enne namestniekku (vuvves 2011 igumen) Kemin Blahvešen’n’an miesmanasteris uuzien muokkuakestäjien da ispovedniekoin nimeh vuvves 2000 vuodessah 2015. Oraskuul vuvvennu 2016 enzimäzet manuahat tuldih elävytettäväh Klimeneckoih manasterih da allettih sie rakendus- da elävytysruadoloi. Petroskoin da Karjalan mitropoliittu Konstantin (Gor’anov) manasterin huonuksien perustamizekse andoi taloin, kudamas eli mitropoliittu Manujil (Pavlov)[13].
3. syvyskuudu vuvvennu 2017 mitropoliittu Kanstantin pyhitti vahnale alustale nostetun kirikön Čuvvonluadijan pyhän Miikulan nimeh[14]. Manasterin ainavonnu säilynyönny histouriellizennu huonuksennu on XVIII vuozisuan aigaine pravedniekkoin Zaharien da Jelisavetan kirikkö, kudai vuvvennu 2019 oli pahas kunnos. Jälles vuvvennu 2019 allettuloi restauroičusruadoloi elävytetty kirikkö pyhitettih vuvvennu 2024[15][16].
Manasterin vahnembat
igumenat:
- Prohor (1520);
- Iona (1520—1534);
- Dionisii (около 1540);
- Kirill (1547);
- Prohor (1565);
- Masajil (1568);
- Tihon (1582—1583);
- Filipp (около 1590);
- Iona (1591);
- Varsonofii (1593—1596);
- German (1599);
- Kiprian (1600—1611);
- Gennadii (1611—1612);
- Akakii (1615);
- Arsenii (1617—1628);
- Gerasim (1628—1632);
- Arkadii (1632—1638);
- Varlaam I (1639—1642);
- Ioasaf I (1643—1647);
- Ignatii (1648);
- Ilija I (Lopar'ov) (1649—1660);
- Gedeon (1661—1664);
strojitel’at:
- Ioasaf II (1664—1675);
- Ilija II (1676);
- Feodosii (1677—1688);
- Filipp (1682);
- Sergii (1689);
- Varlaam II (1690—1694);
- Aleksandr (1695—1707);
- Ilija III (1707—1725);
- Kornilii (1727—1748);
- Feodor (Koz’min), pappi;
- Pafnutii (1765);
- Ioasaf III (1756—1762);
- Pafnutii (1765—1769);
- Adrian (1846‑1854);
- Vladimir (1854);
- Iraklii (vuvves 1854 vuodessah 1875), igumen vuvves 1865;
- Samujil (1890-luvul);
- Ijeronim (1890-luvul);
- Varnava (Nakropin), igumen (1899—1905);
- Simeon (1905—1906);
- Hristina (1907—1909);
- Jevgenija (1909—1913);
- Markelina (1913—1915);
- Margarita (1916—1918)[17],
Huomavukset
- ↑ Климецкий монастырь Arhiivukoupii 4 kevätkuudu 2016 Wayback Machine // Олонецкие губернские ведомости. — 19.08.1887.
- ↑ Покровитель путешествующим по здешним водам. Kačondan päivymiäry: 1. heinykuudu 2025. Arhiviiruittu 8. oraskuudu 2012
- ↑ Климецкий монастырь Arhiivukoupii 5 kevätkuudu 2016 Wayback Machine // Олонецкие губернские ведомости. — 10.04.1847.
- ↑ 1 2 Дмитриева Т. П., Кочкуркина C. И. Остров Большой Климецкий: историко-культурный очерк Arhiivukoupii 24 syvyskuudu 2018 Wayback Machine
- ↑ Климецкий монастырь // Олонецкие губернские ведомости. — 17.04.1847
- ↑ Возведение Климецкого монастыря на степень самостоятельной обители Arhiivukoupii 5 kevätkuudu 2016 Wayback Machine // Олонецкие губернские ведомости. — 25.06.1860.
- ↑ Пароход "Кивач" Arhiivukoupii 5 kevätkuudu 2016 Wayback Machine // Олонецкие губернские ведомости. — 01.08.1890.
- ↑ Поездка в Клименицкий монастырь Arhiivukoupii 5 kevätkuudu 2016 Wayback Machine // Олонецкие губернские ведомости. — 24.05.1895.
- ↑ Кожевникова Ю. И. Монастыри и монашество во второй половине XVIII — начале XX века. — Петрозаводск: Издательство Спасо-Кижского подворья, 2009. — Л. 210—211.
- ↑ Кожевникова Ю. Н. Свято-Троицкий Клименецкий монастырь во второй половине XVIII — начале XX века Arhiivukoupii 3 syvyskuudu 2013 Wayback Machine.
- ↑ Клименецкий монастырь // Олонецкая губерния. Страницы истории. — Петрозаводск, 2000. — Л. 69—77.
- ↑ Подгорный П. А. Живём мы хорошо // Красная Карелия. — 03.06.1936.
- ↑ Идет активное возрождение монашеской жизни в древней Клименецкой обители Arhiivukoupii 9 elokuudu 2016 Wayback Machine
- ↑ В неделю 13-ю по Пятидесятнице митрополит Константин освятил Никольский храм возрождающейся Клименецкой обители Arhiivukoupii 4 syvyskuudu 2017 Wayback Machine
- ↑ Каменный храм 1757 года постройки освятят в Карелии после восстановления (рус.). Интерфакс (10. kezäkuudu 2024). Kačondan päivymiäry: 20. elokuudu 2026.
- ↑ Завершилась реставрация самого древнего сохранившегося каменного храма Карелии (рус.). ИА "Республика" (17. syvyskuudu 2022). Kačondan päivymiäry: 20. elokuudu 2026.
- ↑ Барсов Е. В. Олонецкий монастырь Клименцы, с приписными к нему Пустынями, царскими и иераршими грамотами / Императорское Общество Истории и Древностей Российских при Московском Университете. — М.:Университет.тип.,1871. — с. 81-82; Барсов Е. В. Алфавитный указатель монастырей и пустынь, упраздненных и существующих в Олонецкой епархии, с их настоятелями // Памятная книжка Олонецкой губернии на 1867 год. Петрозаводск, 1867. С. 3 ‑ 29; Памятные книжки Олонецкой губернии 1901—1916 гг.; Строев П. М. Списки иерархов и настоятелей монастырей российской церкви — Спб., 1877, с.999
Kirjalližus
- Кожевникова Ю. Н. Свято-Троицкий Клименецкий монастырь во второй половине XVIII — начале XX века // Кижский вестник № 7. — Петрозаводск: Музей-заповедник «Кижи», 2002. — С. 28—33.
- Набокова И. И. Клименецкий монастырь и его влияние на жизнь кижского крестьянства // Кижский вестник № 7. — Петрозаводск: Музей-заповедник «Кижи», 2002 . — С. 34—40.
- Кочетов Д. Б. Клименецкий во имя Святой Троицы женский монастырь // Православная энциклопедия. — М., 2014. — Т. XXXV : «Кириопасха — Клосс». — С. 402—406. — 752 с. — 33 000 экз. — ISBN 978-5-89572-041-7.
- Кожевникова Ю. Н. Троицкий Клименецкий монастырь в первые годы советской власти // 1917—2017 годы: уроки столетия для Карелии: материалы научной конференции. — Петрозаводск, 2018. — С. 148—156.
- Кожевникова Ю. Н. Рыболовные угодья Троицкого Клименецкого монастыря в XVI — первой половине XVIII в. // Кижский вестник. — Петрозаводск, 2019. — Вып. 18. — С. 64-74.
Linkat
- "На сем месте братию собрати, обитель соорудити и храм Святыя Троицы соградити Arhiivukoupii 23 kylmykuudu 2015 Wayback Machine
- Возрождение Клименецкого Свято-Троицкого монастыря Arhiivukoupii 3 tuhukuudu 2018 Wayback Machine