Ven'an Federacien tullinruadajan päivy
| Ven'an Federacien tullinruadajan päivy | |
|---|---|
| Tiippu | Valdivolline pruazniekku |
| Pandih alguh | 4. elokuudu vuvvennu 1995 |
| Pietäh | Ven'an Federacii |
| Päivymiäry | 25. ligakuudu |
| Piendy | 25. ligakuudu |
| Liittyy | yhtehizen tullinustuvan roindas |
Ven'an Federacien tullinruadajan päivy on valdivolline Ven'an Federacien kaikkien tullinruadajien ammatilline pruazniekku. Sidä pietäh Ven'al joga vuottu 25. ligakuudu[1].
Histourii da piendy
Ven'an Federacien tullinruadajan päivy on nuori ammatilline pruazniekku, kudai pandih alguh jo Nevvostoliiton hajottuu 4. elokuudu vuvvennu 1995 Ven'an Federacien enzimäzen piämiehen Boris Jel'cinan käskys № 811 "Ven'an Federacien tullinruadajan päivän perustandas"[2]. Sidä enne Nevvostoliitos oli Nevvostoliiton tullinruadajan päivy, kudamua piettih 29. oraskuudu (nygöi sinäpiän pietäh Tullipalvelun veteruanoin päiviä)[3].
Boris Jel'cin ei petties piättänyh pidiä Ven'an Federacien tullinruadajan päiviä juuri sinäpiän, juuri 25. ligakuudu vuvvennu 1653 Ven'an tsuarikunnas rodih enzimäine Yhtehine Kauppu-ustuavu, kudai kuului tsuarin Aleksei Mihailovič Romanovan käskyh "keskenäzes rajamaksos Moskovas da linnois, kirjuttajen äijängo otettih da kudamis tavaroispäi"[4].
Vuvvennu 2006 Ven'an Federacien piämies Vladimir Putin omas hyvittelys Ven'an Federacien tullinruadajan päivän kunnivokse sanoi:
Hyvittelen ruadajii da veteruanoi ammattipruazniekanke — Tullinruadajan päivänke. Mennyzien 11 vuvven aigah Ven'an federualline tullipalvelu luadi suuren panoksen talovuollizen turvalližuon lujittamizeh, muan kanzallizien kiindoloin puolistamizeh. Tänäpäi hyö ollah ulgopuolizen kaupan valdivollizen ohjailun, b'udžietan tuloloin tävvendämizen tevokkahembii mehanizmoi.Vladimir Putin, vuvven 2006 hyvittely
Tämä ei suuri situattu hyvin kuvuau tullin merkittäviä roulii Ven'an nygözis ololois.
Huomavukset
- ↑ 25 Октября. День таможенника Российской Федерации. Международный день борьбы женщин за мир. Праздник каждый день. RedDay.RU Arhiivukoupii 4 pakkaskuudu 2011 Wayback Machine
- ↑ Указ Президента РФ от 4 августа 1995 г. N 811 «Об установлении Дня таможенника Российской Федерации». Kačondan päivymiäry: 24. sulakuudu 2019. Arhiviiruittu originualaspäi 24. sulakuudu 2019
- ↑ Официальный сервер Республики Бурятия :: Новости
- ↑ Кулешова С.Ю. Торговый устав 1653 года. museum.customs.ru. Kačondan päivymiäry: 25. ligakuudu 2017. Arhiviiruittu 27. ligakuudu 2017