Vonga

Vonga
Vonga
	Vongan alavirdu. Assu-koski
Kuvailu
Piduhus	106 km
Vezistöala	2 580 km²
Vien kulutus	10 m³/s
Vezimatku
Jovenladvu	Engozero
• Korgevus	71 m
• Koordinuatat	65°41′39″ с. ш. 33°12′58″ в. д.GЯO
Jovensuu	Vienanmeri
• Olopaikku	Vongan lahti
• Korgevus	0 m
• Koordinuatat	65°25′48″ с. ш. 34°27′30″ в. д.GЯO
Sijoittumine
Vezistösistiemu	Vienanmeri
Ven'a	Karjalan tazavaldu
Mua	Ven'anmua;
Aloveh	Karjalan tazavaldu
Piiri	Louhes piiri, Kemin piiri
Koudu Valdivollizes vezistöluvettelus	02020000712102000002209
Noumeru Valdivollizes muantiedo-objektoin katalougas	0108159
	исток устье
	исток устье
	Медиафайлы на РУВИКИ.Медиа

Vonga^[2] on jogi Ven'al Karjalan tazavallas, virduau Louhen da Kemin piiris. Suau allun Engojärves^[2] korgevuol 71 metrii merenpinnaspäi, laskehes Vienanmereh. Joven piduhus on 106 км, vienkerävöalan pinduala on 2580 km²^[2].

Muantiedo

Yhtehine vienlaskendu on 71 metrii (enimyölleh koskilois alavirras), keskimiäräine kaldavus on 1,10 m/km.

Virduau järvilöis läbi:

ven. Пайозеро
ven. Чогозеро (Louhen piiris)
ven. Пильдозеро
ven. Синдамозеро
ven. Мурамозеро
ven. Гагарино
ven. Кодагуба
ven. Столбовое
ven. Чекозеро
ven. Медвежье
ven. Собачье
ven. Умангозеро
ven. Половинное (Вяккер)

Vongan piduhus on 25—40 metrii, syvys koskiloi luguh ottamattah on 0,7—2,5 metrii. Tavan mugah jogie juatah kahteh ozah: Ylä-Vongah (ven. Мурамозера-järvessäh) da Ala-Vongah (sen jälles).

Jovel on Vongan kylä. Sidä paiči vetty myöte jogessah voibi piästä Engozero-kyläs da -stansiespäi, kudamat ollah samannimzien järven päivännouzus.

Ylä-Vonga

Ylä-Vongu on järvi-jogisistiemu suurien järvilöinke. Sie on äijy čomua suurdu järvie ven. Пильдозеро, ven. Мурамозеро, ven. Синдамозеро dai piendy ven. Пайозеро, ven. Ногозеро, ven. Кодагуб.

Ala-Vonga

Ala-Vongu on pienien järvilöin sistiemu (ven. Столбовое, ven. Чекозеро, ven. Медвежье, ven. Собачье, ven. Уманьгозеро, ven. Половинное (Вяккер)), kudamien välis ollah ojazet koskiloinke.

Fiiziellizet tiijot

Keskimiäräine vienkulutus on 10 m³/s. Jogi suau vetty vihmois da lumes.

Eläin da kazvimuailmu

Vongan joven eläinmuailmu on kui kogo Karjalas: sie on kondiedu, ilvesty, mägriä, hukkua daigi harvinastu elättii, kui meččypoččii, jenottukoirua da toizii. Linnut ollah kui kogo Karjalas — peiboit, pyyt, tedrit, hanhet, sorzat, kajoit da toizet. Kiemurdelijois on harmuadu maduo, mustumaduo da šižiliuhkuu.

Vongas on eriluadustu kalua: ahvendu, haugii, säyniä da toizii.

Vongan randua myöte kazvetah enimyölleh havvumečät (puaksumbah pedäjiköt). Lehtipuulois on koivuu. Sie kazvau buolua, must'oidu, muur'oidu, juomoidu, garbaluo. Sežo on eri luaduu gribua da siendy.

Matkailu

Engozero-Vonga -matku on kuulužu matkailijoin keskes, sendäh ku on pättävy tulendah da lähtendäh nähte, sie on pohjazen muan meččiä, järvilöi da jogiloi, kallivoloi. Se on pättävy baidarkoil sovvandah nähte (toine kategourii vaigevuon mugah baidarkoil) oraskuus syvyskuussah.

Yleizien tiedoloin mugah Vongal on 27 koskie da halgiemua (suurimat ollah ven. Собачий, Väkker da Assu), kaksi murennuttu plotinua, erähii hävinnyzii eländykohtii.

Tiä on helpoploi da vaigieloi sovvandan nähte koskiloi. Jälgimäzet enimyälleh kiinnostetah matkailijoi.

Garbalkorko-koski

Garbalkorko-koski on suuri koski, suurien kivilöinke da laskemizienke.

Koirankoski

Koski on Koiranjärvespäi lähtendykohtas. Sen keskikohtu on soudamatoi baidarkoih nähte, sendäh ku sie kosken vienlangenemine on 1,5 metrissäh kivilöile, yhtelläh kogonah tädä koskie myöte on sovvettu katamaranoil dai baidarkoil. Ga tavan mugah sidä myöte ei sovveta, libo ei sovetta sen keskiozua myöte.

Väkker-koski

Väkker on Vongan pitkevin koski. Se ottau allun hedi Väkker-järven tagan. Sen piduhus on läs 1800 metrii, kuuluu baidarkoin III vaigevuon kategourieh. Tavan mugah sen kauti ei sovveta, ga on erähii joukkoloi, kudamat maltetah soudua sit. Ylen jygei on algu, vaigei keskimatku da burhuajat 500 metrii jälles keskie.

Assu-koski (Raudutiekoski)

Algavuu kahten kilometrin piäs Väkkeris. Sen piduhus on läs 1500 metrii, kuuluu baidarkoin III vaigevuon kategourieh.

Huomavukset

↑ Ресурсы поверхностных вод СССР: Гидрологическая изученность. Т. 2. Карелия и Северо-Запад / под ред. Е. Н. Таракановой. — Л.: Гидрометеоиздат, 1965. — 700 с.
↑ ¹ ² ³ Воньга (Вонга) : [рус.] / verum.wiki // Государственный водный реестр : [арх. 15 октября 2013] / Минприроды России. — 2009. — 29 марта.

Kirjalližus

Воронов Ю. Б. 100 избранных маршрутов для путешествий на байдарке (ven.). — М.: Мир, 1993. — С. 98—100. — 223 с.
Руф Л. В. Путешествие по стране озер (ven.). — М., 1965.

Linkat

[Kategourii:Karjalan jovet]

[1] Ресурсы поверхностных вод СССР: Гидрологическая изученность. Т. 2. Карелия и Северо-Запад / под ред. Е. Н. Таракановой. — Л.: Гидрометеоиздат, 1965. — 700 с.

[ГВР-2] ¹ ² ³ Воньга (Вонга) : [рус.] / verum.wiki // Государственный водный реестр : [арх. 15 октября 2013] / Минприроды России. — 2009. — 29 марта.

[1]

[2]