Omatahtozien (volont'uoroin) päivy Ven'al

On otettu Рувики-späi
Omatahtozien (volont'uoroin) päivy Ven'al
Большой летний фестиваль волонтеров.jpg
Pandih alguh Ven'an Federacien Piämiehen käskys № 572
Pietäh Флаг России Ven'a
Päivymiäry vuvvennu 2017
Piendy joga vuottu, 5. talvikuudu
Liittyy Kanzoinvälizeh omatahtozien päiväh

Omatahtozien (volont'uoroin) päivy Ven'al (ven. День доброво́льца (волонтёра) в Росси́и) on talvikuun 5. päivän jogavuodehine pruazniekku Ven'al, sidä pietäh vuvves 2017 lähtijen. Päivy perustettih Ven'an Federacien Piämiehen käskys № 572 27. kylmykuudu vuvvennu 2017[1].

Volont’uorutoimindu (volont’uoru-sana tuli francien kielespäi volontaire-sanas) on omal tahtol rahvaskunnan da eri yhteiskunnallisjoukkoloin hyväkse luajittuloi toimindoi, ilmai makson vuottamistu[2].

Histourii

Ven'al omantahtozien liikkehen juuret lähtietäh X vuozisuaspäi da sil oldih kiingiet yhtevykset Ven’an pravosluavizen kirikönke. XVIII vuozisual cuarikunnan halliččijan Jekaterina II:n aigah ymbäri muadu oli järjestetty kazvatuskodiloi orboilapsih da äbärehih ("huigieloih") niškoi[3], kudamis ruadoi rahvastu omal vallal da tahtol. Oraskuus vuvvennu 1867 Aleksandru II perusti ruanittuloin da voimatunnuzien saldattoin hoidoyhtistyksen, se myöhembi rodih kuulužakse yhtistyksekse Ven'an Ruskei Ristu-  (ven.) (olo. -nimel[4].

Ven'a-Turkin voinan aigua (1877—1878) omatahtozet mendih frontale avvuttamah ruanittuloi saldattoi.

Vuvvennu 1894 Moskovas perustettih linnan alovehellizii huolenpidäitoimistoloi köyhile, kudamis omatahtozet aktiivizesti kyzyttih rahvastu andamah hyövyneččimättömiä abuu da kerättih lahjoitustu[2].

XX vuozisuan algupuolel Ven'al toimi läs 20 tuhattu huolenpidäinevvostuo, niilöin ruadoh tuldih volont’uorat[2].

Nevvostoliitos omatahtozien liikeh toimekkahasti ruadoi yhtes eriluaduzien suurien kanzallisprojektoinke. Aiga suuri joukko rahvastu aktiivizesti elavutti uvvismualoi, rakendi Baikal-Amuran piädorogua da oli toizis suuris rakendusprojektois, kudamat vallattih kaiken muan[5].

Ven'an Ruskei Ristu -yhtistyksen merki, vuozi 1899

Nygözel aijal

Pruazniekan päivymiäry liittyy Kanzoinvälizeh omatahtozien päiväh, kudai on omistettu talovuollizen da yhteiskunnallizen progresan kannattamizele, da kuduadu sežo pietäh 5. päivänny pakkaskuudu vuvvennu 1985 Yhtistynnyzien Kanzukundien Piäassamblein annetun piätöksen mugah[6].

Vuozinnu 1990, konzu rodih ei-kaupallistu, yhteiskunnallistu da hyvyönluadijua yhtistysty, volont'uorutoimindah tuli uvvistustu, meile nygözile tuttavas muvvos. Vuvvennu 2014 Vladimir Putinan ehoitukses luajittih Ven’an suurin volont'uorukeskus — Volont'uorukeskuksien associacii  (ven.) (olo. -nimel[7].

COVID-19 -pandemien da muailman karantiinan aigu vaikutti erähih rahvasjoukkoloih, mi korosti volont'uoroin avun tarvehtu. Omatahtozet avvutettih suamah psiholougiellistu kannatustu da denguabuu sego oigevuontiijollizii nevvondoi, selliteltih eloskyzymyksii, otettih yhtevytty videon libo telefonan kauti, kačottih kodielättilöi, käydih syömizih da lekarsvoih, piettih pienii kohendusruadoloi, viettih murdoloi pihale da avvutettih toizis dielolois[8].

Volont'uoruyhtistykset Ven'al

  • "Liäkärit lapsile" on volont'uoruyhtistys, kudai tariččou tovellistu abuu pihal eläjile lapsile, lapsile vaigielois perehis, ristikanzan immunitiettuvähysviirusan suannuzile da kehitysniistielöile lapsile.
  • " Yötila  (ven.) (olo." on hyvyönluajinduyhtistys, kudai kannattau koittomien miärän vähenemisty da heijän elosluavun parandamistu.
  • "Ruskei ristu" on yhtistys, kudaman volont'uorakse voibi roita jogahine. Hyö avvutetah vagavah tilah joudunuzii, otetah vastah lahjoituksii da avvutetah armoittomii lapsii[9].
  • "Toine elos (ven. Вторая жиZнь) " on liikeh, kudai kannattau Luganskan rahvahan tazavallan, Doneckan rahvahan tazavallan, Hersonan, Zaporožjen alovehien eläjii sego vojennoloi liäkärilöi da saldattoi Erillizen voinuoperacien alovehel[10].

Pruazniekkupäiväkse avatah uuzii Dobro.keskuksii — volont'uoroin tiloi. Vuvvennu 2024 nämmih keskuksih liittyjii kazvoi merkittäväh: vuvven lopukse pakičukset täh ruadoh työndi 757 yhtistysty 83 alovehes. Jatkuu sežo Kogo Ven'an Toivomuskuuzi-akcii, kudaman aigah täytytäh lapsien uvvenvuvven huavehet[11][12][13].

Vladimir Putin jagamas Myö yhtes -palkinduo parahile volont'uoroile, vuozi 2023

#MYÖYHTES (ven. #МЫВМЕСТЕ)

"Myö yhtes" on suurimiäräine kogo Ven’an abuprojektu kanzalazile kriizissutilas, kudai pani yhteh enämbän 120 tuhattu valmistu tulla abuh ozanottajua[14]. Projektu avvuttau[15]:

  • Erillizen voinuoperacien frontua, vojennoloi da heijän perehii;
  • Ukrainan liidehespäi pagoh tulluzii;
  • ijäkkähii da liikehrajoitettuloi rahvahii.

Vuvves 2020 algajen Ven’an Federacien piämies jagau Myö yhtes -palkinduo Vuvven volont'uoru-nominacies. Palkindo annetah volont'uorutoimindan da hyvyönluajindan projektoin luadijoile. Sen tehtävii on tunnustua da tugie yhteiskunnallizien da socializien alguhpanoloin johtajii, kudamien tarkoituksennu on avvuttua rahvastu da parandua elosluaduu kui Ven’al, muga mierosgi[16].

5. pakkaskuun vuvven 2023 tiedoloin mugah federuallizeh Ven'an omatahtozet -verkoresurssah on kirjutettu 5 781 825 ozanottajua da 96 928 volont'uoruyhtistysty[17].

Kirjalližus

Huomavukset

  1. ↑ Указ Президента Российской Федерации от 27.11.2017 № 572 "О Дне добровольца (волонтера)". Официальное опубликование правовых актов (27. kylmykuudu 2017). Kačondan päivymiäry: 4. kylmykuudu 2025.
  2. ↑ 1 2 3 История волонтерского движения в России. ТАСС (4. talvikuudu 2018). Kačondan päivymiäry: 4. kylmykuudu 2025.
  3. ↑ История добровольчества в России. РИА (17. tuhukuudu 2013). Kačondan päivymiäry: 4. kylmykuudu 2025.
  4. ↑ В России 5 декабря отмечают День добровольца (волонтера). Рамблер (5. talvikuudu 2023). Kačondan päivymiäry: 4. kylmykuudu 2025.
  5. ↑ День волонтера в России. РИА (5. talvikuudu 2018). Kačondan päivymiäry: 4. kylmykuudu 2025.
  6. ↑ Международный день добровольцев 5 декабря. ООН. Kačondan päivymiäry: 4. kylmykuudu 2025.
  7. ↑ Как стать волонтером: руководство к действию. РБК Тренды (28. heinykuudu 2022). Kačondan päivymiäry: 4. kylmykuudu 2025.
  8. ↑ Мамедова Амина Омаровна, Быкова Полина Владиславовна, Сысоев Артем Александрович, Гергокова Диана Владимировна. Волонтёрская деятельность в период пандемии COVID-19 // StudNet. — 2020. — № 7.
  9. ↑ Ольга Бондаренко. День волонтера в 2023 году: история и традиции праздника. Комсомольская правда. Kačondan päivymiäry: 4. kylmykuudu 2025.
  10. ↑ Путин наградил Марию Карпенко, помогавшую при эвакуации людей в Судже, РИА Новости (12 oraskuudu 2024). Kačondan päivymiäry: 4. kylmykuudu 2025.
  11. ↑ Количество Добро.Центров в России к концу 2024 года значительно увеличится. СПбПУ. Kačondan päivymiäry: 4. kylmykuudu 2025.
  12. ↑ Праздник неравнодушных людей: в России 5 декабря отмечают День волонтёра. Ямал-Медиа. Kačondan päivymiäry: 4. kylmykuudu 2025.
  13. ↑ Владимир Путин вручил награду волонтёру года. Медиацентр. Kačondan päivymiäry: 4. kylmykuudu 2025.
  14. ↑ День добровольца: Как стать волонтёром в России. LIFE (5. talvikuudu 2023). Kačondan päivymiäry: 4. kylmykuudu 2025.
  15. ↑ мывместе.рф. мывместе.рф (5. talvikuudu 2023). Kačondan päivymiäry: 4. kylmykuudu 2025.
  16. ↑ День добровольца (волонтера) в России. РИА (5. talvikuudu 2023). Kačondan päivymiäry: 4. kylmykuudu 2025.
  17. ↑ Крупнейшая платформа для добрых дел. Добро.ru. Kačondan päivymiäry: 4. kylmykuudu 2025.
Lähteh - "https://olo.ruwiki.ru/w/index.php?title=Omatahtozien_(volont%27uoroin)_päivy_Ven%27al&oldid=126360820"