Kogo Ven'an histourien da kul'tuuran muistomerkilöin hoidopäivy
| Kogo Ven'an histourien da kul'tuuran muistomerkilöin hoidopäivy | |
|---|---|
 | |
| Merkičys | Ven'an kul'tuuruperindön säilyttämine da popul’arizacii |
| Pandih alguh | vuvvennu 2019 |
| Pietäh | Ven'al |
| Päivymiäry | 18. sulakuudu |
| Piendy | joga vuottu, 18. sulakuudu |
| Perindöt | subotniekkoin, luvendoloin, muasteriopastuksien, ozutteluloin piendy |
| Liittyy | Kanzoinvälizeh mustomerkilöin vardoičuspäiväh, kanzallizeh Kul'tuuran volont’uorat -projektah |
Kogo Ven'an histourien da kul'tuuran muistomerkilöin hoidopäivy (ven. "Всеросси́йский день забо́ты о па́мятниках исто́рии и культу́ры")[1] on jogavuodehine Kogo Ven'an Kanzoinvälizele mustomerkilöin da histouriellizien paikkoin vardoičuspäiväle omistettu akcii, kudamua pietäh 18. sulakuudu.
Tädä hommua järjestetäh kanzallizen Kul'tuuran volont’uorat -projektan hantuzis vuvves 2019 lähtijen, se pandih kanzallizeh Kul'tuuru-projektah rahvaskunnan huomavon kiinittämizekse Ven'an kul'tuuruperindön säilyttämizekse da popul’arizaciekse[2].
Tämän päivän nimeh pietäh subotniekkoi, luvendoloi, muasteriopastuksii, ozutteluloi da muudu piduo.
Kuvailu
Tehtävät
Kogo Ven'an histourien da kul'tuuran muistomerkilöin hoidopäivän piendän tarkoituksii ollah:
- Rahvahan huomavon kiinittämine histourien da kul'tuuran muistomerkilöin säilyttämizen probliemoih;
- Rahvahan viendy kul’tuuruperindön säilytändytoimeh;
- Oman muan histourien kunnivoiččemizeh opastandu;
- Rahvahan tuttavundu mustomerkilöih, kul’tuuruobjektoih da niilöin histourieh;
- Mustomerkilöin endizelleh kunnostandu da kačondu.
Päivän piendy
Tapahtuman tavan mugah pietäh subotniekkoin muvvos, kudamih tulou joukko rahvastu ruokkimah mustoperkilöis ymbäri olijoi alovehii, ruadoloi vaste sanellah niilöin histouries. Joga ruokindupaikal akcieh yhtynyzii vastatah johtajat, heijän tehtävih kuuluu tarvittavien ruadobrujien varustandu da juandu. Akcien ozanottajat haravoijah da kabrastetah mustomerkolöin alovehii, kerätäh lomuloi da toppii, pietähgi muudu ruaduo. Volont’uoroile järjestetäh tuttavunduekskursieloi, pietäh luvendoloi da muasteriopastuksii kul’tuuruperindön kunnostamizes da säilyttämizes, sego Ven'an histourile da kul’tuurale omistettuloi ozutteluloi da ezityksii[3].
Järjeständy
Tapahtimii järjestetäh kui valdivollizet virastot, mugai yhteiskunnallizet yhtistykset, volont’uorat da mieldynyzet kanzalazet[4][5].
Huomavukset
- ↑ Всероссийский день заботы о памятниках истории и культуры. dobro.ru. Добро.ру. Kačondan päivymiäry: 13. kylmykuudu 2025.
- ↑ В рамках дня заботы о памятниках истории и культуры сотрудники Тюменского концертно-театрального объединения выйдут на субботник. tgf.kto72.ru. Тюменское концертно-театральное объединение (12. sulakuudu 2022). Kačondan päivymiäry: 13. kylmykuudu 2025.
- ↑ В России стартует День заботы о памятниках истории и культуры. culture.gov.ru. Министерство культуры Российской Федерации (7. sulakuudu 2023). Kačondan päivymiäry: 13. kylmykuudu 2025.
- ↑ В России состоится «Всероссийский день заботы о памятниках истории и культуры». portal-kultura.ru. "Газета Культура" (7. sulakuudu 2023). Kačondan päivymiäry: 13. kylmykuudu 2025.
- ↑ Всероссийский день заботы о памятниках истории и культуры. culture.ru. Культура.РФ. Kačondan päivymiäry: 13. kylmykuudu 2025.
Kirjalližus
- Шишова Алена Павловна. Институт волонтёрства в сфере сохранения культурного наследия // Финансовые рынки и банки. — 2023. — С. 3.