Soldatov Oleg Jurjevič

Oleg Soldatov
Oleg Soldatov
Piätiijot
Täyzi nimi	Oleg Jerjevič Soldatov
Roindupäivy	9. pakkaskuudu 1963 (63 vuottu)
Roindupaikku	Soči, Krasnoduaran aloveh, Ven’an federatiivine socialistine nevvostotazavaldu, Nevvostoliitto
Muat	Nevvostoliitto; Ven'anmua
Ammatit	orkestaranohjuaju da opastai.
Žanrat	klassielline muuzikku
Joukot	Karjalan filarmounien simfounine orkestru, Sočin simfounine orkestru
Palkindot

Oleg Jurjevič Soldatov (ven. Оле́г Ю́рьевич Солда́тов; roinnuhes 9. pakkaskuudu vuvvennu 1963, Soči) on Ven’an orkestranohjuaju da opastai. Karjalan tazavallan vuvven lauareattu (2003), Karjalan tazavallan taidoalan arvostettu ruadai (2003).

Eloskerdu

Loppi Leningruadan konservatourien orkestranohjuaju-horatiedokunnan (1986, T. I. Nemkinan kluassu), sit oli harjaittelijannu ouperu-simfounizen orkestranohjuandan tiedokunnal Ravil' Martinovan luo. Sai enzimäzet palkindot II Kogo Ven'an orkestranohjuajien kilvas (1988, (Uljanovsku) da Kanzoinvälizes Arturo Toskaninin nimizes orkestranohjuajien kilvas (1990, Parmu).

Vuozinnu 1990—1991 oli Tomskan simfounizen orkestran taido-ohjuajannu da piäorkestranohjuajannu. Vuozinnu 1992—2006 oli Karjalan valdivollizen filarmounien simfounizen orkestran (ven.) (olo. johtajannu, samal aigua vuozinnu 1996—2003 oli Sočin simfounizen orkestran taido-ohjuajannu da piäorkestranohjuajannu. Petroskoin orkestranke ezitti moizii merkittävii tevoksii kui Mocartan "Rekviem", Bethovenan Yheksänden simfounien, Sergei Tanejevan oratourien "Ioann Damaskin" da Karl Orfan oratourien "Karmina Burana", Igor' Stravinskoin "Psalmoin simfounii".

9. syvyskuudu vuvvennu 2003 L. N. Tolstoin 175-vuozipäivänny Moskovas Hamovniki-muzei-zapovedniekan konnun pihas pidi Širvani Čalajevan Hadži-Murat-ouperan enziezityksen Tolstoin samanimizen pitkänkerdomuksen mugah.

Vuvvennu 2006 muuzikkumiehien riijettyy^[1] lähti iäre Karjalan valdivollizes filarmouniespäi; vuvves 2006 on Sočin simfounizen orkestran piälimäine kučuttu ohjuajau. Samal aigua opastau orkestranohjuandan tiedokunnal Petroskoin konservatouries.

Vuvvennu 2023 Sočis piettih pruazniekkupido Soldatovan 60-vuozipäiväkse Orguanu- da kamarimuuzikan zualas^[2].

Palkindot da tunnustus

Toskaninin nimizen orkestranohjuajien kilvan laureattu (Parma, 1990);
Karjalan tazavallan vuvven laureattu (2003);
Karjalan tazavallan taidoalan arvostettu ruadai (2003);
Ven'an Federacien halličuksen palkindo kul'tuuran alal (2005)^[3].

Huomavukset

↑ Витива Н. Бунт в оркестре Arhiivukoupii 8 syvyskuudu 2021 Wayback Machine // Карельская губерния. 2006. 11 января. № 2 (502).
↑ В Сочи отметят юбилей дирижера Сочинского симфонического оркестра Олега Солдатова (рус.). www.dksochi.ru (2. tuhukuudu 2023). Kačondan päivymiäry: 8. ligakuudu 2025.
↑ Главный дирижёр Симфонического оркестра Карельской государственной филармонии Олег Солдатов стал лауреатом премии Правительства РФ в области культуры // Республика Карелия: Официальный сервер органов государственной власти

Linkat

Олег Солдатов: "Оркестр в республике один, перебегать некуда": [Интервью] // Культура. — 2003, 30 октября — 5 ноября. — № 42 (7401).

[1] Витива Н. Бунт в оркестре Arhiivukoupii 8 syvyskuudu 2021 Wayback Machine // Карельская губерния. 2006. 11 января. № 2 (502).

[2] В Сочи отметят юбилей дирижера Сочинского симфонического оркестра Олега Солдатова (рус.). www.dksochi.ru (2. tuhukuudu 2023). Kačondan päivymiäry: 8. ligakuudu 2025.

[3] Главный дирижёр Симфонического оркестра Карельской государственной филармонии Олег Солдатов стал лауреатом премии Правительства РФ в области культуры // Республика Карелия: Официальный сервер органов государственной власти

[1]

[2]

[3]