Sociualuruadajan päivy (Ven'a)
| Sociualuruadajan päivy | |
|---|---|
| Tiippu | Ammatilline pruazniekku |
| On pandu alguh | Ven'an Federacien piämies Vladimir Putin 27. ligakuudu vuvvennu 2000 |
| Pietäh |
 Ven'anmua |
| Päivymiäry | 8. kezäkuudu |
| Piendy | joga vuottu, 8. kezäkuudu |
| On kiini | Pedri I käskyh № 1856 "Pyhän patriarhatan köyhien, voimattomien da vahnoin bahadel'n'an miäriämizes" |
Sociualuruadajan päivy on rahvahan sociualupuolistuksen ruadajien ammatilline pruazniekku, kudamua pietäh Ven'al joga vuottu 8. kezäkuudu.
Sociualuruadajan päivy on roinnuh virrallizien ammattilline pruazniekkoin kalenduaras ei ammui, kolmanden vuozituhanden allus, sen jälles kui 27. ligakuudu vuvvennu 2000 Ven'an Federacien piämies Vladimir Putin allekirjutti käskyn № 1796 "Sociualuruadajan päiväs", kudai lyhyöh sanoi "Panna alguh Sociualuruadajan päivy da pidiä sidä 8. kezäkuudu".
Muan piämies ei petties vallinnuh tädä päiviä pruazniekkupäiväkse, se päivy on kiini sociualuruavon histouries Ven'al. Juuri sinäpiän, läs 300 vuottu tagaperin, 8. kezäkuudu vuvvennu 1701, Ven'an valdukunnas tsuari Pedri I piästi ilmah käskyn № 1856 "Pyhän patriarhatan köyhien, voimattomien da vahnoin bahadel'n'an miäriämizes". Käskyn mugah "kymmenen voimattoman kohtah — bahadel'n'as pidäy olla yksi terveh, kudai kaččos da auttas nämmii voimattomii"[1].
Vuvvennu 2007 Vladimir Putin hyvitteli sociauluruadajii heijän ammatillizen pruazniekanke:
"Työ valličitto ičele vaigien, ga hyvän da ylen tärgien ammatin - auttua niilöile, ket tarvitah abuu. Sociualuruadajien ammatilližuos da neros, luondehen tavois rippuu meijän muan miljonoin rahvahien elos, heijän sociualuvoindu, varmus huomenizes päiväs. ... Olen varmu, ku työ iellehgi rubietto säilyttämäh da akkiloimah hyvii perindölöi, kudamat pandih alguh monet teidy enne ruadanuot sugupolvet – rahvas, kudamat suvaijah da kehitetäh omua ruaduo...[2]»
Sociualuruadajan päivy ei ole huogavopäivy, ku ei vai piädyne huogavopäiväh.