Kremlin uvvenvuvven illačču
| Kremlin uvvenvuvven illačču | |
|---|---|
 | |
| Puaksuvus | joga vuottu |
Kremlin uvvenvuvven illačču on jogavuodine uvvenvuvven ezitys Kremlis. Tapahtuman keskikohtannu on lapsien vastavus Pakkasukonke. Festivualin juondehtu pietäh peitos lippuloin myöndäh suate, tavan mugah ligakuussah[1].
Uvvenvuvven illaččuu pietäh Valdivollizes Kremlin dvorčas. Kremlin alovehelу suau tulla st'oklupaviljonan kauti, kus tulolazii kačotah da tarkastetah. Metron lähtendykohtas sijoitetah orijentiiruičenduposterat.
Histourii
Perindö čomendua lagevuo Kremlin luo Uvvekse Vuvvekse kuuzil pandih alguh enämbi 300 vuottu tagaperin, Pedri I:n halličendan aigah. Omis käskylöis imperuattoru siirdi Uvven Vuvven piendän 1. päiväs syvyskuudu 1. päiväkse pakkaskuudu da käski istuttua Moskovan Soborulagevole havvupuuloi tämän tapahtuman kunnivokse.
Vuodessah 1917 uvvenvuvven kuuzi azetettih Kremin Soborulagevol. Sih perindöh kiännyttih uvvessah vuvvennu 1996[2].
Enzimäzii Kremlin kuuzii tuodih Velikii Ust'ugaspäi, Pakkasukon roindumuaspäi, vuozien 1990 lopus[3].
Uvvenvuvven puudu ruvetah eččimäh kezän lopus ilmu- da sputniekkuyhtevysty käyttäjen. Moskovan alovehen kaikis mečänhoidoalois vallitah 50—70 puudu; vuadimukset uvvenvuvven kuuzeh nähte ollah moizet — tazaine rungo da silei ladvu. Tärgei on puun igägi — sil pidäy olla enämbi 95 vuottu[2].
Moskovas lapsih niškoi uvvenvuvven ezityksien histourii algavui vuozinnu 1930. 1945 vuottu vaste suuri ezitys oli Nevvostoloin talois. Vuvves 1954 lapset ruvettih käymäh uvvenvuvven illaččuh Kremlih[4].
Piendy
Perindön mugah Kremlin uvvenvuvven illačun ezitykset ollah joga päiviä talvikuun lopus da pakkaskuun allus. Vuozikavvennu 2024/2025 ezitykset oldih talvikuun 26. päiväs pakkaskuun 8. päivässäh, huogavopäivänny oli 1. pakkaskuudu[5]. Kremlin dvorčas pietäh sežo patriarhan uvvenvuvven illaččuu — hyvyönluadistu piduo pyhänpäivän školien, suojuspaikkoin da lapsien päivykodiloin lapsih nähte. Sih lippuloi ei myvvä: niilöi suajah mainittuloin laitoksien kazvatit.
Piäzy Moskovan Kremlin alovehele avatah 1 čuassu 45 minuuttua enne pivon alguu Kutafjan tornin st'oklupaviljonoin kauti.
.jpg)
Uvvenvuvven illačču juatah kahteh ozah: enzimäine oza on iloitusohjelmu enne ezitysty foijes, toine — iče ezitys. Päiväs on kolme ezitysty: 10:30, 14:00 da 18:00 čuasun aigah. Uvvenvuvven illačun enzimäine oza avatah 1 čuassu 15 minuuttua enne ezitysty. Ezitys kestäy läs čuassuu, а iloitusohjelmu enne ezitysty — läs 45 minuuttua[6]. Программа в фойе может включать в себя подвижные игры и конкурсы[7].
Lapsii, kudamil on vähembi 14 vuottu, ei laskieta yksinäh, heil pidäy tulla vaiku täyzi-igäzenke[8]. Lapset, kudamil on enämbi 14 vuottu, voijah tulla ezityksih yksinäh. Viitehpaginua tarviččijoih kaččojih nähte pietäh erilline ezitys; lapsil niistien kal'askois annetah viettelii da erilline istundukohtu zualas.
Joga kävyjäl (vahnembal dai lapsel) pidäy olla lippu, uvvenvuvven lahjas maksetah erikseh[7].
Helpondukset
Ilmai Kremlin uvvenvuvven illaččuh voijah tulla:
- Ammattiliittoloih kuulujat. Kremlin uvvenvuvven illačun luadijannu on Moskovan ammattiliittoloin federacii. Sit erähät vahnemat, kudamat ruavos kuulutah ammattiliittoh, suajah lippuloi ilmai, alendetus hinnas libo maksetah vuitin sit[1].
- Lapsekkahat perehet da toizet helponduksii suajat. Ilmazii lippuloi uvvevuvven illaččuh juatah paikallizien sociauluturvalližuon ozastoloin kauti.
- Parahat opastujat. "Kogo Ven'an uvvenvuvven illaččuh" puututah ilmai suavutuksis opastundas — lippuloi annetah parahile opastujile da kilboin voittajile; lapset tullah uvvenvuvven illaččuh opastajienke.
Ližiä tieduo
- Vuvvennu 1992 tytit — Kremlin uvvenvuvven illačun ozanottajat lähtiettih Kremlin ulgopuolele: pivon luadijat čomendettih Uvvekse Vuvvekse Kutafjan tornin da Sroičan sillan[4].
- Vuozikavvennu 2020/2021 koronaviirusan pandemien periä Kremlin uvvenvuvven illaččuu piettih ilmai kaččojii. Sidä ozutettih TV:s[9].
Kačo ližäkse
Huomavukset
- ↑ 1 2 Полина Калмыкова. Как попасть на кремлевскую елку // Тинькофф Журнал : сайт. — 2023. — 24 октября.
- ↑ 1 2 Главная новогодняя ель России, РИА Новости (12 talvikuudu 2022). Kačondan päivymiäry: 14. kylmykuudu 2024.
- ↑ София Токарева. Главная елка страны – 2024: все секреты, как добраться и увидеть ее, Известия.
- ↑ 1 2 Елизавета Королёва. «Ребёнка надо удивить»: 60 лет назад новогодняя ёлка в Кремле стала сказочной. RT на русском (2. pakkaskuudu 2024). Kačondan päivymiäry: 14. kylmykuudu 2024.
- ↑ Новогодние ёлочные представления (неопр.). Государственный Кремлёвский Дворец. Kačondan päivymiäry: 14. kylmykuudu 2024.
- ↑ Кремлевская Ёлка. mtuf.ru. Kačondan päivymiäry: 14. kylmykuudu 2024.
- ↑ 1 2 Кремлевская елка 2024-2025: как попасть, цена билета, подарок, Российская газета (27 talvikuudu 2023). Kačondan päivymiäry: 14. kylmykuudu 2024.
- ↑ Новогодние ёлочные представления (рус.). Государственный Кремлёвский Дворец.
- ↑ Кремлевскую елку впервые покажут по телевизору, ТВ Центр - Официальный сайт телекомпании (9 kylmykuudu 2020). Kačondan päivymiäry: 14. kylmykuudu 2024.