Ohjelmoiččijan päivy
| Ohjelmoiččijan päivy | |
|---|---|
 | |
| Pandih alguh | 11. syvyskuudu vuvvennu 2009 Ven'an piämiehen Dmitrii Medvedevan käskys №1034 |
| Pietäh |
 Ven'anmua |
| Päivymiäry | vuvven 256. päivy (13. syvyskuudu; 12. syvyskuudu — kargavusvuon) |
| 2025 | 13.09.2025 |
| 2026 | 13.09.2026 |
| 2027 | 13.09.2027 |
Ohjelmoiččijan päivy on Ven'an Federacien ammatilline pruazniekku, kudamua pietäh vuvven 256. päivänny. Noumeru 256 (28) on vallittu sendäh, ku se on miäry eri merkičyksis, kudamii voibi ilmoittua kaheksatavuhizen baitan avul. Sežo se on maksimualline kogonaine potensii noumeras 2, kudai ei ylitä vuvven päivien miäriä (365 libo 366).
Tädä pruazniekkua pietäh 13. syvyskuudu, a kargavusvuon — 12. syvyskuudu.
Histourii
Enzikerdua Ohjelmoiččijan päiviä kehoitti pidiä ven. «Компьютерра»-painamon piälikkö Dmitrii Mendrel'uk 15. heinykuudu vuvvennu 1996. Ohjelmoiččijan päivän piendypäiväkse kehoitettih syvyskuun enzimästy piätteniččiä, kudamua sanottih "Puhtahakse piätteničäkse"[1]. Vuvvennu 2002 ven. «Параллельные технологии»-webstuudien ruadajat Valentin Balt da Mihail Červ'akov pandih alguh allekirjutuksien keriändän Ven'an Federacien halličuksen puoleh kiännyndykirjazeh, kudamas kyzyttih hyväksyö 256. vuvven päiviä ohjelmoiččijoin virrallizekse pruazniekakse[2].
24. heinykuudu vuvvennu 2009 Ven'an Federacien digitualizen kehityksen, yhtevyksen da joukkoviestimien ministerstvu valmisti da työndi Ven'an Federacien halličukseh Ven'an piämiehen projektan käskyn "Ohjelmoiččijan päiväh nähte"[3].
11. syvyskuudu vuvvennu 2009 Ven'an piämies Dmitrii Medvedev allekirjutti käskyn № 1034[4], kudaman valmisti Ven'an Federacien digitualizen kehityksen, yhtevyksen da joukkoviestimienministerstvu da kudaman mugah Ven'al rodih uuzi virralline pruazniekku — Ohjelmoiččijan päivy[5][6].
Toizet päivymiärät
- 30. kylmykuudu — Kanzoinvälisty tiedoloin suojelupäiviä pietäh vuvves 1988 algajen. Juuri sinäpiän oli pandu kirjoile enzimäine luadijan mugah nimitetty Morris-čyötön joukkoepidiemii;
- 10. talvikuudu — enzimäzen naisohjelmoiččijan Ada Lavleisan roindupäivän — 10. talvikuudu vuvvennu 1815 — nimeh. Ada kirjutti histouries enzimäzen tiedokonehprogramman Bebbidžan analiitiekkumašinah niškoi, enzimäzenny otti käyttöh terminän "ruadosilmät", "ciklu" da toizii. Ennusti nygyaigazien tiedokonehien roindua monitoimehellizikse mašinoikse ei vaiku luvendah niškoi, ga sežo gruafiekanke da iänenke ruadoh niškoi. Hänen kunnivokse on annettu nimi erähäle ohjelmukielele Ada;
- 22. sulakuudu — Ven'al ammattialan 2204 vahnan koodan nimeh (jällespäi 220400)[7] (программное обеспечение вычислительной техники и автоматизированных систем). Uvven lajittelun mugah Ven'al ammattialalven. «ПО ВТ и АС» on koudu 230105.65 — rodih mahto pidiä Ohjelmoiččijan päiviä 23. pakkaskuudu;
- 14. tuhukuudu vuvvennu 1946 — voinan jälles rahvaskunnale da joukkoviestimile oli ezitetty ven. ЭНИАК;
- Mahtonalaine pruazniekku (enimyölleh web-ohjelmoiččijoih nähte) — 4. sulakuudu (Hairahtus 404). 4. sulakuudu kai katouline miero pidäy tiedokonehien da Internetan akkiloiččijan Pyhän Isidor Sevel'skoin päiviä;
- Serveranhaldivoiččijan päivy.
Huomavukset
- ↑ День программиста настанет? Компьютерра (27. oraskuudu 2009). Kačondan päivymiäry: 12. syvyskuudu 2020. Arhiviiruittu 23. syvyskuudu 2020
- ↑ "Праздник 256-го дня" Arhiivukoupii 11 syvyskuudu 2014 Wayback Machine. CNews
- ↑ "У программистов может появиться свой официальный праздник" Arhiivukoupii 6 talvikuudu 2020 Wayback Machine Минкомсвязи
- ↑ Указ Президента РФ от 11.09.2009 № 1034 «О Дне программиста». Kačondan päivymiäry: 12. syvyskuudu 2016. Arhiviiruittu 15. syvyskuudu 2016
- ↑ "Президент России подписал указ об утверждении Дня программиста" Arhiivukoupii 6 talvikuudu 2020 Wayback Machine Минкомсвязи
- ↑ "Медведев утвердил 13 сентября Днем программиста" Arhiivukoupii 14 syvyskuudu 2014 Wayback Machine. CNews
- ↑ "Был бы программист, а праздник найдётся" Arhiivukoupii 13 syvyskuudu 2012 Wayback Machine. РИА Новости