Muailman meteorolougien päivy

Muailman meteorolougien päivy (toizil Yhtistynnyzien Kanzukundien kielil: angl. World Meteorological Day, aruab. اليوم العالمي للأرصاد الجوية, isp Día Meteorológico Mundial, kit. 世界气象日, fran. Journée météorologique mondiale ) on Yhtistynnyzien Kanzukundien kanzoinvälizii erähii päivii, sidä pietäh joga vuottu 23. kevätkuudu algajen vuvves 1961. Sinäpiän vuvvennu 1950 perustettih Muailman meteorolougien yhtistys mualoin yhtesruavon ohjailemizekse meteorolougien da gidrolougien alal.

Muailman meteorolougien yhtistys omistau joga Muailman meteorolougien päiviä kudualetahto tiemale da pidäy sen hantuzis tiettylöi propagandupidoloi.

Omis jogavuodizis kirjazis Muailman meteorolougien yhtistyksen piäjohtai ottau paginale Muailman meteorolougien päivän tieman.

Muailman meteorolougien päivän tiemat

2022 — "Aigaine varoitus da aigazet toimet"
2021 — "Valdumeri, meijän ilmasto da meijän aigu"
2020 — "Ilmasto da veziresursat"
2019 — "Päiväine, Mua da siä"
2018 — "Valmistammokseh siäh, otammo huomavoh ilmaston"
2017 — "Pilvilöi tutkijes"
2016 — "Räkembi, kuivembi, kostiembi. Kaččuo tulieh aigah"
2015 — "Tiedämizet ilmastos ilmaston hyväkse tegoloin pohjannu"
2014 — "Siä da ilmasto: nuorižon kiinnostutandu"
2013 — "Tarkaile siädy eloksen da omažuon suojelemizekse"
2012 — "Siä, ilmasto da vezi — liikkehele panii vägi"
2011 — "Ilmasto teih nähte"
2010 — "60 vuottu palveluu meijän turvalližuon da hyvinvoindan hyväkse"
2009 — "Siä, ilmasto da ilmu, kudamal myö hengitämmö"
2008 — "Tarkaile meijän planiettua parahah tulieh elaigah nähte"
2007 — "Pol'arnoi meteorolougii: kogo muailman vaikutuksien ellendämine"
2006 — "Varavon vastustamine da luonnonhiälöin jälgilöin lievendämine"
2005 — "Siä, ilmasto, vezi da pyzyi kehitys"
2004 — "Siä, ilmasto da vezi tiijoituskavven aigah"
2003 — "Meijän tulii ilmasto"
2002 — "Meteorolougii- da ilmastoilmivölöis suojelun parandamine"
2001 — "Siä, vezi da ilmasto – omatahtozet niilöis kiini olijas toimindas"

Kačo ližäkse

Linkat

Muailman meteorolougien yhtistys Arhiivukoupii 3 heinykuudu 2009 Wayback Machine
Meteoroulogoin päivy