Ven'an kielen päivy
| Ven'an kielen päivy | |
|---|---|
 | |
| Tiippu | Kul'tuurine |
| Virrallizesti | Ven'an kielen päivy |
| Toizin | Ven'an Puškinan päivy |
| Pandih alguh | Ven'an Federacien piämiehen käskys 6. kezäkuudu vuvvennu 2011 ven'an kielen nimeh |
| Päivymiäry | 6. kezäkuudu |
| Liittyy | Nygyaigazen ven'an kirjukielen alguhpanijan Aleksandr Puškinan roindas |
Ven'an kielen päivy on kanzoinväline ven'an kielele omistettu päivy, kudaman on pannuh alguh Yhtistynnyöt Kanzukunnat vuvvennu 2010. Sidä pietäh 6. kezäkuudu Ven'an kuulužan runoilijan Aleksandr Puškinan roindupäivänny[1].
Kezäkuun 6. päivänny vuvvennu 2011 Ven'an Federacien piämies Dmitrii Medvedev allekirjutti käskyn: "Perustua Ven'an kielen päivy da pidiä sidä joga vuottu, 6. kezäkuudu, Ven'an kuulužan runoilijan, nygyaigazen ven'an kirjukielen alguhpanijan Aleksandr Puškinan roindupäivänny"[2].
6. kezäkuudu ymbäri Ven’ua pietäh runoilijan luomisruavole omistettuloi pidoloi: literatuuruluvendoloi, kilboi, ozutteluloi, kluassučuassuloi da konsertoi.
Histourii
Ven'an kielen päivän piendiä on enzikerran kehoitannuh Russkaja igra slov -projektan luadii Ivan Klimenko Parlamentskaja gazeta -lehten sivuloil 26. talvikuudu vuvvennu 2007[3]. Omas kirjutukses kirjuttai, Ven'an kielen vuvven tuloksis paistes panou merkile sen, ku "…Kielen nimeh luajittu vuozi ozuttau, ku vältömättömän kielen kehityksekse joga tulien vuvven aigah pidäy olla vie yksi kielen nimeh luajittu päivy. Ven'an kielen päivy. Kogo Ven'alazen mieron muailman pruazniekku". Nigo zakonoinluajindu-, nigo toimehpaniivallat ei otettu huomavoh tädä kehoitustu.
Vie enne, vuvvennu 1996, Ven'an kielen puolistuspäiviä 6. kezäkuudu, Aleksandr Puškinan roindupäivänny, rubei pidämäh Kriman ven'alaine yhtevys. Vuvves 2007 algajen Krimas heijän alguhpanos 6. kezäkuudu ruvettih pidämäh Kanzoinvälisty ven'alazen, sluavjuanoin kul'tuuran festivualii ven. «Великое Русское Слово». Juuri sinäpiän festivualin ozanottajii monien vuozien aigah hyvittelöy Ven'an Federacien piämies.
Yhtistynnyzien Kanzukundien kielipäivät
Muamankielen päivän ližäkse Yhtistynnyzis Kanzukunnis pietäh yhtistyksen virrallizien kielien päivii[4]. Net oli hyväksynnyh vuvvennu 2010 Yhtistynnyzien kanzukundien yhteiskundutiedoloin departuamentu monikieližyön da kul'tuurumoniluadužuon kannatuksen hantuzis[5]. Nämminny päivinny piettylöin pidoloin tarkoituksennu on virrallizien kielien taza-arvožuon turvuamine, Yhtistynnyzien Kanzukundien ruadajien keskes tiedoloin levittämine Yhtistynnyzien Kanzukundien kielien histouries da kehitykses.
Kielien mustopäivät Yhtistynnyzien Kanzukundien programman hantuzis
- 20. kevätkuudu — Francien kielen päivy (Kanzoinväline frankofounien päivy]]).
- 20. sulakuudu — Kitain kielen päivy (on omistettu kitain kirjukielen alguhpanijale Can Cze).
- 23. sulakuudu — Anglien kielen päivy (Šekspiran roindupäivy]).
- 23. sulakuudu — Ispuanien kielen päivy (Migel' Servantes kuolendupäivy).
- 6. kezäkuudu — Ven'an kielen päivy (Aleksandr Puškinan roindupäivy).
- 18. talvikuudu — Aruabien kielen päivy (sinäpiän vuvvennu 1973 piätettih ottua aruabien kieli Yhtevynnyzien kanzukundien virrallizien da ruadokielien joukkoh[1].
Huomavukset
- ↑ 1 2 День русского языка в ООН. Kačondan päivymiäry: 6. kezäkuudu 2011. Arhiviiruittu 26. oraskuudu 2013
- ↑ О Дне русского языка : Указ Президента РФ от 06.06.2011 № 705 // Собрание законодательства РФ. 13.06.2011. № 24. Ст. 3401
- ↑ «Да будет день!»
- ↑ Список международных дней на сайте ООН
- ↑ Department of Public Information to Launch ‘Language Days at the United Nations’
Linkat
- Ven'an tiedoakadiemien virralline verkosivusto
- Ven'al rodih uuzi pruazniekku — Ven'an kielen päivy (Грамота.ру)
- Ven'an piämiehen käskys on pandu alguh Ven'an kielen päivy — 6. kezäkuudu (Кремлин.ру)
- Ven'an kielen instituutas pietyn vastavuksen stenogrammu, kudamas Ven'an piämies ilmoitti käskyn "Ven'an kielen päivän" kirjuttamizes
- Moskovas Ven'an kielen päivän piendän virralline verkosivusto