Ven'an animacien päivy

On otettu Рувики-späi
Ven’an animacien päivy
piirdofil'man azuu stuudies
piirdofil'man azuu stuudies
Merkičys virralline pruazniekku
Päivymiäry 8. sulakuudu
Liittyy Ven'an enzimäzen piirdofil'man enzi-ildah, kudai oli vuvvennu 1912

Ven'an animacien päivy on virralline pruazniekku, kudamua joga vuottu pietäh 8. sulakuudu. Pruazniekku pandih alguh vuvennu 2022 Ven'anmuan prezidentan Vladimir Putinan käskys. Se omistettih Ven'an enzimäzen piirdofil'man enzi-illan 110-vuozipäiväle[1].

Histourii

8. sulauudu vuvvennu 1912 enzikerdua ozutettih Ven'an piirdofil'mu «Прекрасная Люканида, или война рогачей и усачами»  (ven.) (olo.[2]. Tämä on keskiaijan rakkahusdruamu, sen piähenget ollah sarvibörölöin emändy L'ukanida da sen mielespiettävy — vihaniekkoin usabörölöin heimon piälikkö Geros-gruaffu. Piirdofil'man luadijannu on ohjuaju da opastunnuh luonnontutkii Vladislav Starevič. Fil'mas häi käytti tyttianimaciedu. Piähenget häi otti omassah etimolougiellizes keräilemäs. Tämä fil'mu kuului mierole. Ameriekkalaine ohjuaju da piirdofil'moin luadii Uolt Disnei sanoi, gu ven. «Прекрасная Люканида»-fil'man luadii on vuozikymmenii ielpäi toizii[3].

Vuvvennu 1924 Nevvostoliiton ohjuajat Jurii Merkulov, Nikolai Hodatajev da Zenon Komissarenko Valdivollizen kinonluajindutehniekuman tyveh avattih enzimäzen piirdofil'moin pajan. Allettih hyö läpäkkölöin marionietkoin azettelendutehniekas. Muga roittih ven. «Межпланетная революция» da ven. «Китай в огне»-piirdofil'mat. Jälgimäine on täyzimetrihine, se ozutettih kodimuan suuril ekruanoil[4]. Sil aigua avattihgi uuzi Kul'tkino-animaciistuudii, kudamas fil'moin luadijes käytettih nagro- da satiirukuvii.

Viijen uvven mendyy Leningruadan Sovkino-fuabrikal päivänvalgien nägi ohjuajan Mihail Cehanovskoin Počta-nimine eri teniekois luajittu piirdofil'mu. Fi'lmu on Nevostoliitonen ezimäzii väri- da iänifil'moi[5].

Vuvennu 1935 avattih Souzmul'tfil'm-stuudii, se yhtisti kai ennepäi avatut da ruadajat piirdofil'mustuudiet. Tämä ruado kehityi ravieh. Käyttöh otettih uuzii piirdofil'moin luajinduneroloi da tehniekkoi. Ezimerkinny täs ollah piirretyt pehmeikarvuelätit ven. «Непослушный котёнок» -piirdofil'maspäi. Vuozinnu 1940—1950 luajitut piirdofil'mat erotat toizis tovellizil korgeiluaduzil kuvil[4].

Dora-dora-pomidora -piirdofil'man oza. Fil'man ohjuaju on Inessa Kovalevskaja. Fil'mu on luajittu vuvennu 2001S Sojuzmul'tfil'm-stuudies.

Enzimäine leveiformuattahine tyttifil'mu luajittih vuvennu 1962. Se oli ven. «Летающий пролетарий», ohjuajien Ivan Ivanovan-Vano da Aleksandr Bojarskoin yhtehine ruado Vladimir Majakovskoin tevoksien mugah. Tämän piirdofil'man luadijes enzikerdua käytettih bumuagas luajittuloi goreljeffutyttilöi.

Vuvennu 1967 Boris Stepencevan ven. «Песня о соколе» piirdofil'mas enzikerdua käytettih mualuamistu st'oklua myöte -tehniekkua, ven. «Малыш и Карлсон» -fil'mas — elektrogruaffien tehnologiedu. Uuzien tehniekkoin da stiililöin ližäkse vuozinnu 1960 rodieu piirdofil'moin uuzii luajindumuodoloi: sarjufil'mat (ven. «Маугли», ven. «Винни Пух», ven. «Ну, погоди!») da al'manuahat, muga sanotut piirdofil'moin žurnualat (ven. «Весёлая карусель», ven. «Светлячок»). Vuvvennu 1970 rodih luadiianimacii, allun sille pani Jurii Norštein. Häi keksi jugien monivaihiezen azettelendutehniekan. Noršteinan hyvyös animacii sai erinomazen "runohuslajin"[6].

Vuozinnu 1980 puaksumbah ruvettih luadimah täyzimetrihisty animaciedu. Piirdofil'moin luadijat opastuttih luadimah tyttilöi plastiliinas. Enzimäzii, ken ottihes plastiliinuanimacieh, oli Aleksandr Tatarskoi. Vuvvennu 1981 täs tehniekas häi piästi ilmah ven. «Падал прошлогодний снег» -piirdofil'man. Vuozinnu 2000, pahoin vuozien jälgeh, kodimuan piirdofil'moin luajindua ruvettih tuaste elävyttämäh, rodih uuttu stuudiedu. Piirdofil'moi azuttih tiedokonehien da uuzien tehnologieloin avul. Meigäläzet piirdofil'moin luadijat suajah enzisijat kanzoinvälizis animaciifestivualilois[6].

21. kevätuudu Ven'an Federacien kul'tuuruministerstu kehoitti perustua Ven'anmuan animacien päivän. Piendypäiväkse piätettih panna sulakuun 8. päivy. Tädä päiviä pietäh kodimuan animacien roindupäivänny[7].

Sojuzmul'tfil'man  (ven.) (olo.-kinonluajindustuudien johtajien nevvoston piälikkö Juliana Slaščova saneli[8]:

Ven'an animaciel on pitkyaigaine da bohattu histourii, ainavoluaduzet perindöt — tostu mostu muijal ei ole. Nikel mieros ei ole suitettu muga äijy fil'moin luajindutehniekkua, stiilii da luadijoin oman ičen suaduu da keksittyy neruo. Jälgimäzen kymmenen vuvven aigua fil'moinluajindan stuudieloin lugumiäry kazvoi silmynägeviä, niidy rodih kolme kerdua enämbi. Kazvoigi uuzien fil'moin miäry. Animaciedu käytetäh opastukses, veseldyspidolois, tiedokonehien kižois. Se rodih moizekse alakse, kudai avvuttau kehittyö da kazvua toizilgi aloil. Virralline pruazniekku suurendau animacien suuruttu, merkiččöy fil'moin luadijoin ruavon tärgevytty sego mustoittau, gu pidäy kiittiä täl alal rudajii.

Prezidentu Vladimir Putin kannatti tämän pruazniekan piendän ehoituksen. Käsky № 543 Ven'anmuan animacien päivän perustamizes painettih 12. elokuudu vuvvennu 2022 oigieloin tiedoloin virallizel internet-portualal[9].

Perindöt

Sinäpiän kogo Ven'al pietäh äijy kaikenmostu piduo da akciedu. Äijis linnois luajitah festivualiloi, Nevvostoliiton aijan sego uuzien ven'alazien piirdofil'moin ilmazii kačondoi, kuulužien fil'mumuasteriloin opastuksii. Školien da kirjastoloin ruadajat pietäh luvendoloi piirdofil'moin luajindas, azutah ozutteluloi, konsertoi, kilboi, teatruezityksii da kvestukižoi. Vuvves 2014 algajen 8. sulakuudu Moskovan linnas juatah kanzallistu animacien Ikar-nimisty palkinduo[8].

Huomavukset

  1. ↑ Зурбалиева, Мария. День российской анимации 2024: история и традиции праздника. Семья. Проект Комсомольской правды (8. sulakuudu 2024). Kačondan päivymiäry: 8. sulakuudu 2024.
  2. ↑ Михайлин, Ю. Высшие формы — «Прекрасная Люканида» Владислава Старевича. Seance (8. sulakuudu 2020). Kačondan päivymiäry: 8. sulakuudu 2024.
  3. ↑ Иванова, Екатерина. Любите мультфильмы? День российской анимации, которой исполнилось 110 лет, это и ваш праздник. Учительская газета (8. sulakuudu 2022). Kačondan päivymiäry: 8. sulakuudu 2024.
  4. ↑ 1 2 Буранов, Никита. Как появилась и развивалась отечественная мультипликация? Российское военно-историческое общество. Kačondan päivymiäry: 9. sulakuudu 2024.
  5. ↑ Как появилась и развивалась отечественная мультипликация? Animata (26. sulakuudu 2019). Kačondan päivymiäry: 9. sulakuudu 2024.
  6. ↑ 1 2 Сидоркина, Л. Г., Овсянникова, А. Ю., Пьянкова, А. В. Отечественная анимация 60-80х годов // Международный научно-исследовательский журнал. — 2015.
  7. ↑ Зыкина, Татьяна. В России учредили День анимации. РБК (12. elokuudu 2022). Kačondan päivymiäry: 8. sulakuudu 2024.
  8. ↑ 1 2 Альперина, Сусанн. "Аниматоры нужны и любимы": Как отмечается День российской анимации и какие мультфильмы обязательны к просмотру. Российская газета (5. sulakuudu 2023). Kačondan päivymiäry: 8. sulakuudu 2024.
  9. ↑ Путин учредил День российской анимации. Известия (12. elokuudu 2022). Kačondan päivymiäry: 8. sulakuudu 2024.

Kirjalližus

  • Асенин, С. Волшебство экрана. — М.: Искусство, 1974.
  • Горшкова, Д. История российской мультипликации. XX век. — М.: ИД Варио, 2016.
  • Норштейн, Ю. Снег на траве. Фрагменты книги. Лекции по искусству анимации. — М.: ВГИК, 2005.
  • Томан Инга Бруновна. «Рыцарь русской анимации» // Современные проблемы сервиса и туризма. — 2010. — № 4.
  • Чашкина Людмила Юрьевна. Мультипликация дозвукового периода: ранние эксперименты // Genesis: исторические исследования. — 2019. — № 3.
  • Энциклопедия отечественной мультипликации. — М.: Алготитм, 2006.

Linkat

Lähteh - "https://olo.ruwiki.ru/w/index.php?title=Ven%27an_animacien_päivy&oldid=126352519"