Puatane

Kylä Puatane ven. Паданы Flagu Gerbu Mua Ven'aVen'a Aloveh Karjalan tazavalduKarjalan tazavaldu Piiri Karhumäin piiri Koordinuatat 63°17′11″ с. ш. 33°24′57″ в. д. enzimäinen mainičendu XVI век Rahvastu 800 hengie Aiguvyöhykeh UTC+3[d] Poštuindeksat 186333 Ozuta/peitä kartoi

Puadane (ven. Паданы, suom. Paatene) on Karjalan tazavallan Karhumäin piirin kylä. Se on Puadanen kyläkunnan haldivolline keskus.

Muantiedo

Kylä sijoittuu lahten rannal, Seesjärven päivänlaskuozas, 92 kilometrin piäs Karhumäispäi.

Puadanen rahvahan lugumiäry

1989	2009	2010	2013
1558	↘1158	↘937	↘800

Histourii

Nikol’skoi Padanskoi Pogostu muanitah enzimäzen kerran XVI vuozisual.

Kul’tuuru

Vuonnu 1935 kyläs perustettih G. V. Savickin kunnivokse nimitetty Seesjärven rahvahalline hora. Se on ylen kuulužu Karjalas.

Tevolližus

Vuozinnu 1910 – 1922 täs ruadoi Puadanen meččyruadozavodu.

Vuonnu 1929 täs perustettih meččyruadolaitos – Puadanen lespromhouzu.

Kyläs on psihonevrologine internuattu.

Histourien mustomerkit

• Nevvostoliiton saldattoin da partizuanoin (kuduat kuoldih v. 1941 – 1944 voinan aigua) kalmu.
• Kohtu, kudamas partizuanoin joukko ”Vper’od” torai fašistoinke (ligakuu, v. 1941).
• A. I. Fan’aginan (1920 – 1943) urhotevon kohtu.
• Nevvostoliiton lendäjien kalmu (1. elokuudu 1941).

Nähtävykset

• Talviolimpiuadukižoin (v. 1956) hiihtočempionan F’odoran Terentjevan mustokompleksu.
• Kirikkö (v. 1900) (ven. Церковь Рождества Богородицы).

Kuulužat ristikanzat

• Gromov Pavel Petrovič (1914 – 1982) on runoilii da kirjalližuontutkii.
• Terentjev F’odor Mihailovič on Nevvostoliiton hiihtäi, Olimpiuadukižoin kaksikerdaine palkindonsuannuh.
• Mekkelev Jevgeni Iljič on Nevvostoliiton raududorogalruadai
• Grigorjev Ivan Antonovič (1902 – 1942) on partizuanoin joukon johtai. Hänen kunnivokse nimitettih kylän uuličču.
• Vakul’kin Timofei F’odorovič (1910 – 1977) on Nevvostoliiton valdivomies.
• Denisov Zahar Vasiljevič (1902 – 1938) on Nevvostoliiton valdivomies.

Huomavukset