Muailman mehiläzien päivy

On otettu Рувики-späi
Muailman mehiläzien päivy
World Bee Day Celebration in Breznica, Slovenia.jpg
Merkičys Pruazniekan tarkoituksii on mustoittua mejenkeriäjien mehiläzien tärgevyös, varavolois niilöin häviemizes sego panokses einehtavaralah.
Pandih alguh 20. pakkaskuudu vuvvennu 2017
Alguhpanii Yhtistynnyzien Kanzukundien Piäassamblei
Pietäh kanzoinväline pruazniekku
Päivymiäry 20. oraskuudu
Логотип РУВИКИ.Медиа Медиафайлы на РУВИКИ.Медиа

Muailman mehiläzien päivy (Yhtistynnyzien Kanzukundien toizil virrallizil kielil: angl. 'World bee day') on kanzoinväline pruazniekku, kuduadu joga vuottu pietäh 20. oraskuudu vuvves 2018.

Histourii

Vuvvennu 2016 Slovienies alovehellizel Yhtistynnyzien Kanzukudien Eineh- da muatalovusyhtistyksen konferensiel (ven. ФАО) Kanzoinvälizen federacien Apimondija -mehiläshoidajien associaciet, Slovienien mehiläshoidajien associacii da Slovenien Muatalovus-, meččy- da einehministerstvu ehoitettih azuo Muailman mehiläzien päivy -pruazniekan[1].

20. pakkaskuudu vuvvennu 2017 Yhtistynnyzien Kanzukundien Piäassamblein Eineh- da muatalovusyhtistyksen konferensien 40. sessiel piätettih panna allun Muailman mehiläzien päiväle (74. yhtehine kerähmö, Piätös A/RES/72/211)[2].

Pruazniekan piendän päiväkse vallittih 20. päivy oraskuudu, nygözen mehiläishoijon perustajan Anton Janšan roindupäivän kunnivokse[2].

  • Tämän pruazniekan alguhpanon tarkoituksennu on yhteiskunnan huomavon kiinittämine mejenkeriäjien mehiläzien roulih luonnos: kazvoksien pölyttämizeh, kudaman lopputuloksinnu ollah mezi, kuningattarenmaidoine, mehiläzien vaha, propoliessu da toizet käyttöh pädijät ainehet[2].

20. oraskuudu vuvvennu 2018 enzimästy kerdua piettih Muailman mehiläzien päiviä. Virralline seremounii oli slovienielazes Brežica -kyläs[1].

"Myö emmo voi suurendua tuotehtu da tuloksellistu ruaduo pesticidoin da hiimiiainehien käytön suurendamizen vuoh, net ollah vahingollizet kazvoksih da pölyttäjih niškoi.

Tuli aigu paginois siirdyö tiettylöih ruadoloin piendäh mehiläzien da toizien pölyttäjien säilyttämizekse, pidiä huoldu niilöin eloh jiändäs, ga sit meijän oman ičen hengeh jiändäsgi.

Jogahine meis on vastas mehiläzien säilyttämizes, meile kaikile pidäy azuo moine valličus mehiläzien hyövykse. Se samaine kodikazviloin kazvattamine mehiläzien syömizekse on jo suuri yhtehine kannatusdielo.

Agroekolougien avul Eineh- da muatalovusyhtistyksen konferensii oppiu panna toimimah yhteh kazvit, elätit, rahvas da ymbäristö, gu moine toimindu olis tulokas. Pidäy ottua käyttöh innovaciet, niilöin pohjakse — yhtehine ruado uuzien tiedoloin suamizekse da azumizekse, avunnu täs ollah paikallizet tiijot da nerot ", sanoi Eineh- da muatalovusyhtistyksen konferensien piäjohtai Žoze Gracianu da Silva Muailman mehiläzien päivän virrallizel seremouniel vuvvennu 2018[1].

Kanzoinväline mehiläzien päivy -plakuattu, vuozi 2024

Päivän tiemat

Joga vuottu Yhtistynnyöt Kanzukundat -järjestö panou tälle päiväle oman pruazniekkutieman.

  • 2018 — Opastuo mehiläzis, opastuo luonnos, gu jogahizel olis midä syvvä!"[3];
  • 2019 — Pellastakkua mehiläzii[4];
  • 2020 — Mehiläzet! Huomavo![5];
  • 2021 — Mehiläzet! Huomavo! — luavulleh uvvel tazol kundoh suandu[6];
  • 2022 — Kižah otetut mehiläzet: mehiläzien moniluadužuon da mehiläishoijon sistiemoin pruaznuičendu[7];
  • 2023 — Mehiläzet! Huomavo! — muatalovuon tomindan turvalližuon turvuamine pölyttäjih böbökköih niškoi[8];
  • 2024 — Mehiläzet! Huomavo! — ruado on nuorien käzis[9].
Mehiläishoijole omistettu konferensii ven. Садецки Бартник -kompuanies, professoru, douhtori Ježi Demetraki-Paleologan luvendo mehiläzien taudiloin funksionuallizien eroloin merkičykses, 30. Bijes’ada v Bartnike vuvvennu 2023

Pruazniekkupivot

Kanzoinvälisty mehiläzien päiviä levieh ezitetäh erilazet joukkoviestimet.

  • Sociualuverkolois sinäpiän pietäh fleš-moboi hešteganke #СпаситеПчел и #WorldBeeDay[10].

Valdivollizel tazol pietäh mehiläishoijole da mehiläzien eloh jiämizele omistettuloi konferensieloi da vastavuksii[2].

Järjestetäh ekolougiiakcieloi, niilöin aigua rahvas istutetah kukkua mehiläzien pölytettäväkse[10].

Äijis opastuslaitoksis pietäh luvendoloi mehiläzien tärgevyös ekosistiemah nähte[10].

  • Ven’anmual školaniekat yhtytäh piirroksien da käzin luajittuloin veššilöin kilboih. Lahjoikse heile annetah, ezimerkikse, bankazii mejenke libo Mehiläshoido -kniigoi[10].

Pietäh festivualiloi, mejen da toizien einehien ozutteluloi[11].

  • Ven’anmual Moskovas, Piiteris da Kazanis ozutettavakse da myödäväkse pannah moizii harvinazii mezilajiloi, kui koskematoi meččy- da mägimezi[10].
  • Baškortostanan tazavallas pietäh jogavuodehistu Mezi-festivualii. Ozutettavakse pannah da myvväh baškieroin metty, tansitah rahvahan perindöllizii tansiloi da pajatetah pajoloi[10].
  • Kipran suarivaldivos Ora-kyläs pietäh jogavuodehistu perindöllizekse tulluttu Mehiläzien festivualii, sen järjestäjänny on Jula Papakiriaku. Festivualin hantuzis pietäh Rubie päiväkse mehiläishoidajakse -piduo, sen ozanottajii sellitetäh ruadosuojelusobih[4].

Mehiläshoidajat omis mehilästarhois pietäh Mehiläspezien avvonazien veriälöin päivii[10].

  • Baškortostanan tazavallas Šul’gan-Taš -vardoittaval alovehel tuttavundumatkoin aigua rahvahale ozutetah ennevahnalline Bortevoi mehiläshoido  (ven.) (olo.[10].

Pietäh eriluaduzii muasteripajoi[10].

  • Slovienies da Ven'al luajitah mehiläisvahatuohuksii da priädniekköi čomendetah meziglazuril[10].

Musto

  • Mustoraududengu 2 jevruo mehiläzen kuvanke on omistettu Kanzoinvälizele mehiläzien päiväle (Slovienii, vuozi 2018)[10].

Huomavukset

  1. ↑ 1 2 3 Первый Всемирный день пчел отметили 20 мая 2018 года (неопр.). agri-news.ru. Kačondan päivymiäry: 3. sulakuudu 2025.
  2. ↑ 1 2 3 4 Черненкова, Марина. Всемирный день пчел 2024: История и традиции даты, Общественная служба новостей (19 oraskuudu 2024). Kačondan päivymiäry: 3. sulakuudu 2025.
  3. ↑ Всемирный день пчел | ФАО Продовольственная и сельскохозяйственная организация Объединенных Наций (рус.). WorldBeeDay. Kačondan päivymiäry: 3. sulakuudu 2025.
  4. ↑ 1 2 Всемирный день пчёл 20 мая 2019 года - Фестиваль пчёл 19 мая 2019 года в деревне Ора (рус.). www.cyprusalive.com. Kačondan päivymiäry: 3. sulakuudu 2025.
  5. ↑ «Внимание пчелам!» - под таким лозунгом в ООН отмечают сегодня Всемирный день пчел, Новости ООН (20 oraskuudu 2020). Kačondan päivymiäry: 3. sulakuudu 2025.
  6. ↑ Всемирный день пчел – 2021 (рус.). FAO Director General. Kačondan päivymiäry: 3. sulakuudu 2025.
  7. ↑ Why Is May 20 Celebrated As World Bee Day? Theme, History, Significance and Celebration - News18, News18. Kačondan päivymiäry: 3. sulakuudu 2025.
  8. ↑ World Bee Day 2023: History, Theme and Significance - News18, News18. Kačondan päivymiäry: 3. sulakuudu 2025.
  9. ↑ Nations, United. Всемирный день пчел | Организация Объединенных Наций, United Nations. Kačondan päivymiäry: 3. sulakuudu 2025.
  10. ↑ 1 2 3 4 5 6 7 8 9 10 11 Горелая, Александра. Всемирный день пчел в 2025 году: почему создатели меда так важны, ВФокусе Mail (12 kevätkuudu 2025). Kačondan päivymiäry: 3. sulakuudu 2025.
  11. ↑ Всемирный день пчел 2025: какого числа, история и традиции праздника. Kačondan päivymiäry: 3. sulakuudu 2025.

Linkat

Lähteh - "https://olo.ruwiki.ru/w/index.php?title=Muailman_mehiläzien_päivy&oldid=126357624"