Pionierien päivy

On otettu Рувики-späi
Pionierien päivy
Советская фотография пионеры.jpg
Tiippu Virraline (vuodessah 1991)
Virrallizesti V. I. Leninan nimizen Kogo Nevvostoliiton pionieruyhtistyksen päivy
Pandih alguh pionieruliikkehen kunnivokse
Pietäh endizis Nevvostoliiton mualois
Päivymiäry 19. oraskuudu
Piendy kluassučuasut, sportukilvat, konsertat, subbutniekat, pruazniekkurivit da kačokset
Liittyy V. I. Leninan nimizen Kogo Nevvostoliiton pionieruyhtistykseh

Pionierien päivy (nygözes Ven'as — Lapsien yhteiskunnallizien yhtymien da yhtistyksien päivy[1]) on pruazniekku lapsih da keskikazvuhizih nähte, sežo vožuattoih da opastajih nähte, kudamat ruatah pionieru- (škola-)igäzien lapsienke. Pruazniekkua pietäh 19. oraskuudu — V. I. Leninan nimizen Kogo Nevvostoliiton pionieruyhtistyksen roindupäivänny. Se pandih alguh vuvvennu 1922.

Vuvves 1991 pruazniekal on Lapsien yhteiskunnallizien yhtymien da yhtistyksien päivy -nimi. Pruazniekan luadijoinnu ollah lapsien yhtistykset, kudamat jatketah pionieruliikkehen perindölöi da ruadotaboi. Tavan mugah sinäpiän pietäh kluassučuassuloi, sportukilboi, konsertoi, subbotniekkoi, pruazniekkurivilöi da kačoksii.

Histourii

Pruazniekku pandih alguh 19. oraskuudu vuvvennu 1922 Kogo Ven’an kommunistizen nuorižoliiton konferensiel yhtes yhtistyksen perustandanke lapsih yheksäs nellässähtosttu vuottu igiä niškoi[2]. Pruazniekan virralline nimi on V. I. Leninan nimizen Kogo Nevvostoliiton pionieruyhtistyksen päivy[2].

19. oraskuudu Nevvostoliitos piettih pionieruparuadoi, konsertoi, ilmoitettih kilboin tuloksis pienien joukkoloin, joukkoloin da družinoin keskes opastundan alal, hylgymetallan da -bumuagan keriändäs da toizes. Piettih pruazniekkurivilöi, kudamis parahii okt’abr’attoi otettih pionieroih. Gornan da pompotin soittajes lapset sanottih pionieroin lujan sanan.

Suurimii pidoloi piettih Ruskiel lagevol[2].

Kunnivokirjaine, kudamal palkittih yhtistyksen 50-vuozipäivänny

Illal piettih ei-virrallizii pidoloi perindöllizen pionieroin robl’onke.

Vuozinnu 1970—80 erähis školis piettih Leninan urokkoi.

1. ligakuudu vuvvennu 1990 Kogo Nevvostoliiton pionieroin yhtistyksen sijah perustettih Pionieruyhtistyksien liitto — Lapsien yhtistyksien federacii. Samannu vuon Kogo Nevvostoliiton pionieroin yhtistyksen keskusnevvosto sai Lapsien da pionieruyhtistyksien keskusnevvosto -nimen[3].

Nevvostoliiton hajuondan jälles Pionierien päiviä ei ruvettu pidämäh virrallizennu pruazniekannu. Sen sijah rodih Lapsien yhteiskunnallizien yhtymien da yhtistyksien päivy — ei-virralline pruazniekku, kudamua pietäh 19. oraskuudu[4].

Gornalsoittajat pionierat pruazniekkurivis. Vuozi 1960

Pruazniekkah otetah ozua lapsien yhtistykset da liikkehet, kudamat säilytetäh pionieroin perindölöi da ruadotaboi. Pionierutemuattizii pidoloi pietäh kui Ven'al, mugai endizis Nevvostoliiton mualois.

Vuvvennu 2022 V. I. Leninan nimizen Kogo Nevvostoliiton pionieruyhtistyksen 100-vuozipäivänny Ruskiel lagevol Ven’an Federacien kommunistine partii simvoulizesti otti pionieroih 5 tuhattu Moskovan, Moskovan alovehen da Keskusfederualuokruagan školaniekkua olemasolemattomah pionieruyhtistykseh[5]. Jälgimäine moine pido piettih vuvvennu 2024.

Vuvvennu 2022 Ven'an školaniekkoin liikkehen pohjal luajittih Ven’an lapsien da nuorižon liikeh - Enzimäzien liikeh[ru]. Ven'an piämies Vladimir Putin kehoitti kaččuo uudeh yhtistykseh niškoi sanan «pionierat»[6].

Perindöt

Pionierien päivän piendy Moskovas Ruskiel lagevol

Lapsien yhteiskunnallizien yhtymien da yhtistyksien päivy enimälleh jatkau Pionierien päivän perindölöi. Perindön mugah 19. oraskuudu monis opastuslaitoksis pietäh kluassučuassuloi, sportukilboi, konsertoi, subbotniekkoi, pruazniekkurivilöi da kačoksii[7]. Kul’tuurukeskuksis, joudoaijan keksuksis da kirjastolois pietäh pionierutemuattizii pidoloi, akcieloi, flešmoboi. Kirjastonhoidajat luajitah kniiguozutteluloi, kudamii omistetah pionieruliikkehen histouriele da perindölöile[8].

Sevastoupolis joga vuottu 19. oraskuudu pietäh opastujien pruazniekkukulguu linnan keskustu myöte[9].

Huomavukset

  1. ↑ Школьники по всей России отметили День детских общественных объединений. Российское движение школьников (19. oraskuudu 2017).
  2. ↑ 1 2 3 Хватова, Я., Роженцова, О. Когда отмечают День пионерии. История праздника от СССР до России. Как появилось движение и что с ним стало спустя 100 лет. РБК (4. ligakuudu 2024). Kačondan päivymiäry: 7. oraskuudu 2025.
  3. ↑ 19 мая — День детских общественных организаций: история и традиции праздника, Известия (18 oraskuudu 2024). Дата обращения: 7 oraskuudu 2025.
  4. ↑ 19 мая – День детских общественных организаций. Федеральное государственное бюджетное научное учреждение «Институт изучения детства, семьи и воспитания» (2024). Kačondan päivymiäry: 7. oraskuudu 2025.
  5. ↑ КПРФ приняла в пионеры около пяти тысяч школьников, РИА Новости (22 oraskuudu 2022). Дата обращения: 7 oraskuudu 2025.
  6. ↑ Романов, Д.. «Движение первых». Как изменился День пионерии, Газета.Ru (2023). Дата обращения: 7 oraskuudu 2025.
  7. ↑ Страна Сюжет: Праздники и выходные в России в 2024 году 19 мая — День детских общественных организаций: история и традиции праздника. Известия (18. oraskuudu 2024). Kačondan päivymiäry: 7. oraskuudu 2025.
  8. ↑ Ревнова, Н. День пионерии в 2025 году: история и традиции праздника. Комсомольская правда (2024). Kačondan päivymiäry: 7. oraskuudu 2025.
  9. ↑ Парад детства вернулся в Севастополь в день 100-летия пионерии. Kačondan päivymiäry: 19. oraskuudu 2022. Arhiviiruittu 19. oraskuudu 2022

Kirjalližus

  • Артемьева, Г. Н., Миронычев, С. В. Теоретический анализ опыта пионерского движения, как метода воспитания и способа снижения преступности подростков // Семнадцатая региональная студенческая научная конференция Нижневартовского государственного университета. — 2015. — С. 452—455.
  • Попова, И. Н. Трубит в наши горны серебряный ветер: 95-летию пионерского движения посвящается… // ВНЕшкольник. — 2017. — №. 2. — С. 51-53.

Linkat

Lähteh - "https://olo.ruwiki.ru/w/index.php?title=Pionierien_päivy&oldid=126215041"