Merijalguväin päivy
| Merijalguväin päivy | |
|---|---|
 | |
| Tiippu | Ammatilline pruazniekku |
| Pandih alguh | 19. talvikuudu vuvvennu 1995 |
| Pietäh | Ven’an Federacii |
| Päivymiäry | 27. kylmykuudu |
| Piendy | 27. kylmykuudu |
| Liittyy | Pedri I:n käskyh 16. 1705 |
Merijalguväin päivy on kaikkien Ven’an Federacien sodavoimien merijalguväin sluužbas olijoin (olluzien) sodamiehien, armiivellallizien da siviiliruadokundah kuulujien da joukkolois ruadajien ammatilline pruazniekku. Vuvvennu 2024 Ven’an piämies allekirjutti käskyn Merijalguväin päivän perustandas 27. kylmykuudu. Enne pruazniekkua piettih sinäpiän Sodamerilaivaston piälikön käskyn mugah[1].
Histourii da piendy
Ven’an Federacien merijalguväin päivy on nuori pruazniekku, kaččomattah sih, ku Ven’an merijalguväin histourii ottau allun XVIII vuozisuan allus da sil on enämbi kolmievuozisadua vuottu. Tsuari Pedri I piästi ilmah käskyn Ven’an "merisaldattoin polkan" perustandas. Se oli 16. 1705[2]. Juuri sinäpiän, konzu piästettih ilmah tsuarin käsky, käskiettih (Ven’an Federacien Sodamerilaivaston piälikön laivaston admirualan Feliks Nikolajevič Gromavan vuvven 1996 heinykuun 15. päivän käskyn № 253 mugah) pidiä Ven’an merijalguväin päiviä[3].
Vuvvennu 2024 Ven’an piämies hyväksyi Merijalguväin päivän piendän Ven’al 27. kylmykuudu. Valdivon piämiehen käsky sijoitettih oigevusaktoin verkosivustole[4].
Ližiä tieduo
- Tunnusomazih mustih biriettöih da hiemaimerkilöih on luajittu laivan juakkori — Ven’an merijalguväin simvolu.
- Merijalguväin saldattoil ollah omat talismuanat ozastoloin mugah: mustu pantieru, grifonu, jiäkondii da del’fiinu[5].
- Ven’al piästettih ilmah arvokas raududengu nominualanke 1 rubl’u da sit on kirjutus ven. «Морская пехота». Erähis on merijalguväin saldattu, toizis — Pedri I. Sit on 7,78 grammua hobjua[6][7].
Huomavukset
- ↑ Опубликован указ об установлении в ВС РФ Дня морской пехоты, TACC. Дата обращения: 27 kylmykuudu 2024.
- ↑ «Там, где мы, там - победа!» История морской пехоты в России. https://spb.aif.ru (27. kylmykuudu 2015). Kačondan päivymiäry: 27. kylmykuudu 2023.
- ↑ Морская пехота. https://structure.mil.ru. Kačondan päivymiäry: 27. kylmykuudu 2023.
- ↑ Владимир Путин учредил День морской пехоты, Коммерсантъ (27 kylmykuudu 2024). Дата обращения: 27 kylmykuudu 2024.
- ↑ День морской пехоты России 2024: какого числа, история и традиции праздника. Дата обращения: 13 kylmykuudu 2024.
- ↑ Морская пехота | Банк России. cbr.ru. Kačondan päivymiäry: 13. kylmykuudu 2024.
- ↑ Морская пехота | Банк России. cbr.ru. Kačondan päivymiäry: 13. kylmykuudu 2024.