Ven'an finansistan päivy

On otettu Рувики-späi
Bankiirat ozutetah omua hyviä mieldy — Genri Gerbo (fran. Gerbault, Henry).

Finansistan päivy on virralline ammatilline pruazniekku Ven'al, kudamua pietäh joga vuottu 8. syvyskuudu vuvves 2011 algajen[1][2].

Pruazniekan alallizinnu pidäjinny ollah yhteiskunnallizet yhtistykset Rahamarkinoin ammattimiehien yhtevys "Sapfir" (ven. Ассоциация «Сообщество профессионалов финансового рынка „САПФИР“» da Finansistoin gil'dii, kudamat ruatah Ven'an rahavaroin ministerstvan da Ven'an keskusbankan kannatuksel. Vuvves 2012 pruazniekan ohjailukomitietan piälikönny on Ven'an Federacien rahavaroin ministru Anton Siluanov[3].

Enne sinäpiän pruazniekkua piettih ei-virrallinnu pruazniekannu sen kunnivokse, ku 8. syvyskuudu vuvvennu 1802 imperuattoru Aleksandr II omal manifestal perusti Ven'an valdukunnan rahavaroin ministerstvu[2].

Pruazniekkah virrallizeh ohjelmah kuulutah azii- da kul'tuurutapahtumat, kudamien joukos ollah:

Kogo Ven'an finansistoin palkindo "Reputacii" on eräs arvokkahis palkindolois krediitty-, rahavaroin- da kaičusalal, sidä juatah finansistoile panokses Ven'an rahavaroin sistieman kehittämizeh vuvves 2010 algajen. Jälgivuozinnu palkindon laureatoikse roittih Sergei Glazjev, German Gref, Alla Gr'aznova, Jevgenii Jasin da äijät toizet.

Kogo Ven'an ohjelmu "Finansumalton päivät opastuslaitoksis"[4] on perindölline tapahtumu, kudamua pietäh vuvves 2011 algajen. Ohjelman hantuzis rahavaroin sistieman ammatillizet ruadajat pietäh avvonazii urokkoi finansumalton mugah školien da korgeiškolien opastujih nähte kogo Ven'al. Ohjelman todevuttajien tiedoloin mugah heinykuun vuvven 2015 tiedoloin mugah programmah otti ozua enämbi puoldumiljonua opastujua Ven'an Federacien 85 alovehes[5].

Intelektualline kul'tuuruaziikilbu "Vuvven finanistku" on jogavuodine kilbu, kudamua pietäh vuvves 2011 algajen Ven'an rahavaroin sistiemas ruadajih naizih nähte. Vuvves 2015 kilvan alguozat pietäh Ven'an federualuokrugois.

On olemas sežo eri valdivovallan elimien rahavaroin da talovuon ozastoloin ruadajien päivät. Muga Ven'an Syväinazieloin ministerstvan 22. sulakuun vuvven 2000 käskys pandih alguh "Ven'an syväinazieloin ministerstvan syväinpuolizien elimien da voiskien rahavaroin da tarkastuspalvelun päivy" heinykuun 6. päivänny. Pruazniekan piendypäivy vallittih sen kunnivokse, ku 6. heinykuudu vuvvennu 1918 Syväinazieloin rahvahan komissuaran Grigorii Petrovskoin ezitelmäs V Nevvostoloin kerähmös enzikerdua oli sanottu Nevvostoliiton NKVD:n rahavaroin ozaton struktuuras da ruavos[6]. Приказом МВД от 1 июля 2008 года № 565 название праздника изменено на «День финансовой службы МВД России»[7].

Sama päivy (6. heinykuudu) Ven'an Federacien kanzallizen gvardien voiskien federualupalvelun johtajan käskys 8. kylmykuudu vuvvennu 2017 sanottih "Rahavaroin da talovuon palvelun ozastoloin perustandupäiväkse"[8].

24. elokuudu vuvvennu 2015 Ven'an Federacien piämiehen käskys pandih alguh "Rahavaroin da talovuollizen palvelun päivy" Ven'an Federacien ammundutarbehil varustettulois voimis, sidä pietäh 22. ligakuudu. Pruazniekan piendypäivy vallittih sen kunnivokse, ku Vallankumovuksen sodanevvoston käskys 22. ligakuudu vuvvennu 1918 ilmoitettih azetus Vallankumovuksen sodanevvoston rahavaroin ozastos[9].

Finansistan päivän jyttyzii pruazniekkoi pietäh toizis mualoisgi:

  • Valgoven'al piämiehen käskys 26. kevätkuudu vuvvennu 1998 pandih alguh Bankoin da rahavaroin ruadajien päivy, kudamua pietäh pakkaskuun enzimäzenny pyhänpiän. Piendypäivy vallittih Valdivon bankan Valgoven'an kantoran perustandan kunnivokse, kudai rubei ruadamah 3. pakkaskuudu vuvvennu 1922[10]. Valgoven'an tazavallan puolistusministran käskys 14. kezäkuudu vuvvennu 2001 pandih alguh Valgoven'an tazavallan ammundutarbehil varustettuloin voimien rahavaroin palvelun perustandupäivy, kudamua pietäh 18. kezäkuudu. Sinäpiän vuvvennu 1921 piästettih ilmah Päivänlaskufronan piälikön käsky, kudaman mugah luajittih frontan rahavaroin hallindo[11].
  • Kazahstuanas piämiehen käskys 20. pakkaskuudu vuvvennu 1998 pandih alguh Kanzallizen val'uutan tengen päivy, kudamua pietäh 15. kylmykuudu. Sinäpiän vuvvennu 1993 otettih käyttöh Kazahstuanan kanzalline val'uuttu. Kylmykuun 20. päivän vuvven 2011 käskys pruazniekku sai Kanzallizen tenge-val'uutan päivy, Kazahstuanan tazavallan rahavaroin sistieman ruadajien ammatilline pruazniekku -nimen.[12].
  • Kirgiizien Halličuksen käskys 8. kylmykuudu vuvvennu 1988 pandih alguh Kirgiizien tazavallan rahavaroin da talovuon ruadajien päivy, kudamua pietäh 10. talvikuudu[13]. Jälles, vuvvennu 2001, pruazniekku sai uvven nimen — "Kirgiizien tazavallan rahavaroin da talovuon ruadajien päivy" da sen piendypäiväkse sanottih kylmykuun jälgimästy pyhiäpäiviä[14]. Vuvvennu 2003 pruazniekkua ruvettih pidämäh 7. kezäkuudu[15].
  • serb. Дан финансијске службе), kudamua pietäh 8. kylmykuudu. Sinäpiän vuvvennu 1944 perustettih Rahvahan puolistuksen rahavaroin ozasto[16].
  • УUkrainal vuvvennu 1999 Puolistusministran käskys pandih alguh Sodafinansistan päivy, kudamua pietäh 29. ligakuudu. Sinäpiän vuvvennu 1991 perustettih Puolistusministerstvan rahavaroin hallindo[17].

Huomavukset

  1. Дмитрий Медведев. Указом №1101 Президента России установлен День финансиста (19. elokuudu 2011). Kačondan päivymiäry: 8. syvyskuudu 2012. Arhiviiruittu 30. ligakuudu 2012
  2. ↑ 1 2 Медведев подарил финансистам праздник. Lenta.ru (9. elokuudu 2011). Kačondan päivymiäry: 8. syvyskuudu 2012.
  3. ↑ День финансиста в России будут отмечать несколько дней. Lenta.ru (6. syvyskuudu 2012). Kačondan päivymiäry: 8. syvyskuudu 2012.
  4. ↑ День финансиста совпадает с Международным днём грамотности, установленным ЮНЕСКО.
  5. ↑ Каждый финансист обязан, каждое учебное заведение может! finday.ru. Kačondan päivymiäry: 31. kevätkuudu 2016.
  6. ↑ Приказ МВД России от 22 апреля 2000 года № 421
  7. ↑ Об объявлении Дня финансовой службы МВД России от 01 июля 2008 - docs.cntd.ru. docs.cntd.ru.
  8. ↑ Loading... documentbase.net.
  9. ↑ Указ Президента РФ от 24 августа 2015 № 437
  10. ↑ [www.calend.ru/holidays/0/0/221/ День финансовых и банковских работников в Беларуси], calend.ru
  11. ↑ Военных финансистов — с праздником! Arhiivukoupii 4 kylmykuudu 2016 Wayback Machine, Белорусская военная газета
  12. ↑ О профессиональных и иных праздниках в Республике Казахстан - ИПС "Әділет". adilet.zan.kz.
  13. ↑ Постановление Правительства Киргызской Республики от 3 ноября 1998 года № 716
  14. ↑ Постановление Правительства Киргызской Республики от 16 апреля 2003 года № 219
  15. ↑ Постановление Правительства Киргызской Республики от 8 ноября 2001 года № 698
  16. Šablonu:Sr icon
  17. ↑ 29 октября — День военного финансиста, Ліга. Новости


Проблемы с содержанием статьи
 Параметр text не задан
Lähteh - "https://olo.ruwiki.ru/w/index.php?title=Ven%27an_finansistan_päivy&oldid=126176185"