Muailman kaunehuon päivy

On otettu Рувики-späi
Muailman kaunehuon päivy
Make-up artist2.jpg
Virrallizesti angl. International Beauty Day
Sežo Kanzoinväline kaunehuon päivy, Kaunehuon päivy
Merkičys Kaunehusalan palveluloin popul'arizacii sego ammattineroloin vaihto tämän alan ruadajien välil.
Pandih alguh vuvvennu 1995
Alguhpanii Kanzoinväline estietiekan da kosmetolougien CIDESCO-komitiettu
Pietäh Earth flag PD.jpg Kanzoinväline päivy
Päivymiäry 9. syvyskuudu
Liittyy kaunehuoh (ristikanzan ulgonävön estietiekkah)

Muailman kaunehuon päivy (ven. Всеми́рный де́нь красоты́, angl. International Beauty Day) on kanzoinväline kaunehusalan ruadajien ammattipruazniekku, se on kiini ristikanzan ulgonävön estietiekas. Vuvves 1995 sidä joga vuottu pietäh syvyskuun 9. päivänny. Pruazniekan perusti kanzoinväline estietiekan da kosmetolougien komitiettu. Ven'al sidä pietäh vuvves 1999.

Histourii

Vuvvennu 1946 perustettih kanzoiväline estietiekan da kosmetolougien CIDESCO-komitiettu (angl. Comité International D’Esthétique Et De Cosmétologie). Sen perustandan tarkoituksii oli panna yhteh kaunehusalan ammattiruadajii ruadoneroloin jagamizekse, sego ezitellä yhtenäzet standartat kogo muailmale kosmetoulogoih niškoi[1].

Vuvvennu 1995 CIDESCOn kongresal perustettih Muailman kaunehuon päivy. Piendän päivymiäräkse piätettih 9. päivy syvyskuudu[2].

Päivän tarkoituksennu on kaunehusalan palveluloin popol’arizacii sego ammattineroloin vaihto tämän alan ruadajien välil.

9. päivänny syvyskuudu vuvvennu 1996 enzikerdua piettih "Muailman kaunehuon päivy".

Vuvves 1999 tädä päiviä ruvettih pidämäh Ven'al[2].

Päivän pivot

Muailman kaunehuon päiviä omannu ammattipruazniekannu pietäh nämmä kaunehusalan ruadajat[1]:

Endizet vojennoit opastutah manik'uurutehniekkah valmistuskursal Seeru William Robertsonan Parikmuaherškolas, sulakuu vuvvennu 1945
  • kundo-ohjuaju;
  • stilistu;
  • vizažistu;
  • parikmuaher;
  • mallinezittäi;
  • fotokuvuaju;
  • kosmetoulogu;
  • manik'uurumuasteri,
  • plastiekkuhirurgu da toizet.

Sinäpiän pietäh moizii pidoloi, kui[1]:

  • Kaunehuskilvat  (ven.) (olo. laitoksis da opastuslaitoksis;
  • Movvanozuttelendat (erilazien Moudukodiloin uuzien sobamallikeräilemien ozuttelendat);
  • Oman ičen gigijienan hoidotavaroin da -tuottehien ozuttelut;
  • Akciet kundoiluzualoin, hierondu- da kaunehussalonoin palvelulois;
  • Opastusmuasteriopit tämän alan ruadajile sego täs alas kiinnostunnuzile.

CIDESCO järjestäy jogavuodehizii kanzoinvälizii kongressoi da ozutteluloi[3].

Van'al

Vuvvennu 2019 Piiteris oli kanzoinväline Nevan rannat -nimine kaunehusfestivuali. Sen aigua järjestettih kaunehuonhoidoalas sanelijan ozuttelun. Sen hantuzis piettih muasterikilboi kosmetolougies, pedik'uuras, tukkienlekkuandutaijos, kynzilöin muodoilus da čomenduskosmietikas. Oli kilburuadoloin mouduozuttelu (kuvien), seminuarua, muasterikursua da biznessuopastustu[4].

Kaunehussalon

Vuvvennu 2020 Kirovan alovehel Bojarskoje-kylän Kul’tuurutalois piettih verkoakcii nimel "Kaunehus pellastau mieron". Urokat ymbäristömuailman kaunehuos järjestettih školis da lapsien päivykodilois[5].

Vuvvennu 2022 Habarovskan alovehel Amuran N. N. Muravjovan-Amurskoin nimizes alovehellizes tiijollizes kirjastos järjestettih kirju- da kuvuanduozuttelu Kaunehus on kaikkiel kallis gost'u… -nimel[6].

Sinävuongi Belgorodan alovehel piettih Kaunehuon päivy -nimine muasterikursu Krasnenskoin piirin Keskuskluubusistiemas[7].

Vuvvennu 2023 Ufan linnas Juoksukluubu B -yhtistykseh kuulujat järjestettih Čomendetun kilbujuoksun pluat’ois (viijen kilometrin matku Ufan Gost’upihas  (ven.) (olo. Nuorižon dvorčassah). Ozanottajii palkittih pluat’t’umuodozil medaliloil da rouzu-kukal[8].

Sinävuongi Tatarstuanan Kanzoin Ystävyskois järjestettih makijuažutaijon muasterikursu[9].

Vuvvennu 2024 Smolenskan alovehen Kasn’anskoje-kylähaldivon kylän kirjastos piettih ehoitusozuttelu "Ei sua kieldiä olla čomannu". Tverin alovehel Udomel’an keskuskluubusistiemas järjestettih nevvonandai ozuttelu "Anna ičelles kaunehuttu"[10][11].

Vizažistoin muasterikirsu piettih R’azanin A. M. Serebr’akovan nimizes kolledžas[12].

Habarovskan alovehel Sovetsko-Gavanskoin piiris järjestettih Kaunehusakadiemii-kaunehushuondesvero. Piettih muasteriopastuksii, luvendoloi sego kosmetolougien, makijuažan, manik'uuran da toizien ammattiloin neromiehien ezityksii[13].

Mieldykiinittäjät toziaziet

  • Sana "kosmiettine" rodih griekkalazes "кosmos"-sanas — "Täs mieros libo mieroh kuului"[14];
Tukkienleikkuandu salonas
  • Muinazes Grecies hierojan da kosmetoulogan tehtävis olijua orjua sanottih kosmetikse. Siegi keksittih da luajittin muailman enzimäzet kosmietikkutuottehet: kohl’ua da galenittua käytettih luomien navedijes, huulet kruasittih ruskiel ohrujauhol da kynnet mujutettih hna-ainehel. Miehet da naizet piettih parikkoi[1][14];
  • Muinas- Riimas kosmietikkua da duuhuloi panijoi käskyläzii naizii sanottih "kosmietikkupussiloikse". Sie keksittih palavat bigudit tukkien kiherdämizekse. Enzimäzet kaupputoimindah tarkoitetut kosmietikkutuottehet luajittihgi sie[14];
  • Mjanmar: naizil kaglu ei ole tazapuoline, se on tavallistu pitkembi. Viizivuodehizil tyttözil kaglah pannah latunirengahii, da joga vuottu ližätäh niilöin lugumiäry[2];
  • Kitai: "Kuldaine loutos (jalgoin kiärindy)  (ven.) (olo. " on pikkaraine naizen jalgu. Enne XX vuozisadua korgieh yhteiskundah kuulujien tyttözien jalgoi kiärittih (varbahat kiinitettih jalgupohjah da pienet jallačit pandih jalgah, se sidomine azetti jallan kazvamizen)[2];
  • Vietnamu: valgei hibjuväri. Räkel naidizet pannah käzih käzinehet, jalgah pitkysiärisukat, rožat peitetäh muaskoin uale, gu nahku ei päivittys, ei rodis mustuverizekse[2];
  • Jevrouppu: XVII vuozisual movvas oli hoikku vyöčin. Kylläzet naizetgi piettih karsiettoi, kiinitettih vyölöi muga, ga toiči kai tainehtuttih, sendäh gu ei voidu putilleh hengittiä. Tukkii suvittih korgieloih eri muodozih myssylöih (laivan, kukkupoimičun, lindukovan muodozikse da muga ielleh)[2];
  • Muinas-Ven'al enne XIX vuozisadua čomii neidizii kučuttih "slavutnicoikse" (ven. славутницы), net oldih hyväl kuulujat neidizet, čomah luaduh sellinnyöt, hyvin iččie vedäjät da viizahat. Kaunehusstandartat: hyvänluaduine rungu, pyöryžät rožat, pitky kassu, mustat kulmat, ruskiet rožat[15];
  • 19. syvyskuudu vuvvennu 1888 muailman enzimäne kaunehuskilbu järjestettih Bel'gies (kilvan 350 ozanottajas voitti 18-vuodehine Berta Sukare Gvadelupaspäi, palkindokse sai viizi tuhattu frankua)[1][14];
  • 15. sulakuudu vuvvennu 1951 Londonas enzimäzen kerran järjestettih Muailman kaunotar  (ven.) (olo. -kilbu. Erik Morli (rekluamuagentu) järjesti tämän tapahtuman hoikuteltavakse kävyjiä tansupaviljonah. Enzimäzekse "Muailman kaunottarekse" rodih 22-vuodehine Kiki Hokansson Ruočispäi[1][14];
Lavamakijuažu, Vajang Orang-teatru, perindölline jaavalaine ezitys Keski-Jaavas
  • Vuvvennu 1988 Nevvostoliitos piettih enzimäine kilbu "Moskovan čomatar". Järjestänny toimi Burda-konsernu. Kilbah oli suadu enämbi 200 tuhattu ozanottaipakičustu. Voittajakse tuli 16-vuodehine školan opastui Marija Kalinina  (ven.) (olo.[1][14];
  • 18. pakkaskuudu vuvvennu 2004 Pekinas järjestettih enzimäine kanzoinväline Miss plastiekkuhirurgii -kilbu. Voittai oli 22-vuodehine Fen Czjan’ Kitaispäi, kudai sai 50 tuhanden juanin suuruon palkindon (hänel luajittih 4 plastiekkuleikkavustu: rožien korjavus, šokkien muuttamine, vačan liijois suitettulois razvois piäzendy, silmyluomien rupit)[14];
  • "Millijelen" ven. (Миллиелен) on naizen kaunehuon mittumiäry. Nimi annettih Muinazen Grecien Gomeran Illiada-runoelman piähengen Jelena Trojanskoin kunnivokse. Tevoksen tekstan mugah: Jelenan kaunehus oli moine vägevy, se sai liikuttua paikaspäi enämbi 1000 laivua. Yksi millijelen — yksi laivu, 1186 laivua tuli Trojan seinillyö[15].

Huomavukset

  1. ↑ 1 2 3 4 5 6 7 Перегуда, Елена. Международный день красоты в 2025 году: во власти прекрасного, ВФокусе Mail (30 elokuudu 2024). Kačondan päivymiäry: 9. syvyskuudu 2025.
  2. ↑ 1 2 3 4 5 6 Всемирный день красоты 2025: дата, традиции и история праздника, Lenta.RU. Kačondan päivymiäry: 9. syvyskuudu 2025.
  3. ↑ Всемирный день красоты, РИА Новости (9 syvyskuudu 2012). Kačondan päivymiäry: 9. syvyskuudu 2025.
  4. ↑ Невские Берега. Международный фестиваль красоты. (неопр.). nevberega.ru. Kačondan päivymiäry: 9. syvyskuudu 2025.
  5. ↑ Как и когда отмечают день красоты, Новости Mail. Kačondan päivymiäry: 9. syvyskuudu 2025.
  6. ↑ Книжно-иллюстративная выставка ко Всемирному дню красоты | Амурская областная научная библиотека имени Н. Н. Муравьева-Амурского (рус.). libamur.ru. Kačondan päivymiäry: 9. syvyskuudu 2025.
  7. ↑ Мастер класс "День красоты" | Муниципальное бюджетное учреждение культуры «Централизованная клубная система» Красненского района Белгородской области (рус.). cks.kulturakrasnoe.ru. Kačondan päivymiäry: 9. syvyskuudu 2025.
  8. ↑ Празднуем Международный день красоты 2024: Как сохранить свою естественную привлекательность, Life.ru (9 syvyskuudu 2023). Kačondan päivymiäry: 9. syvyskuudu 2025.
  9. ↑ К Международному дню красоты в ДДН прошёл мастер-класс по искусству макияжа » Магнитогорский Дом дружбы народов, Магнитогорский Дом дружбы народов. Kačondan päivymiäry: 9. syvyskuudu 2025.
  10. ↑ Выставка-рекомендация «Красивой быть не запретишь», посвященная Международному дню красоты. Наши выставки. Выставки. Муниципальное бюджетное учреждение культуры Вяземская централизованная библиотечная система муниципального образования «Вяземский район» (рус.). vyazma.library67.ru. Kačondan päivymiäry: 9. syvyskuudu 2025.
  11. ↑ Выставка-совет "Подари себе красоту" к Всемирному дню красоты | Муниципальное казенное учреждение культуры "Удомельская централизованная библиотечная система" Тверская область (рус.). udomlyabiblio.ru. Kačondan päivymiäry: 9. syvyskuudu 2025.
  12. ↑ Всемирный день красоты - Официальный сайт Ряжского колледжа им А.М. Серебрякова (рус.). rk-62.ru. Kačondan päivymiäry: 9. syvyskuudu 2025.
  13. ↑ Бьюти-завтрак «Академия красоты» 2024, Советско-Гаванский район — дата и место проведения, программа мероприятия., Культура.РФ. Kačondan päivymiäry: 9. syvyskuudu 2025.
  14. ↑ 1 2 3 4 5 6 7 Черненкова, Марина. Как появился праздник Всемирный день красоты, Общественная служба новостей (8 syvyskuudu 2024). Kačondan päivymiäry: 9. syvyskuudu 2025.
  15. ↑ 1 2 День красоты 2025: какого числа, история и традиции праздника. Kačondan päivymiäry: 9. syvyskuudu 2025.

Linkat

Lähteh - "https://olo.ruwiki.ru/w/index.php?title=Muailman_kaunehuon_päivy&oldid=126360862"