Novgorodan tuohikirju № 292
Novgorodan tuohikirju № 292 on tuohikirju, kudai löyttih vuvvennu 1957 Novgorodas piettylöin kaivauksien aigah. Se on muinazii tiettylöi dokumentoi baltiekkumerensuomelazil kielil[1]. Dokumentu on XIII vuozisuan keskipuolen aigaine (luvut 1240—1260). Tuohikirjan kieli arvatah, ku on karjalan kielen livvin murdehen arhaistizii muodoloi[2]. Se on ruokos Novgorodan muzei-zapovedniekas Suures Novgorodas.
Tekstu da kiännös
Tekstu on kirjutettu kiriillizil kirjaimil karjalan kielen murdehel, tarkembah sanojen sen livvin murdehel.
Tekstu kirjutetunnu
юмолануолиінимижи ноулисъ(ѣ?)ха(я?)нолиомобоу юмоласоудьнииохови
Tekstan on interpritiiruinnuh da kiändänyh nygysuomen kielele Jurii Sergejevič Jelisejev[3].
юмолануоли і нимижи ноули се хан оли омо боу юмола соудьни иохови
Jumalannuoli, kymmenen [on] nimesi Tämä nuoli on Jumalan oma Tuomion-Jumala johtaa.
Стрела бога с десятками имён Божья эта стрела Вершит божий суд.
Sendäh ku muinas-ven'alazes orfogruafies ei olluh välilöi sanoin välis, alguperästy tekstua voibi lugie toizingi. Martti Haavio on kehoitannuh omas kirjutukses vuvvennu 1964 tämän tekstan toizen interpritacien:
юмолан нуоли інимижи ноули сека н[у]оли омо боу юмола соудьнии оковы
Jumalan nuoli, ihmisen nuoli sekä nuoli oma. [ Tuomion jumalan kahlittavaksi.]
Бога стрела, человека стрела тоже стрела. [ Божьим судом окованы.]
Sežo on tekstan kiännös, kudaman luadi tundiettu fennougristu Jevgenii Arnol'dovič Helimskii[4].
Божья стрела, 10 имён твоих Стрела, сверкни, стрела выстрели Бог суд так правит
Merkičys
J. A. Helimskoin arvovaldazen mielen mugah tuohikirju on lugu, tiedohusanat. Sit on käytetty taivahallizen jumalan nimi Jumala: Sil ollah nuolet - piilit, kudamil jumal voittau pahoi hengii — pidäy taivahallistu suuduo (hänel, sanakse, on kumman nero, häi maltau työndiä kerras kolme nuoldu); on huomattavu, ku suomelazes folklouras jumala-sana voi tarkoittua hristianskoin uskon jumalua dai tiedoiniekkua. Kirjutetut tiedohussanat on ohjattu taudiloin hengilöih, kudamii ven'alazis luguloisgi voitetah Jumalan nuolil. Eräs ven'alazis lugulois kuhkutti:
И стрели батюшко, истинный Христос, в мою любимую скотинку своим тугим луком и калёными стрелами в ясныя очи, в сырую кость, и угони, выганивай двенадцать ногтей, двенадцать недугов, тринадцатый наибольший.
On mielenkiinittäi, ku täs sluavilaine sana "suudo", kudaman merkičys on kiini Jumalan suudos, vikse oli tulluh baltiekkumerensuomelazile ven'alazes hristianskois vaikutukses. Jumala sit tekstas on taivahalline ambui, kudai vikse on hristianskoi Jumal.
Toizes puoles, ven'alazien pomoroin uskomuksien mugah tavvit ollah nuolet, kudamii työttih Korelaspäi tuulen selläs tiedoiniekat. Noidannuoli on palai nuoli, kudaman työndi tiedoiniekku, se ei tiijä ozuamattomuttu. Tuules tulou kibu nivelih, kudamua sanottih ven. стрелья libo ven. стрел. Tiedoiniekkoi sežo puaksuh kučuttih kui parandajii, sendäh ku vaiku hyö voidih piästiä voimattomukses, heidy kučuttih svuad'boihgi da muahpanijazih. Hyö oldih nerokkahat laivoinrakendajat. Tämä tuohikirju on ven'alazien da suomelazien taboin aigaine yhtevyksien tovesteh[5].
Huomavukset
- ↑ А.В. Арциховский, В.И. Борковский. Новгородские грамоты на бересте (из раскопок 1956-1957 гг.). М.: Из-во Акад. Наук СССР, 1963
- ↑ Itämerensuomalaista kirjoitusta 1200-luvulta
- ↑ Елисеев Ю. С. Древнейший письменный памятник одного из прибалтийско-финских языков.— Изв. АН СССР. Отд-ние лит. и языка, 1959, т. 18, Вып. 1, с. 65—72
- ↑ Хелимский Е. А. О прибалтийско-финском языковом материале в новгородских берестяных грамотах. In: Янин В. Л., Зализняк А. А. Новгородские грамоты на бересте (из раскопок 1977—1983 гг.): Комментарии и словоуказатель к берестяным грамотам (из раскопок 1951—1983 гг.) / АН СССР. Отд-ние истории. — М.: Наука, 1986. — С. 254—255.)
- ↑ Петрухин В. Я. Мифы финно-угров. М., 2003, с. 463
Kirjalližus
- Айхенвальд А. Ю. Петрухин В. Я., Хелимский Е. А. К реконструкции мифологических представлений финно-угорских народов / Балто-славянские исследования. М., 1980
- Jelisejev, J. S. Vanhin itämerensuomalainen kielenmuistomerkki, Virittäjä-lehti 1961: 134
- Jelisejev, J. S. Itämerensuomalaisia kielenmuistomerkkejä (Zusammenfassung: Ostseefinnische Sprachdenkmäler), Virittäjä-lehti 1966: 296 [1]
- Martti Haavio The Letter on Birch-Bark No. 292, Journal of the Folklore Institute, 1964. JSTOR 3814030