Lapsien kniigukartu
| Lapsien kniigukartu | |
|---|---|
 | |
| Algu | vuozi 2026 |
| Paikku |
 Ven'anmua |
| Syy | valdivolline päivykodiloin kazvattiloin opastuksen programmu |
| Ozanottajat | 3-6-vuodizet lapset |
Lapsien kniigukartu (ven. Детская книжная карта) on valdivolline päivykodiloin kazvattiloin opastuksen programmu, sen pani alguh Ven'an piämies Vladimir Putin Ven'an kielen da Ven'an kanzoin kielien kannatustu koskijan valdivollizen poliitiekan todevutandan nevvoston istundol 5. kezäkuudu vuvvennu 2025[1]. Sidä ruvetah todevuttamah vuvves 2026 algajen[2]. Kartu, kudaman nominualu on 3 tuhattu rubl'ua, on tarkoitettu 3-6-vuodizile lapsile[3]. Sih suau ostua ei vähembä 10 kniigua, kudamii on hyväksynnyh azientiedäjien yhteiskundu[4].
Histourii
5. kezäkuudu vuvvennu 2025 Ven'an kielen da Ven'an kanzoin kielien kannatustu koskijan valdivollizen poliitiekan todevutandan nevvoston istundol Ven'an piämies Vladimir Putin kehoitti Puškinan kartan jyttyöh ottamah käyttöh Lapsien kniigukartua[1]. Valdivon piämiehen mielen mugah sen nominualu pidäy olla kolme tuhattu rubl’ua da se on tarkoitettu 3-6-vuodizile lapsile — literuattoroin, psiholougoin da detsadulazen opastuksen ammattimiehien hyväksyttylöin kniigoin ostandah[3]. Ližäkse Vladimir Putin pani merkile sen, ku hinnat julgavoloih pidäy panna pättävät, ku kartan omistai suas ostua ei vähembä kymmendy kniigua[1].
Ilmahpiäständy
Lapsien kniigukartua huavatah piästiä ilmah vuvves 2026 algajen[2]. Ven'an piämiehen abuniekku Jelena Jampol’skaja ilmoitti, ku tämä ohjelmu rodieu hyvänny pohjannu alovehellizien julguamoloin kehittämizes[1]. Häi kehoitti erähän kniigukartan nimengi — "Kuldaine avain"[1].
Leviendy
Reknaillah, ku ohjelmah ottau ozua läs 7-8 miljonua 3-6-vuodistu lastu[5].
Huomavukset
- ↑ 1 2 3 4 5 Заседание Совета по реализации госполитики в сфере поддержки русского языка и языков народов России, Президент России (05.06.2025). Kačondan päivymiäry: 5. kezäkuudu 2025.
- ↑ 1 2 Три тысячи на книжки. Путин предложил с 2026 года выдавать дошкольникам детскую книжную карту, Фонтанка.ру (05.06.2025). Kačondan päivymiäry: 7. heinykuudu 2025.
- ↑ 1 2 Путин предложил запустить программу "Детская книжная карта" - Российская газета, Российская газета (5 kezäkuudu 2025). Kačondan päivymiäry: 7. heinykuudu 2025.
- ↑ Путин предложил выпустить «детскую карту» на ₽3 тыс. для покупки книг, РБК (05.06.2025). Kačondan päivymiäry: 7. heinykuudu 2025.
- ↑ Дети в России. Федеральная служба государственной статистики (1. kezäkuudu 2024). Kačondan päivymiäry: 7. heinykuudu 2025.