Max (sovitus)

On otettu Рувики-späi
Max
Скриншот программы Max
Tiippu tiedokonehohjelmu[d]
Kehittäjät ven. ООО «Коммуникационная платформа»
Käyttösistiemat iOS, Android, macOS, Windows
Interfeisan kielet anglien, ven’an kieli da muut
Enzimäine ilmahpiäständy 27. kevätkuudu 2025
Tila aktiivine
Verkosivusto max.ru

Max (stilizuittu MAX, ven. Приложение Max) — on digitualine platformu VK-laitokselpäi, kudai yhtistäy messendžeran, minisovituksien, maksosistieman da valdivollizien palveluksien funksiet[1]. Beta-versii, kudamah rubei kuulumah messendžeru, ezitettih 27. kevätkuudu vuvvennu 2025 vebverkosivustonnu da sovituksennu laittehih niškoi, kudamat ruatah iOSan, Androidan, macOSan da Windowsan pohjal[2]. Heinykuul vuvvennu 2025 VK-korporacii ilmoitti, ku on valmis maksamah palkua viidessäh miljonua rubl'ua Maxas löyttylöis vijois[3].

Vuvven 2025 syvyskuun 1. päiväs Max azetetah kaikkih uuzih laittehih Ven'al zakonoin mugah. Tuliel aigua reknaillah luadie yhtevys Valdivollizih palveluloih štruaffuloin maksamizekse, dokumentoin hoidamizekse da toizih valdivollizih palveluksih[4].

Vuvven 2025 elokuun 21. päiväs Max-sovitukses voibi suaja yksikerdaine koudu Valvivollizien palveluloin portualale piäzemizekse. Testiiruičendan jälles se mahto rodieu kaikil käyttäjil[5].

Histourii

Uudine Max-messendžeran käyttöh ottamizekse oli 25. kevätkuudu vuvvennu 2025. Silloi joukkoviestimet insaideroih vihjaten ilmoitettih, ku "lähiaigua" sovituksien laukois (App Store, Google Play) roih messendžeran beta-versii, kudai andau mahton työndiä viestilöi, soittua da työndiä tiijostoloi nellässah GB. Mainittih, ku muan alovehel sijoitettih mediapalvelukser onlaine-soittamizien ruandan varmistamizekse, a siirretyn paginan luavun parandamizekse otettih käyttöh mašinopastuksen tehnolougieloi. Pandih merkile, ku enzimäzeh versieh ruvetah kuulumah instrumentat korporatiivučat-boutuoin perustamizekse, niilöin avul suau luadie rahavaroin palveluksii, kannatuspalveluksii da toizii tuottehii. Ilmoitettih sežo, ku digitualizeh platformah huavatah luadie mini-sovitus, maksosistiemu da valdivollizet palvelukset, a sovitukses voi tulla kitailazen WeChatan vastineh[6].

Rahavaroin azientiedäjien arvosteluloin mugah investiciet projektah sen enzimäzes ozas voidih olla 1 miljardua rubl'ua[6].

27. kevätkuudu platformu oli suadavis laittehien sovituksennu iOSan, Androidan, macOSan, Windowsan pohjal sego vebverkosivuston muvvos. Beta-versieh otettih persounallizet da joukkopaginat, mahto työndiä inäniviestilöi, mediatiijostoloi, tiijsotoloi nellässäh GB, stikeroi da reaksieloi viestilöih, luadie iäni- da videosoittoloi, perustua čat-botoi da mini-sovituksii[2].

14. sulakuudu vuvvennu 2025 ilmoitettih, ku Max-palvelukseh ližätäh tegoäly GigaChat 2.0. Yhtehine ruado tegoälynke menöy persounallizen paginan hantuzis, kudamas käyttäi voi työndiä iäni- da tekstuviestilöi, audiotiijostoloi, kuvii da dokumentoi, a vastah ilmai suau tarvittavii tiedoloi (sih luguh kuuluu kielimodelin avul löytyt tiijot internetas). Maxan biznessu-klijentoih niškoi suadavis on tegoälyn kaksi versiedy — GigaChat 2 Pro libo GigaChat 2 MAX[7].

Vuvven 2025 kezäkuun tiedoloin mugah käyttäjientunnuksien lugu Ven’an messedžeras Max on 1 miljonu mobiililaittehis da tiedokonehis[8]. Vuvven 2025 heinykuun tiedoloin mugah käyttäjientunnuksien lugu on enämbi 2 miljonua[9].

1. syvyskuudu vuvvennu 2025 Maxan messendžeru huavatah azettua kaikkih uuzih ilmah piästylöih mobiililaittehih Ven'al[10].

Funksiet

Max on suadavis mobiililaittehih (iOS, Android), persounallizih tiedokonehih (Windows, macOS) tallendettavakse sego veb-interfeisoin kauti. Sovitus voibi azettua digitualizis laukoispäi App Store, Google Play, RuStore da AppGallery. Käyttäjän registracii menöy telefonan noumeran kauti — pidäy olla Ven'an libo Valgoven’an noumeru. Enzimästy kerdua ruadamah pannes pidäy kirjuttua nimi da tallendua profilin kuva[2][11].

Interfeisah kuuluu nelli piäozua: "Kontaktat", "Paginat", "Soitot", "Azetukset". Sydämes ollah suadavis paginoin ulgonävön kastomizacien funksiet, kanziloin mugah lajittelendu, ilmoitusazetukset da persounalližuon ohjuandu[11].

  • Max+mobiilisovituksen interfeisu
  • Registracien enzimäine askel

    Registracien enzimäine askel

  • Avataran valličendu registracien aigah

    Avataran valličendu registracien aigah

  • Enzimäine tuttavundu Maxah

    Enzimäine tuttavundu Maxah

  • Kanzi paginoinke

    Kanzi paginoinke

  • Čat-bouttu

    Čat-bouttu

  • Minisovitus

    Minisovitus

9. heinykuudu vuvvennu 2025 12:46 aigah Max-platformal suadavis rodih rajattomien joukkovideosoittoloin funksii, sih ei ole aigurajoituksii da ozanottajien luvun rajoituksii. Soittoh niškoi käyttäi painaldau näppäindy "Soitot" da generiiruiččoi linkan kuččumizekse. Videokonferensien aigah suau käyttiä näytön ezittämisty da ollah nägyvis ozanottajat verkomuodozinnu. Lähiaigua reknaillah ližätä paginat, haldivoiččijan oigevuksien siirdämizet, neiroavatarat, maksot da virtualizet taustat[12].

Yhtevys

Platformu kannattau standartuyhtevyksen mahtoloi[2][13]:

  • persounallizii da joukkopaginoi;
  • tekstuviestilöin, kuvien, videoloin da dokumentoin nellässäh GB työndämisty;
  • iäniviestilöin työndämisty;
  • stikeroin da reaksieloin käyttämisty emodzinnu[2][13].

Sydämeh azetetut audio- da da videosoitot ruatah verkolois, kudamis signualutazo on kergei libo madal. Joukkoviestimien tiedoloin mugah soittolois on pyzyi yhtevys da paginan da kuvan siirdämizen hyvä luadu[2][13].

Persounallizis viestilöis suau jagua kontaktoi, geolokaciedu sego siirdiä dengoi Ruton makson sistieman  (ven.) (olo. kauti. Sovituksen enzimäzes versies suadavis on dengoin siirdo Al’fa-bankaspäi da VTB-bankaspäi: Maxas tarvittavan bankan vallittuu suau siirdyö finansulaitoksen mobiilisovitukseh, kus pidäy loppie dengan siirdämine[14].

Čat-boutat da minisovitukset

Max andau mahton yhtistyö čat-bouttoih da minisovituksih. Sih niškoi käytetäh Max Bot API (bouttoin perustamizekse da ohjuamizekse), Max Bridge (kirjastot klijentoin minisovituksien integraciekse) da MasterBot — virgubouttua ruttoh julguandah da API-avaimien suamizekse. Kehitysty voibi todevuttua ohjelman mugah, mugai vizualizien konstruktoroin avul, niilöin luvus ollah BotMother, JetBot, ChatForma, SaleBot da muut. Bouttien nimil, kui Telegramas, pidäy loppiekseh bot-ozah (ezimerkikse, @examplebot)[15].

Minisovituksii pannah ruadamah messendžeran sydämes olijas interfeisaspäi, niilöis voi olla oma gruafiekku da biznessu-lougiekku da niidy pannah alguh čat-bouttoin kauti[13][15].

Tegoälyt

Vuvven 2025 sulakuun 14. päiväs Max todevutti integracien Tegoälyn platformanke GigaChat 2.0. Plafomah liitetty neiroverko avvuttau generiiruija tekstua, luadie kuvii, kirjuttua tekstannu iäniviestilöi, sanella lyhyösti videolois, kirjutuksis da toizes kontentas, sellitellä da interpritiiruija kuvii, ruadua dokumentoinke 200 sivussah muvvos A4[7].

Tegoäly tugou vuoropaginua samal aigua monii tiijostoloi työndäjes, voi luadie analiittizii vastavuksii tallendettuloin tiedoloin pohjal da ezittäy linkoi käytettylöih lähtehih[7].

Kehitys

Platformua Max, kudamua kehittäy ven. ООО «Коммуникационная платформа», kudaman perustajannu on Kompuanii VK  (ven.) (olo., pietäh mahtonalazennu pohjannu "supersovituksen" ("superapp") muvvostamizekse yhtistäjen moniluguzii jogapäiväzii digitualizii zaduaččoi yhtehizes interfeisas. Vuvven 2025 sulakuun puolivälin tiedoloin mugah keskipiduhizel aiguvälil huavatah todevuttua moizii funksieloi[7][6]:

  • brendoin da kehittäjien kannattamizen leviemine minisovituksien ekosistieman kauti;
  • iččenäzen maksosistieman käyttöh ottamine;
  • integracii valdivollizih palveluksih (niilöin luvus on Valdivollizien palveluloin portualu  (ven.) (olo.[7][6].

Vuvven 2025 elokuun 21. päiväs Max-sovitukses jo voibi suaja yksikerdaine koudu Valvivollizien palveluloin portualale piäzemizekse. Testiiruičendan jälles se mahto rodieu kaikil käyttäjil[5].

Kriitiekku

Maxan käyttäjät panna merkile sen, ku ei ole kohtinastu integraciedu VK-holdingan toizih palveluksih, moizih kui ven. «ВКонтакте» da ven. VK Музыка. Heidy sežo huolestuttau se, ku ei ole kaksivaihiellistu autentifikaciedu da tiedoloin šifruičendua — mi ližiäy varavuo tiedoloin turvalližuos da suojelus[16][17].

Platforman kohtah rodih kriitiekkua sit, ku se on Telegramanke yhtenmoine — käyttäjät vihjatah bouttoin da minisovituksien samah käyttöh. Samal aigua käyttäjät ebäilläh uvven messendžeran luajindua, sanotah, ku on jo olemas tundiettuloi platformoi. Erähät smietitäh, ku ižänmuan platforman tarkoituksennu on tulla ulgomualazien vastinehien tilah[13][18].

7. heinykuudu vuvvennu 2025 VK livutti MAX-messendžeran agressiivizen rekluamukampuanien, sih kuuluttihgi erillizet tapahtumat VK Festal Piiteris. Bloggerat, heijän luvus Instasamkagi, aktiivizesti livutetah palvelustu. Messendžeran reitingat nägyvästi erotah: App Stores — 4.1, sen sijah Google Plays — 1.1, se toinah rippuu Telegraman käyttäjien negatiivizes reaksies kilbailijan mahtonalazih rajoituksih. MAX toivou valdivollistu kannatustu da integraciedu virrallizih palveluksih, Telegramhäi säilyttäy käyttäjien uskolližuon pättävän funksionualan täh. Kilbailu platformoin välil vai suurenou[19].

Huomavukset

  1. ↑ VK создает аналог китайского мессенджера с госуслугами и платежами WeChat. Ведомости. Kačondan päivymiäry: 10. heinykuudu 2025.
  2. ↑ 1 2 3 4 5 6 В России представили MAX — отечественный мессенджер и аналог WeChat. Hi-Tech. Kačondan päivymiäry: 10. heinykuudu 2025.
  3. ↑ За найденные уязвимости в мессенджере Max заплатят до пяти миллионов рублей, РИА Новости (20250701T1442). Kačondan päivymiäry: 10. heinykuudu 2025.
  4. ↑ Всё о Max: российский национальный мессенджер запустят в 2025 году. Kačondan päivymiäry: 10. heinykuudu 2025.
  5. ↑ 1 2 20.08.2025. В Max теперь можно получать код для входа на "Госуслуги" (рус.). ТАСС. Kačondan päivymiäry: 21. elokuudu 2025.
  6. ↑ 1 2 3 4 VK запустит бета-версию аналогичного китайскому WeChat мессенджера Max. Forbes. Kačondan päivymiäry: 20. heinykuudu 0110.
  7. ↑ 1 2 3 4 5 Чатная инициатива: нацмессенджер MAX объединился с крупнейшим в РФ ИИ-ботом. Известия. Kačondan päivymiäry: 10. heinykuudu 2025.
  8. ↑ В российском мессенджере MAX зарегистрировались больше 1 млн пользователей, Hi-Tech Mail (30 kezäkuudu 2025). Kačondan päivymiäry: 10. heinykuudu 2025.
  9. ↑ Пользователям МАХ стали доступны групповые видеозвонки, Известия (9 heinykuudu 2025). Kačondan päivymiäry: 10. heinykuudu 2025.
  10. ↑ Новый мессенджер Max: что это такое, зачем нужен и где скачать, РБК Life. Kačondan päivymiäry: 10. heinykuudu 2025.
  11. ↑ 1 2 Max: что известно о новом приложении ВК и аналоге WeChat. РБК. Kačondan päivymiäry: 10. heinykuudu 2025.
  12. ↑ Платформа MAX запустила неограниченные групповые видеозвонки, ВЗГЛЯД.РУ. Kačondan päivymiäry: 10. heinykuudu 2025.
  13. ↑ 1 2 3 4 5 VK выпустила Max — бета-версию мессенджера с мини-приложениями, ботами, звонками и API для разработчиков. Habr. Kačondan päivymiäry: 10. heinykuudu 2025.
  14. ↑ Протестировал MAX от VK, iPhones.ru. Kačondan päivymiäry: 10. heinykuudu 2025.
  15. ↑ 1 2 MAX для разработчиков. Max Docs. Kačondan päivymiäry: 10. heinykuudu 2025.
  16. ↑ MAX: общение, полезные сервисы. RuStore. Kačondan päivymiäry: 10. heinykuudu 2025.
  17. ↑ VK по-китайски. Что за платформа MAX от ВКонтакте с «невидимкой» и передачей огромных файлов. Trashbox. Kačondan päivymiäry: 10. heinykuudu 2025.
  18. ↑ Компания VK выпустила приложение MAX — обещают сделать аналог китайского WeChat. Клуб DNS. Kačondan päivymiäry: 10. heinykuudu 2025.
  19. ↑ Мессенджер МАХ - борьба за пользователя — Малкин про MAX на vc.ru, vc.ru. Kačondan päivymiäry: 10. heinykuudu 2025.
Lähteh - "https://olo.ruwiki.ru/w/index.php?title=Max_(sovitus)&oldid=126361078"