Sociualuarhitektoru
| Sociualuarhitektoru | |
|---|---|
 | |
| Käytändän ala | Valdivolline da municipualine ohjuandu |
| Roindan päivymiäry | 2020-lugu |
Sociualuarhitektoru (ven. Социальный архитектор) on ammattimies, kudai projektiiruiččou da todevuttau sociualukäytändöi da -alguhpanoloi, kudamien tarkoituksennu on aijallizien yhteiskunnallizien ruadoloin todevutandu. Sociualuarhitektuuran kontekstas se on välittäjänny erilazien sociualujoukkoloin, instituuttoin da valdivollizien struktuuroin välil.
Vuvven 2025 syvyskuun 1. päiväs Moskovan valdivonyliopisto da Rahavaroin yliopisto enzimäzinny Ven'al avattih magistruohjelmii sociualuarhitektuuran mugah[1].
Ammatti
Sociualuarhitektoru-ellendys rodih 2020-vuozil. Terminy kuuluu rahvaskunnan nygözen vaihien kehittämizeh, konzu tarkoituksennu on siviilirahvaskunnan luadimine projektoin avul, kudamat yhtistettäs valdivuo, biznessua da kanzalazii.
Elokuul vuvvennu 2025 sociolougat sanottih sociualuarhitektoran tulien aijan ammatikse. Sociualututkimuksien azientiedäjien nevvoston azientiedäjien yhtevyksen yhtehizen ruavon ohjuajan johtajan Firdus Alijevan sanoin mugah sociualuarhitektuuru on monitazoine rakendeh[2]:
Sociualuarhitektoran missii on avvuttua sociualuennustandan tehnolougieloin, kul'tuuroin da käytändölöin da sociualuprojektiiruičendan kehittämizes da leviemizes yhtistäjen kaikkii kompetensieloi, azientiedäjien tarkastuksii, tiijoitusresursoi erillizien ammattimiehien kooperacieloih da kogonazih yhtistyksih. Meijän tarkoituksennu on lähiaijakse luadie tulien aijan kuvan muvvostundan da korrektiiruičendan procesan, kudamua ruvetah todevuttamah eri tazon sociualuprojektoin avul.
Sociualuarhitektorat voijah ruadua alovehellizis hallindolois subjektoin varapiälikkölöin virrois olles. Smietitäh, ku hyö ruvetah vastuamah demogruaffizes poliitiekas, pereharvolois da rahvahankeskizis välilöis. Kogo Ven’an yhteiskunnallizen mielen tutkimuskeskuksen piälikkö Valerii F’odorov pani merkile, ku uvven ammatin juurdumizekse vallan vertikualis on roinnuh pättävy tila[3]:
Sociualuarhitektuuru seizou ristavukses, enne sih niškoi käytettih sanua "ainehienväližys", nygöihäi puaksumbah paistah integracies, juurdumizes
Smietitäh, ku uvven opastusalan otettuu korgeiškolat syvendytäh niilöile tavallizih kompetensieloih. Ezimerkikse, Moskovan valdivonyliopisto syvendyy politolougien aspektoih, Talovuon korgeiškola — mediakommunikacieloih, Ven’an rahvahan talohuon da valdivollizen palvelun akadiemii — valdivollizeh ohjuandah.
Opastus
Vuvven 2025 syvyskuun 1. päiväs Ven’al enzikerdua avattih magistruohjelmat sociualuarhitektuuras: Moskovan valdivonyliopiston politolougien tiedokunnal da Ven’an Federacien alazen rahavaroin yliopiston sociualutiedoloin da joukkoyhtevyksien tiedokunnal. Ližäopastuskursiloi rodih sežo Ven’an valdivollizes gumanituarizes yliopistos.
Opastuspluanah kuulutah opastusainehet poliittizien stratiegieloin, tiijoitus- da analiitiekkutuves, modeliiruičendas da projektiiruičendas sociualuarhitektuuras sego kanzalazien ičentunnon muvvostumizes. Magistrantat ruvetah opastumah teouriedu dai praktiekkua suajen tiedoloi politolougies, sociolougies, yhtevyksis da yhteiskunnallizien projektoin ohjuandas.
Moskovan valdivonyliopiston politolougien tiedokunnan dekuanan Andrei Šutovan sanoin mugah magistratuuran loppenuot roijah tarvittavinnu ruadajinnu, kudamat suajah ruadua yhteiskunnan, vallan da biznesan ristavukses, yhtyö yhteiskunnallizesti merkittävien projektoin luadimizeh da kehittiä yhtevyksii eri sociualujoukkoloin välil[4].
Ven’an Federacien piämiehen hallindon monitouringan kyzymyksien da sociualuprocessoin sellittelyn piälikkö Aleksandr Haričev ilmoitti, ku nygyaigazis ololois tarvitah ammattimiehii, kudamat maltetah yhtistiä tiedoloi praktiekanke da ruttoh reagiiruijah uuzih kuččuloih[5].
Sociualuarhitektuuru alovehil
Kirovan linnan 650-vuozipäiväkse, kudamua piettih vuvvennu 2024, vallasolijat keksittih metaaforan, ku alovehen piälinnu on Ven’an pohjazen vorotat. Sit aijas matkailuprojektat da arhitektuurupiätökset ollah sit aihies kiini.
Jakuutien gubernuattoru Aisen Nikolajev saneli, ku kazvau kiinnostus jakuutielazeh kinoh. Hänen sanoin mugah tazavaldu oli toizel sijal Ven’al luajittuloin fil'moin miäräs jälles Moskovua.
Murmanskan alovehel pandih rattahile Pohjazes eliä -kampuanii. Eläjät pozitiivizesti otettih vastah nečen louzungan da sen jälles alovehen kehityspluanua ruvettih sanomah nenga[6][7].
Huomavukset
- ↑ В России впервые стартовали магистерские программы по социальной архитектуре, ВЗГЛЯД.РУ (1 syvyskuudu 2025). Kačondan päivymiäry: 26. syvyskuudu 2025.
- ↑ Социологи назвали социального архитектора профессией будущего - Российская газета, Российская газета (8 elokuudu 2025). Kačondan päivymiäry: 26. syvyskuudu 2025.
- ↑ Экспертиза по любым вопросам, Коммерсантъ (8 elokuudu 2025). Kačondan päivymiäry: 26. syvyskuudu 2025.
- ↑ В России впервые стартовали магистерские программы по социальной архитектуре, ВЗГЛЯД.РУ (1 syvyskuudu 2025). Kačondan päivymiäry: 26. syvyskuudu 2025.
- ↑ В российских вузах впервые начали готовить социальных архитекторов (1 syvyskuudu 2025). Kačondan päivymiäry: 26. syvyskuudu 2025.
- ↑ В университетах начнут учить на социальных архитекторов, Ведомости (19 kezäkuudu 2025). Kačondan päivymiäry: 26. syvyskuudu 2025.
- ↑ Наш Север | Благоустройство (рус.). nashsever51.ru. Kačondan päivymiäry: 26. syvyskuudu 2025.