Pedranhoidajan päivy
| Pedranhoidajan päivy | |
|---|---|
 | |
| Pietäh | Pohjazen kandurahvas |
| Pietäh sit aijas | kevätkuus sulakuussah |
| Piendy | pruazniekat, tansit, pajot, ritualat, sportukilvat. |
| On kiini | kevätpäiväntazavukses, pol'arnoin yön lopus. |
Pedranhoidajan päivy on Pohjazen kandurahvahien pruazniekku Nevvostoliitos da Ven'al.
Histourii da kuvailu
Pedranhoidajan päivy on roinnuh vuozinnu 1950—1960 yhtes toizien ammatillizien pruazniekoinke[1]. Sidä pietäh keviäl, kevätkuul[2][1] libo sulakuul[3]. Pruazniekku pietäh Murmanskan da Amuran alovehel, Hanti-Mansiiskan da Jamalo-Neneckoil avtonoumizel alovehel, Taimiral, Kamčatkal da muan toizil alovehil[1]. Murmanskan alovehel Pedranhoidajan päiviä pietäh Pohjazen pruazniekan hantuzis[4].
Nevvostoliitos Pedranhoidajan päiviä luajittih valdivon ezittäjät, kudamih nähte tämä pruazniekku oli kanzallizen da ammatillizen poliitiekan ozannu: joga rahvahal pidäy olla oma pruazniekku dai joga ammatil pidäy olla oma pruazniekku[5]. Vuozis 1990 algajen pruazniekan luadijoinnu ollah jo ei vaiku valdivo, ga laitoksetgi, kudamat nostetah neftii da suajah luonnonguazuu[5]. Pruazniekku on nygöi tärgienny kandurahvahien (yhtes puolespäi) da valdivon biznessulaitoksienke (toizes puolespäi) välilöin kundoh panemizes[6].
Nevvostoliitos pruazniekku algavui ruadoistundos, sih kuului käytöndöllizen taijon ozutteluloi, konsertoi, perindöllizii sportukilboi: ajelendat pedran val'l'ahis, ammundat, arkanan lykindy[7]. Ven'al endizelleh pietäh ozutteluloi da sportukilboi[1][3][8]. Piälahjannu pedran val'l'ahis ajelendukilvas on snegohodu (Jakuuties, Taimiral, Jamalo-Nenckoil avtonoumizel alovehel)[5][3][8].
Nevvostoliitos pruazniekkua piettih jiännyzien eloh uskondollizien taboin vastustamizekse: valdivo oppi muuttua perindöllizen pedran kul'tan ruavon kul'takseа[9]. Ven'al opitah luadie "vastukavai": ezimerkikse, Taimiral vuvvennu 1992 piettih pedran ritualupaloittelu, Jamalal vuvvennu 2009 — annettih verhakse pedru[6].
Etnogruaffu M. Momzikova panou merkile, ku Pedranhoidajan päivy on tegopruazniekku, kudai jatkau kehityndän[10]. Etnogruaffu O. Stepanova kirjuttau, ku Nevvostoliitos roinnuh pruazniekan idei oli lykykäs, sendäh siirdyi toizeh aigukaudeh[11].
Pedranhoidajan päivy on virralline pruazniekku Kamčatkan alovehel vuvves 2010 algajen. Se pandih alguh 16. talvikuudu vuvvennu 2009 zakonal N 361 "Kamčatkan alovehen pruazniekkoih da mustopäivih nähte"[12][13]. Отмечается в первое воскресенье марта.
Huomavukset
- ↑ 1,0 1,1 1,2 1,3 Момзикова, 2013, с. 227.
- ↑ Тульцева, 1985, с. 78.
- ↑ 3,0 3,1 3,2 Коренные малочисленные народы…, 2012, с. 540.
- ↑ Сулейманова, 2018, с. 48—49.
- ↑ 5,0 5,1 5,2 Момзикова, 2013, с. 231.
- ↑ 6,0 6,1 Момзикова, 2013, с. 233—234.
- ↑ Тульцева, 1985, с. 78—80.
- ↑ 8,0 8,1 Степанова, 2018, с. 149.
- ↑ Момзикова, 2013, с. 233.
- ↑ Момзикова, 2013, с. 234.
- ↑ Степанова, 2018, с. 155.
- ↑ Праздники и памятные дни в Камчатском крае. Kačondan päivymiäry: 28. pakkaskuudu 2024.
- ↑ О внесении изменения в статью 2 Закона Камчатского края «О праздниках и памятных датах Камчатского края» : Закон Камчатского края от 25.07.2017 № 117. Kačondan päivymiäry: 28. pakkaskuudu 2024.
Kirjalližus
- Коренные малочисленные народы Севера и Сибири в условиях глобальных трансформаций (на материале Красноярского края). Ч. 1 Концептуальные и методологические основы исследования. Этнокультурная динамика коренных малочисленных народов Красноярского края / ред. Н. П. Копцева. — Красноярск: Сибирский федеральный университет, 2012. — 640 с. — ISBN 978-5-7638-2403-2.
- Момзикова М. «Северная масленица»: День оленевода в советском и современном российском контекстах // Мифологические модели и ритуальные поведение в советском и постсоветском пространстве: сборник статей / сост. А. Архипова. — М.: РГГУ, 2013. — С. 227—237. — 472 с. — ISBN 978-5-7281-1549-6.
- Степанова О. Б. Связь двух эпох: воплощение в празднике // Вестник археологии, антропологии и этнографии ИПОС СО РАН. — 2018. — № 2 (41). — С. 148—156.
- Сулейманова О. А. «Праздник Севера и традиционный День оленевода»: к проблеме изучения культурно-массовой деятельности как формы актуализации этнокультурных традиций аборигенного населения Мурманской области // Труды Кольского научного центра РАН. — 2018. — № 11—15 (9). — С. 42—52.
- Тульцева Л. А. Современные праздники и обряды народов СССР / отв. ред. Ю. В. Бромлей. — М.: Наука, 1985. — 191 с. — (Страны и народы).
- Dudeck S. Der Tag des Rentierzüchters: Repräsentation indigener Lebensstile zwischen Taigawohnplatz und Erdölstadt in Westsibirien (нем.). — Fürstenberg; Havel: Kulturstiftung Sibirien, 2013. — 351 S. — ISBN 978-3-942883-17-7.