P'otr Bočin

Пётр Антонович Бочин
Пётр Антонович Бочин
Roindupäivy	12. oraskuudu 1920
Roindukohtu	Kresti-kylä, Bežeckan ujezdu, Tverin aloveh, Ven'an federatiivine socialistine nevvostotazavaldu
Kuolendupäivy	22. heinykuudu 1971 (51 vuozi)
Kuolendukohtu	Moskovu, Nevvostoliitto
Kuulundu	Nevvostoliitto
Palvelun vuvvet	1938—1963
Arvonimi	podpolkovniekku
Torat/voinat	Suuri Ižänmualline voinu

P'otr Antonovič Bočin (12. oraskuudu 1920 — 22. heinykuudu 1971) on lendäi, Nevvostoliiton urhomies.

Eloskerdu

Oli roinnuhes 12. oraskuudu vuvvennu 1920 Tverin alovehen Kresti-kyläs^[1] muanruadajien perehes. Oli karjalaine.

Vuvvennu 1936 loppi seiččemen kluasan školan da rakendusškolan Kalininas. Ruadoi puusepänny, samal aigua kävyi harjaituksih aerokluubah.

Ruskies Armies on vuvves 1939 algajen. Loppi Vorošilovogruadan sodalendoškolan. Toimijas armies oli Suuren Ižänmuallizen voinan alluspäi.

Oli 10. gvardien bombituslendopolkan lendojoukon piälikönny (270. bombituslendodiviizii, 8. ilmuarmii, Suvine frontu) gvardien leitenantu P'otr Bočin vuvven 1943 syvyskuukse luadi 365 bojulenduo, kudamien aigah hävitti kymmenii tankoi, järähytty mondu varastuo, sildua, poikkimenuo da raudutiejunua.

Otti ozua bojuloih Ukrainan Zaporožjan alovehen Melitopolin linnan piästämizeh.

Nevvostoliiton Korgeviman Nevvoston Prezidiuman käskys 1. kylmykuudu vuvvennu 1943 gvardien leitenantu P'otr Antonovič Bočinale annettih Nevvostoliiton urhomies -arvonimi yhtes Leninan kunnivomerkinke da Ruskei Tiähti -medalinke bojutehtävien kunnollizes täyttämizes frontal fašistoinke vojuijes, urhakkahuos da urholližuos (№ 1268).

Otti ozua Nevvostoliitto-japounielazeh voinah vuvvennu 1945, sen jälles jatkoi sluužban Nevvostoliiton sodailmujoukkolois. Vuvvennu 1947 loppi Korgiet oficierulendotaktiekkukursit. Vuvves 1963 podpolkovniekku P'otr Bočin jäi armien rezervah.

Eli da ruadoi Moskovas. Kuoli 22. heinykuudu vuvvennu 1971. On pandu muah Moskovas L'ublinon kalmužimale (oza 34а).

Palkindot

On palkittu kahtel Leninan kunnivomerkil, Ruskien Flavun kunnivomerkil, Suuren Ižänmuallizen voinan 1. astien kunnivomerkil, Ruskien Tiähten kunnivomerkil, medaliloi.

Musto

Urhomiehen nimi on Panevežis-linnan mustomerkis (Litva).

Moskovas eländytalois № 67 Junih Lenincev -uuličal on azetettu mustolaudu. ¹

Urhomiehen nimen on suannuh bombituslendokoneh Ту-22М3 № 20 7051. Leninan kunnivomerkin suannuon Ruskien Tiähten lendotugikohtaspäi (lendohlähtöpaikku ven. Оленья).

Huomavukset

↑ Деревня Кресты не сохранилась; её территория (57°14′24″ с. ш. 36°22′45″ в. д.) ныне относится к сельскому поселению Алёшино в Рамешковском районе Тверской области.

Kirjalližus

Герои Советского Союза: Краткий биографический словарь. — М.: Воениздат, 1987. — Т. 1.
Долгов И. А. Золотые звёзды калининцев. — М.: Московский рабочий, 1983. — Кн. 1.

Linkat

P'otr Bočin (рус.). Muan urhomiehet -verkosivusto.

[1] Деревня Кресты не сохранилась; её территория (57°14′24″ с. ш. 36°22′45″ в. д.) ныне относится к сельскому поселению Алёшино в Рамешковском районе Тверской области.

[1]