Ven'an kanzoin kielien päivy
| Ven'an kanzoin kielien päivy | |
|---|---|
 | |
| Päivymiäry | 8 сентября |
Ven'an kanzoin kielien päivy on pruazniekku, kudaman kehoitti perustua Ven'an Federacien piämies Vladimir Putin Ven'an kielen da Ven'an kanzoin kielien kannatustu koskijan valdivollizen poliitiekan todevutandan nevvoston istundol, kudai piettih 5. kezäkuudu vuvvennu 2025[1]. Pruazniekkua kehoitettih pidiä 8. syvyskuudu — Rasul Gamzatovan roindupäivänny[2].
Ven'an tiedoakadiemien tiedoloin mugah Ven'al kaikkiedah käytetäh 277 kieldy da murrehtu[3].
Histourii
5. kezäkuudu vuvvennu 2025 Ven'an kielen da Ven'an kanzoin kielien kannatustu koskijan valdivollizen poliitiekan todevutandan nevvoston istundol kehoitettih perustua Ven'an kanzoin kielien päivy[1]. Vladimir Putin kehoitti pidiä sidä Rasul Gamzatovan roindupäivänny — 8. syvyskuudu[2].
Senke yhtes valdivon piämies vie kerran mustoitti Ven’an Federacien kanzoin kielien säilyttämizen da tulien kehittämizen tärgevyös, niilöin sistemuattizes kannattamizes valdivon puoles da muan yhtehizen kielialovehen suojelemizes[1]. Vladimir Putin sežo vihjai sih, ku pidäy valmistua uvvistettu zakon Ven’an Federacien kanzoin kielis da luadie Ven’an kaikkien kanzoin valdivolline luvettelu[1].
Statistiekku
- Ven'an tiedoakadiemien tiedoloin mugah Ven'al eläjät 193 kanzua käytetäh 277 kieldy da murrehtu[3].
- Kielien miäry on suurembi kanzoin miäriä, sendäh ku erähil on kaksi virrallizekse tunnustettuu kieldy, ezimerkikse marilazil, mordvalazil da altailazil[3].
- Ven'an opastussistiemas käytetäh 105 kieldy, niilöis 24 ollah kielet, kudamil opastetah, 81 — opastetetah opastusainehinnu[3].
Huomavukset
- ↑ 1 2 3 4 Заседание Совета по реализации госполитики в сфере поддержки русского языка и языков народов России, Президент России (05.06.2025). Kačondan päivymiäry: 5. kezäkuudu 2025.
- ↑ 1 2 Путин предложил учредить День языков народов России, РБК (05.06.2025). Kačondan päivymiäry: 5. kezäkuudu 2025.
- ↑ 1 2 3 4 277 языков и диалектов используют народы России. Минобрнауки (21. tuhukuudu 2021). Kačondan päivymiäry: 5. kezäkuudu 2025.