Pedran päivy
| Pedran päivy | |
|---|---|
 | |
| Tiippu | Ammatilline pruazniekku |
| Pandih alguh | vuvvennu 1932 |
| Pietäh | Neneckoi avtonoumine aloveh, Komin tazavaldu |
| Piendy | 2. elokuudu |
Pedran päivy on pedranhoidoalan ruadajien ammatilline pruazniekku Neneckoil avtonoumizel alovehel da Komin tazavallas. Sidä pietäh 2. elokuudu yhtes Il'l'anpäivänke. Pedran päivy on omistettu pedran kezäpaimendamizen lopule da karjan siirdämizele talvipaimendusmualoile.
Histourii
Vuvves 1932 pruazniekkua piettih elokuun enzimäzenny pyhänpiän. Vuozinnu 1958-1994 sil oli Pedranhoidajan päivy -nimi, (Jamalo-neneckoil avtonoumizel alovehel sil nygöigi on moine nimi). Pedran päivän virralline piendypäivy 2. elokuudu on hyväksytty vuvvennu 2007[1].
Pruazniekku
Pruazniekan pitkyaigazen histourien aigah on roittu sen perindöllizet piendykohat. Pedran päivän vältämättömii ozii on pruazniekalline kerähmö, kudamas luajitah ruavon enzimäzen vuvven puoliškon yhtehvedoloi, paistah pedroin kannandutuloksis, aiguzien da nuorien pedroin säilytändäs. Pedran päivänny pietäh valdivoelimien enzimäzien persounoin da pedranhoidajien ruadovastavuksii. Toiči Pedran päiväkse sovitetah toiziigi pidoloi (svuad'boi, vuozipäivii, vahnimien kunnivoiččemizii da toizii).
Pruazniekan aigah pedranhoidopaikois pietäh kanzallizien sportulajiloin kilboi — pohjazes moniborčas, pedran val'l'ahis ajelendukilvois, kanzallizes borčas, luajitah pajo- da tansujoukkoloin ezityksii, rahvahan pruazniekkoi, jarmankoi da pruazniekkugostituksii. Sežo pietäh pedranhoidajien da heijän perehien liäkärintarkastuksii[2].
Kačo ližäkse
Huomavukset
- ↑ Закон НАО от 14 декабря 2007 года N 170-оз О традиционном празднике — День Оленя. Kačondan päivymiäry: 20. pakkaskuudu 2015. Arhiviiruittu 20. pakkaskuudu 2015
- ↑ Жители тундры отмечают День оленя. Kačondan päivymiäry: 20. pakkaskuudu 2015. Arhiviiruittu 20. pakkaskuudu 2015
Kirjalližus
- Ненецкий автономный округ. Энциклопедический словарь / Л. Ю. Корепанова (гл. ред.). — М.: Аванта+, 2001. — 304 с. — ISBN 5-8483-0040-2.