Kogo Ven'an licejistan päivy

On otettu Рувики-späi
Kogo Ven'an licejistan päivy
Ставрополь Лицей 16 ЮИД.jpg
Tiippu Mualline virralline pruazniekku
Toizin enne «Licein murgin»
Sežo Licejistan päivy, Licein päivy
Pandih alguh XIX vuozisual
Pietäh  Ven'an valdukundu,  Ven'anmua
Päivymiäry 19. ligakuudu
Liittyy Imperuattoran Carskosel'skoi liceih, 19. ligakuudu vuvvennu 1811 Piiteris pruazniekkupivos avattih Ven’an valdukunnan enzimäine opastuslaitos, kudamas opastettih jevrouppalazen metoudan mugah.

Kogo Ven'an licejistan päivy (ven. Всеросси́йский де́нь лицеи́ста) on mualline virralline pruazniekku, kudai on omistettu keskiopastuslaitoksien (liceiloin) opastujile. Tädä jogavuodehistu päiviä pietäh syvyskuun 19. päivänny XIX vuozisuas lähtijen enzimäi Ven’an valdukunnas, myöhembi Ven'al. Se on perustettu Ven’an valdukunnan enzimäzen Imperuattoran Carskosel'skoin licein avuandan kunnivokse.

Histourii

19. ligakuudu vuvvennu 1811 Piiteris piettih Ven’an valdukunnan enzimäzen opastuslaitoksen -Imperuattoran Carskosel'skoin licein  (ven.) (olo. — pruazniekkuavuajazet, kudamas käytettih jevrouppalastu opastusmetoudua. Myöhembi muas avattih vie kuuzi senjyttymiä opastuslaitostu[1].

Liceiloin opastujat ruvettih joga vuottu pidämäh Licein murgin -vastavuksii. Pruazniekkupäiväkse piätettih ottua syvyskuun 19. päivy. Perustettu päivy rodih ystävyön uskon, nuoruon ihandehen, tiijon tahtoloin da luomiskehityksen simvolakse[2][3].

Vuvvennu 1917, Ligakuun vallankumovuksen jälgeh, bol’ševiekat salvattih kai liceit, heitettihgi tämän päivän piendy[2].

Vuozinnu 1990 uuzien samanmoizien opastuslaitoksien avaundanke elaigah uvvessah tuli Kogo Ven'an licejistan päivygi. Sen piendän päiväkse jätettih endine päivymiäry — 19. ligakuudu. Kogo Ven'an licejistan päivy on virralline kalenduarupruazniekku — Ven'an mustopäivy  (ven.) (olo.[1].

Gukovo-linnan budžiettuopastuslaitos "Licei № 24"

Tapahtumat

Kogo Ven'an licejistan päivänny pietäh mostu piduo kui[1]:

  • tuttavuspäivii liceiloin loppenuzien vastavuksienke;
  • pruazniekkukonsertua, teatruezitysty da bualua;
  • temuattistu urokkua, ekskursiedu, tiemukirjutuksien kilbua da tiedokižua.

Vuvvennu 2022

  • Moskovas Rahvahan talovuon suavutuksien ozuttelus (VDNH:l) Slovo -vahnanaigazien slavjuanoin kirjukielen muzeis piettih temuattine ekskursii nimel "Eloksen allus mustan školan minä…"[4].
  • Piiteris Primorskan piiris Puškin lähti iäre — taidoezinehellyö (on avattu 6. kezäkuudu vuvvennu 2016) Mustujogi -metrosatnsiel järjestettih Meijän liitto on erinomaine -literatuuruakcii. Sen aigua lugiettih runoilijan kuulužua tevostu, akcien lopus ruadoi avvoi mikrofon" (jogahine, ken vai tahtoi, sai lugie runoilijan suvaittavan runon)[5].

Vuvvennu 2023

  • Nižegorodskoin alovehel A.S. Puškinan liceis piettih opastujien bualat. Licejistat ezitettih klassiillizet romansat, ozutettih istouriellizet tansit da pajatettih licein gimnan[6].
  • Moskovas Ostafjevo -muzei-zapovedniekas Licein päivän nimeh järjestettih Puškinan paikkoin silmykaivot -mualavuksien ozuttelu. Ezile nostettih taidomualuajan Ivan Vasiljevič Sorokinan tevokset (et’uudua da huahmokuvua), kuduat on luajittu eri mualuamistehniekas (voikruaskukuva, akvarelikuva, karandiššukuva, väripiirdinkuva)[7].

Vuvvennu 2024

  • Moskovan alovehen Čehovas Lopasn’a-začatjevskoje -usad’bu-muzeis pruazniekkupivos gimnuazistoikse otettih Podol'skoin kursantoin nimizen gimnuazien  (ven.) (olo. viijenden kluasan opastujii, sego piettih ekskursii Eläkkäh Licei! -ozutteluu myö[8].
  • Moskovan valdivollizen pedagougizen yliopiston liceis oli pruazniekkukonsertu "10 ilostu pikoi kodvastu!"[9].
  • Kniiguozuttelu "Ystävät, meijän liitto on erinomaine!" avattih M. Gor’koin tiijollizes kirjastos Piiteris[10].

Vuvvennu 2025

  • Murmanskan S. M. Kirovan nimizes Kul’tuurudvorčas piettih Licejistan päivy -konsertu, sil ezitettih ižänmuansuvaičuksen pajo- da horeogruafiinoumerua[11].
  • Piiteris Kirovan piirin kirjastos oli Matku Carskosel'skoin licein histourieh -programmu, sen aigua järjestettih Sie, kus Puškin opastui -ezittely, Eläkkäh Licei! -kiža" da Carskosel'skoi licei A. S. Puškinan elokses -tiedokilbu, piettih ekskursii Matku Carskoje Selo -paikkua myö -kniiguozuttelus[12].
  • Kogo Ven'an A. S. Puškinan nimizes muzein Mustomuzeis-liceis piettih jogavuodehine Lahju runoilijale -pruazniekkuseremounii A. S. Puškinan mustopaččahalluo Licein savus, fotokuvien Puškin objektiivas -kilbu, kudai omistettih runoilijan roindan 225-vuozipäiväle, pruazniekkukonsertu da Kanzoinvälizen dizainieroin, modeljeroin da taidoilijoin Puškinan bualu -kilvan finualah puuttunuzien movvanozuttelu. G. R. Deržavinan muzei-usad’ban Mediakeskukses järjestettih temuattine programmu, kudai saneli Carskosel’skoin licein vuvven 1817 opastujien-loppenuzien elokses, sego azetettih elektronozuttelut[13].
Licei-internuattu nerokkahile lapsile, Kurganan aloveh. Loppenuzien tansi.

Mieldykiinittäjät toziaziet

  • A. S. Puškin on yksi Imperuattoran Carskosel'skoin licein enzimäzii opastujii-licejistoi. Sen periä Kogo Ven'an licejistan päiväs levieh sanellah tiijollis-popul’arizes kirjalližuos runoilijan perindön sego Ven'al opastuksen suandan histourien ozannu.
  • Vuvvennu 1817 enzikerdua Carskosel'skoin licein loppenuot suadih licein johtajas mustolahjan — čugunsormukset yhteh liitettylöin käzien muvvos, kuduat valettih urokoile kuččujan kellon palazis. Myöhembi opastuksen loppenuzet opastujat ruvettih murendamah kelloloi da jogahine otti ičelles palazen mustokse[1][2].
  • Carskosel'skoin liceis, sen aijan toizih opastuslaitoksih verratunnu, oli kielletty opastujien rungalline kuritus da lyöndy[1].
  • Carskosel'skoin licein kuulužat loppenuot: V. K. K’uhel’beker  (ven.) (olo., A. A. Del’vig, F. S. Mat’ušin, M. M. Speranskii, N. N. Muravjov-Amurskii da toizet[14].
  • Licei eroi kaikis toizis keskiopastuslaitoksis sil, gu se varusti omii opastujii piäzemäh opastumah tiettyh korgeiopastuslaitokseh opastajen tiettylöi ainehii[1].

Huomavukset

  1. ↑ 1 2 3 4 5 6 Всероссийский день лицеиста в 2025 году: какого числа, история и традиции праздника. Kačondan päivymiäry: 14. kylmykuudu 2025.
  2. ↑ 1 2 3 19 октября — Всероссийский день лицеиста: история и традиции, Известия (18 ligakuudu 2024). Kačondan päivymiäry: 14. kylmykuudu 2025.
  3. ↑ Всероссийский день лицеиста в 2024 году: история, традиции и интересные факты, sakh.online. Kačondan päivymiäry: 14. kylmykuudu 2025.
  4. ↑ Тематическая экскурсия ко Всероссийскому Дню лицеиста “В начале жизни школу помню я…” (рус.). slovo-vdnh.timepad.ru. Kačondan päivymiäry: 14. kylmykuudu 2025.
  5. ↑ День лицеиста отпразднуют в Приморском районе (рус.). Официальный сайт Администрации Санкт‑Петербурга. Kačondan päivymiäry: 14. kylmykuudu 2025.
  6. ↑ В Лицее им.А.С. Пушкина прошли балы, посвященные Всероссийскому дню лицеиста (рус.). semenov.nobl.ru (25. ligakuudu 2023). Kačondan päivymiäry: 14. kylmykuudu 2025.
  7. ↑ Выставка «Ко Дню Лицея «Родники Пушкинских мест», Куда сходить в Москве. Kačondan päivymiäry: 14. kylmykuudu 2025.
  8. ↑ Всероссийский день Лицеиста в музее «Усадьба Лопасня-Зачатьевское» (рус.). chekhovmuseum.com. Kačondan päivymiäry: 14. kylmykuudu 2025.
  9. ↑ 19 октября — Всероссийский день лицеиста (англ.). Главный портал МПГУ. Kačondan päivymiäry: 14. kylmykuudu 2025.
  10. ↑ Выставка «Друзья мои, прекрасен наш союз!». К Всероссийскому дню лицеиста (рус.). library.spbu.ru (21. ligakuudu 2024). Kačondan päivymiäry: 14. kylmykuudu 2025.
  11. ↑ Концерт «День лицеиста» (рус.). culture.ru. Kačondan päivymiäry: 14. kylmykuudu 2025.
  12. ↑ Экскурс в историю «Царскосельский лицей» (рус.). spbcult.ru. Kačondan päivymiäry: 14. kylmykuudu 2025.
  13. ↑ Всероссийский музей А. С. Пушкина. Всероссийский музей А. С. Пушкина | День Лицея (рус.). museumpushkin.ru. Kačondan päivymiäry: 14. kylmykuudu 2025.
  14. ↑ 19 октября – Всероссийский день лицеиста: история и традиции праздника — Бэби.ру (8 ligakuudu 2024). Kačondan päivymiäry: 14. kylmykuudu 2025.
Lähteh - "https://olo.ruwiki.ru/w/index.php?title=Kogo_Ven%27an_licejistan_päivy&oldid=126361939"