Muailman maidopäivy
| Muailman maidopäivy | |
|---|---|
 | |
| Merkičys | Maijon da maidosyömizien merkičyksen tunnustamine tervehen syömizen da kogo muailman einehen ozannu, sego huomavon kiinittämine maidosyömisalan toimenpidoloih, kudamien tarkoituksennu on tugie maidohistu syömizeh käyttäjien rahvahien olemasolendua da toimehtulendua. |
| Pandih alguh | vuvvennu 2001 |
| Alguhpanii | Yhtistynnyzien Kanzukundien einehtavar- da muatalovustuotehyhtistys |
| Pietäh | Kanzoinväline pruazniekku |
| Päivymiäry | 1. kezäkuudu |
 Медиафайлы на РУВИКИ.Медиа | |
Muailman maidopäivy (ven. Всеми́рный де́нь молока́, angl. World Milk Day) on kanzoinväline pruazniekku, kudamua joga vuottu pietäh kezäkuun 1. päivänny vuvves 2001 lähtijen. Päivän perusti Yhtistynnyzien Kanzukundien einehtavar- da muatalovustuotehyhtistys.
Histourii
Vuvvennu 2001 Yhtistynnyzien Kanzukundien einehtavar- da muatalovustuotehyhtistys perusti Muailman maidopäivy -pruazniekan[1].
Pruazniekan piendän päivymiäräkse pandih kezäkuun 1. päivy, sendäh gu sinäpiän äijis mualois jo piettih "Kanzoinvälisty maidopäiviä"[1].
Tämän pruazniekan perustandan tarkoituksennu on maijon da maidosyömizien merkičyksen tunnustamine tervehen syömizen da kogo muailman einehen ozannu, sego huomavon kiinittämine maidotuotehalan toimenpidoloih, kudamien tarkoituksennu on tugie maidohistu syömizeh käyttäjien rahvahien elontoimindua[2].
1. kezäkuudu vuvvennu 2001 enzikerdua piettih "Muailman maidopäiviä".
Pruazniekkutoimet
Muailman maidopäivy on levieh ezitetty erilazis joukkoviestimis. Ezimerkikse:
- Sociualuverkolois jullatah viestii hešteganke #WorldMilkDay;
- Vuvvennu 2008 Norviegies piettih onlain-kilbailu maijon hyövys[3][4].
Sinäpiän tapahtumii ollah[4]:
- marafonat da perehjuoksut;
- tuttavusmatkat fermeran talovustiloile, lypsändän ozuttelendat da maidosyömizien mavun oppimizet;
- maidosyömizien jarmankat da ozuttelut;
- linnukonsertat, kilbailut da fotokuvakilvat;
- tervehen syömizen konferensiet da seminuarat;
- maijon lahjoitukset školile, sego maksot einehbankoih;
- maijon arvuo sego maidotevolližuon tehtävii valdukunnallizes miäräs koskijat myöndäneiständytoimet da ozuttelendat.
Vuvvennu 2008 "Muailman maidopäiviä" piettih 40 muas[4].
- Germuanies pruazniekkupäivy piettih "Kirkiembi, vägevembi, viizahembi. Kai nämmä — maijon hyvyös! -luozungal, sinäpiän järjestettih kilbailu, se miäräi raveviman, vägevimän da viizahiman ristikanzan, kudai rodih moizekse maijon hyvyös[3][4].
- Argentiinas fermeroin yhtistys järjesti homman, kudaman louzungakse otettih: "Mua, kus maido da mezi virratah joven jyttyöh". Se piettih maijon käytändän propagandan kehittämizen tugemizekse[4].
Vuvvennu 2014 pruazniekkupäiviä piettih enämbi migu 30 muas.
Vuvvennu 2016 pruazniekkupäiviä piettih enämbi migu 40 muas[4].
Vuvvennu 2017 pruazniekkupäiviä piettih 80 muas. Oli järjestetty 588 tapahtumua[4].
Vuvvennu 2018 pruazniekkupäiviä piettih 72 muas. Oli järjestetty 586 tapahtumua[4].
Ven'al
Ven'al "Muailman maidopäivän" piendy piädyy yhtele päiväle "Kanzoinvälizen lapsien puolistuspäivänke"[3].
Joukkotapahtumii järjestetäh joga vuottu[3]:
- linnukonsertua, kilbailuu, muuzikku- da tansijoukkoloin ezitysty;
- maijon ilmastu oppimistu.
Tapahtumii dengal avvutetah maidosyömizien erivalmistajat[3]. Vuvvennu 2008 Rostov-na-Donu -linnas Teyra Pak -kompuanii da АLL-joukko järjestettih pruazniekkupivon Linnan keskuspuustos, kudamah otti ozua 500 lastu. Piettih mostu tapahtumua[4]:
- sportukižua;
- maijon oppimistu;
- maijon aihiestu teatruezitysty.
Aihieh liittyjät tapahtumat
- Vuvvennu 2000 Yhtistynnyzien Kanzukundien einehtavar- da muatalovustuotehyhtistys perusti "Muailman školamaidopäivän", kudamua joga vuottu pietäh syvyskuun jälgikolmanpiän.
- Vuvvennu 2017 perustettih "Muailman kazvimaidopäivy", sidä joga vuottu pietäh elokuun 22. päivänny. Tämä pruazniekku on muailman rahvaskunnan vastussana "Muailman maidopäiväle", kiistu ymbäristön kačondas sego huomavon kiinittämine elättilöin kovah piendäh maidotevolližuos[5].
- Suomes "Muailman maidopäiviä" pietäh kezäkuun 3. päivänny, Malaizies — heinykuun 11. päivänny, Avstrualies — syvyskuun 26. päivänny.
Huomavukset
- ↑ 1 2 Today is World Milk Day. Kačondan päivymiäry: 26. kylmykuudu 2025.
- ↑ 1 июня - Международный день молока (рус.). dsx-kirov.ru. Kačondan päivymiäry: 25. kylmykuudu 2025.
- ↑ 1 2 3 4 5 Международный день молока 2025: какого числа, история и традиции праздника. Kačondan päivymiäry: 25. kylmykuudu 2025.
- ↑ 1 2 3 4 5 6 7 8 9 Черненкова, Марина. Международный день молока 2024: История и традиции, Общественная служба новостей (31 oraskuudu 2024). Kačondan päivymiäry: 25. kylmykuudu 2025.
- ↑ World Plant Milk Day - 22nd August 2017 - Celebrating the huge selection of plant based milks. web.archive.org. Kačondan päivymiäry: 25. kylmykuudu 2025.