Muailman šokoluadan päivy
| Всемирный день шоколада | |
|---|---|
 | |
| Pandih alguh | vuvvennu 1995 |
| Alguhpanii |
 Francii |
| Pietäh | Kanzoinväline pruazniekku |
| Päivymiäry | 7. heinykuudu da 11. heinykuudu |
| Liittyy | heinykuun 7. päiväh vuvvennu 1550 — enzimäine šokoluadan tuondu Jevrouppah. |
 Медиафайлы на РУВИКИ.Медиа | |
Muailman šokoluadan päivy (ven. Всеми́рный де́нь шокола́да, angl. World Chocolate Day) on kanzoinväline, ei-virralline pruazniekku, kudamua joga vuottu pietäh 7. heinykuudu Amierikan Yhtysvallois da Jevroupas, 11. heinykuudu Ven'al da Latvies, vuvves 1995 algajen.
Histourii
Vuvvennu 1995 Francies perustettih kanzoinväline Muailman šokoluadan päivy -pruazniekku[1].
Sen piendypäiväkse vallittih heinykuun 7. päivän. Sinäpiän vuvvennu 1550 Ispuanieh Amierikaspäi tuodih šokoluadan enzimäine partii[1].
Hyväksyttyh päivymiäräh kaččomattah eri mualois pruazniekkua pietäh ominnu päivinny:
- Amierikan Yhtysvallois da Jevroupas — Šokoluadan päivy on 7. heinykuudu[1][2];
- Ven'al da Latvies — 11. heinykuudu[2].
Vuvvennu 2008 oli enzimäine mainičendu Muailman šokoluadan päiväs Džindžer Karter-Marksan kniigas "The 2009 Weird & Wacky Holiday Marketing Guide"[1].
Liittyjät tapahtumat
Piendypäivät muailmas:
- 4. syvyskuudu — "Muailman šokoluadan päivy"[3];
- 13. syvyskuudu — "Kanzoinväline šokoluadan päivy". Sen pani alguh Amierikan Yhtysvaldoin Kanzalline magieloinvalmistajien liitto. 13. syvyskuudu vuvvennu 1901 Milton Herši Pensil’vanies perusti enzimäzen amierikkalazen šokoluadufuabrikan. Vuvvennu 1906 häi osti muapalan tuotandon suurendamizekse, sie nostettih kogonaine linnu kävelykujoloin, laukoin da kirpiččykodiloinke ruadajih niškoi — HersheyPark, stäl aigua sie pietäh Kanzoinvälizen šokoluadan päivän pidoloi[3][4];
- 29. kylmykuudu — "Muailman šokoluadan päivy"[5].
Amierikan Yhtysvaldoin kanzallizet pruazniekat[1]:
- 28. heinykuudu — "Kanzalline maidošokoluadan päivy"[3];
- 22. syvyskuudu — "Kanzalline valgien šokoluadan päivy"[6];
- 28. ligakuudu da 28. talvikuudu — "Kanzalline šokoluadan päivy"[4];
- 13. talvikuudu — "Kanzalline kakaon päivy"[7].
Pivot
Pruazniekas äijän sanellah joukkoviestimis.
- Sociualuverkolois sinäpiän jullatah viestilöi hešteganke #worldchocolateday[1].
Luajitah moizii pidoloi kui[1]:
- kilvat,
- festivualit,
- muasteripajat,
- ekskursiet šokoluadufuabrikoile, -zavodoile da mageipastoslaukkoih,
- laukkoin akciet da šokoluadan arbuajazet,
- šokoluadujarmankat da -ozuttelut šokoluadan degustacieloinke.
Ven'al sinäpiän pietäh joukkoekskursieloi kolmes šokoluadan muzeis[8]:
- Moskovan "Šokoluadan muzeis";
- Piiterin "Šokoluadan muzeis";
- Pokrovan "Šokoluadan muzeis".
Sinäpiän vuvvennu 2009 Pokrovas azetettih šokoluadan mustopačas, Šokoluadan muzein luo[2].
Germuanies Šokolandii mua -iloituspuustoh tulou rahvastu muailman eri čuppuloispäi[8].
Šveicuaries "Šveicuarien šokoluadujunal" kaikkih tahtojih niškoi pietäh ekskursieloi paikallizien fuabrikkoi myöte[8].
Islandies poltetah tulirobl’oloi — šokoluadan kunnivokse[8].
Itualies pietäh šokoluadujarmankoi[9].
Pariižas, Turinas, Brygges, Londonas, Dublinas da Amsterdamas pietäh Šokoluadan festivualiloi[9].
Huomavukset
- ↑ 1 2 3 4 5 6 7 День шоколада: дата и история праздника, РБК Life. Kačondan päivymiäry: 3. heinykuudu 2025.
- ↑ 1 2 3 Всемирный день шоколада - Эрудит (рус.). erudit-menu.ru. Kačondan päivymiäry: 3. heinykuudu 2025.
- ↑ 1 2 3 Когда отмечается день шоколада в России и в мире | Блог Конфаэль (рус.). confaelshop.ru. Kačondan päivymiäry: 3. heinykuudu 2025.
- ↑ 1 2 13 сентября — Международный день шоколада: традиции праздника, Известия (12 syvyskuudu 2023). Kačondan päivymiäry: 3. heinykuudu 2025.
- ↑ День шоколадки (рус.). muzeumvl.ru. Kačondan päivymiäry: 3. heinykuudu 2025.
- ↑ 22 сентября — День белого шоколада (рус.). Роспотребнадзор. Kačondan päivymiäry: 20. elokuudu 2026.
- ↑ 13 декабря: какой сегодня праздник в России и в мире. Kačondan päivymiäry: 20. elokuudu 2026.
- ↑ 1 2 3 4 Райское наслаждение: во всем мире отмечается День шоколада, «Научная Россия» - электронное периодическое издание. Kačondan päivymiäry: 3. heinykuudu 2025.
- ↑ 1 2 Как отмечают всемирный день шоколада, Халва медиа (5 heinykuudu 2024). Kačondan päivymiäry: 3. heinykuudu 2025.