Slonim Ilja L'vovič
| Slonim Ilja L'vovič | |
|---|---|
 | |
| Roindupäivy | 24. ligakuudu 1906 |
| Roindupaikku | |
| Kuolendupäivy | 1973 |
| Kuolendupaikku | |
| Mua | |
| Mučoi | Tatjana Maksimovna Litvinova[d] |
| Opastus | |
Slonim Ilja L'vovič (1906—1973) on Nevvostoliiton kuvanvestäi.
Eloskerdu
Ilja Slonim oli roinnuhes 24. ligakuudu vuvvennu 1906 Taškentas, mägi-inženieran, Ven'an valdivollizen I. M. Gubkinan nimizen neftin da guazun yliopiston (kanzallizen tutkimusyliopiston) loppenuon, a myöhembi professoran Lev Iljič Sloniman (1883—1945) da Anna Grigorjevna Sloniman (enne miehele menendiä Taftan, 1887—1954) pereheh[1]. Vuvvennu 1921 pereh tuli elämäh Moskovah. Vahnembat oldih kirjuttajan Isaak Emmanuilovič Babel’an lähäzinny dovarišoinnu da minivuodehizinnu korrespondentoinnu, Babel’ kodvazen oli heillyö fatieranvuograjannugi; heijän perehes jäi hänes mustokse Jevreika-pitky kerdomus (oli painettu kirjuttajan kuolendan jälgeh vuvvennu 1989)[2]. Sloniman tuattah oli tiijollizien tutkimuksien,ven. Основы нефтепромысловой электротехники -opastuskniigan (1946) da ven. Электрификация американской нефтяной промышленности — monogruafien (1927) luadijannu.
Vuozinnu 1924—1929 Ilja Slonim opastui Korgielois taido-tehniellizis ateljeelois, Korgies taido-tehniellizes instituutas Ivan Sem’onovič Jefimovan da Iosif Moisejevič Čaikovan johtol.
Vuvvennu 1931 häi rodihes Ven’an kuvanvestäjien seuran kandiduatakse, hänen ruavot oldih ezil seuran nelländes ozuttelus. Äijän ruadoi portriettu-lajis. Vuozinnu 1934—1935 ruadoi Konakovon fajansuzavodal[3]. Vuozinnu 1950 ruadoi moizien ainehienke, kui puu da mruamoru. 1970 vuozien allus ottihes vestokogomusplastiekkah, sen tuloksennu ollah ruadoloin sarjat antiekallizen mifolougien tiemoin mugah. Ilja Sloniman jälgimäzii ruadoloi ollah mustomerkivestokuvien tevokset: kalmukivet da Nevvostoliiton tundiettuloin ristikanzoin mustolavvat.
Ilja Iljič Slonim kuoli 28. ligakuudu vuvvennu 1973 Moskovanlinnas.
Pereh
- Oli naizis Tatjana Litvinovas,[4] Nevvostoliiton ulgoazieloin narkoman Maksim Maksimovič Litvinovan tyttäres, suadih kaksi tyttölastu:[5]
- Slonim Marija Iljinična (miehele mendyy Fillimor, rodihes vuvvennu 1945 Moskovas), žurnalistu da ruadivo-ohjelmoin vedäi, opastai. Vuvves 1974 eli Amierikan Yhtysvallois, vuvves 2015 eläy Londonas.
- Slonim Vera Iljinična (miehele mendyy Čalidze, rodihes 1948), ristikanzanoigevuksienpuolistajan da ilmoihpiästäjän Valerii Čalidzen mučoi.
- Diädät (tuatan vellet) — Slonim Moisei Iljič (1875—1945), hirurgu da liečetiedoloin tiedomies; Slonim Solomon Iljič (1879—1928), rentgenologu da fizioterapevtu, liečetiedoloin douhturi.
- Sevoitar Slonim Judif’ Moisejevna, tiähtientiijustelii.
Ruavot
Portriettu-lajis ollah luajittu kuvanvestäjän yhtenaigazien ristikanzoin vestokuvat: D. D. Šostakovičan (1942), R. R. Fal’kan (1944), S. V. Obrazcovan (1948), S. S. Prokofjevan (1940 vuvvet), V. B. Šklovskoin (1955), I. G. Erenburgan (1960), A. A. Ahmatovan (1964) da toizien.
Mustomerkilöin jälgimäzii ruadoloi ollah: Erenburgan kalmukiven projektu (1969), S. D. Lebedevan kalmukivi (1971), P. V. Kuznecovan kalmukiven projektu (1973), K. I. da M. B. Čukovskoloin kalmukiven projektu (1970—1973) da toizien.
I. L. Sloniman ruavot ollah ezil muzeiloin monis keräilemis, niilöin joukos ollah Valdivolline Tretjakovan gallerei, Valdivolline Ven’an muzei, Murmanskan alovehen taidomuzei.[6]
Huomavukset
- ↑ Интервью с Машей Слоним
- ↑ Лев Фрухтман "Неизвестная повесть Бабеля"
- ↑ Слоним Илья Львович. Kačondan päivymiäry: 7. kezäkuudu 2015. Arhiviiruittu originualaspäi 7. kezäkuudu 2015
- ↑ Литвинова Татьяна Максимовна
- ↑ Илья Львович Слоним
- ↑ Слоним Илья Львович
Linkat
 | |
|---|---|
| Bibliogruafien katalougois |
|
