Yhtenäine valdivolline tutkindo
Yhtenäine valdivolline tutkindo on kogo Ven'an Federacies piettävy tutkindo keskiopastuslaitoksis — školis, liceilois da gimnuazielois, sidä pietäh Valdivollizen loppuattestacien muvvos keskiopastuksen opastusprogrammoin mugah[1]. Se yhtel aigua on školan loppututkindonnu da korgeiškolih piäzendytutkindonnu. Vuodessah 2013 sežo oli piäzendytutkindonnu keskiammattiopastuslaitoksih, ga opastuksen uuzi zakon kumai sen. Tutkindon pidäjes kogo Ven'al käytetäh samantiippazii tehtävii da ruadoloin yhtenäzii arvostelumetodoi. Vuvves 2009 Yhtenäine valdivolline tutkindo on školan ainavonnu loppututkindonnu da piälimäzenny tutkindotavannu korgeiškolih piästes, tämän ližäkse voibi uvvessah piästä Yhtenäzes valdivollizes tutkindos tulieloinnu vuozinnu. Yhtenästy valdivollistu tutkinduo pietäh ven'an kieles, matemuatiekas, vierahis kielis (anglien kieli, germuanien kieli, fransien kieli, ispuanien kieli, kitain kieli), fiiziekas, hiimies, luonnontiijos, muantiijos, literatuuras, histouries, yhteiskundutiijos, informuatiekas[2][3][4].
Vuvves 2015 matemuatiekan tutkindo juattih perus- da profiilitazoh[5]. Matemuatiekan perustazon suorittamine pidäy niilöile školanloppijoile, kudamat ei ruveta jatkamah opastustu korgeiškolis opastundutovenduksen suamizekse libo korgeiškolih piästes, kudamis piäzendytutkindoloin joukos ei ole matemuatiekkua. Profiilitazon suorittamistu tarvitah net školanloppijat, kenen piäzendytutkindoloin joukkoh kuuluu matemuatiekku.
Sygyzyl vuvvennu 2016 Komsomol'sk-na-Amure -linnan školaniekat piästih läbi kitain kielen yhtenäzes valdivollizes koittelututkindos kogo Ven'an tazol. Vuvves 2019 Ven'an Federacies otettih käyttöh kitain kielen yhtenäine valdivolline tutkindo[6].
6. kezäkuudu vuvvennu 2024 Liberualu-demokruattizen, Ven'an Federacien Kommunistizen da Oigienmugazen Ven'an — Toven puoles -partieloin deputuatat työttih Valdivon Duumah zakonuprojektu Yhtenäzen valdivollizen tutkindon hylgiämizes perindöllizien valdivollizien tutkindoloin käyttöh ottamizekse[7].
Yhtenäzen valdivollizen tutkindon käyttöhotandu
Yhtenäine valdivolline koittelututkindo enzikerdua piettih vuvvennu 2001 Čuvašien, Mari Elan, Jakuutien tazavallois, Samaran da Rostovan alovehel kaheksan opastusainehen mugah[8]. Vuvvennu 2002 yhtenäine valdivolline tutkindo piettih muan 16 alovehe[9]. Vuvvennu 2003 koitteluh otti ozua Ven'an Federacien 47 subjektua, а vuvvennu 2004 — muan 65 alovehtu[10]. Vuvvennu 2006 Yhtenäzes valdivollizes tutkindos läbi piäzi läs 950 tuhattu opastujua Ven'an 79 alovehel. Vuvvennu 2008 sidä suoritti läs miljonu opastujua kaikil alovehil. Yhtenäzien valdivollizien tutkindoloin luvettelut vuozinnu 2001—2008 luajittih joga alovehel iččenäzesti.
Yhtenäzen valdivollizen tutkindon idein alguhpanijannu oli ministru Vladimir Filippov, а todevuttajannu Vladimir Hlebnikov[11].
Yhtenäzen valdivollizen tutkindon piendiä hommuau Federualline opastuksen da tiijon tarkastuspalvelu yhtes Ven'an Federacien toimehpaniivallan elimienke, kudamat ollah opastusalan halliččijoinnu[12].
17. kylmykuudu vuvvennu 2023 Federuallizen opastuksen da tiijon tarkastuspalvelun piälikkö ilmoitti, ku vuvvennu 2026 Yhtenäzen valdivollizen tutkindon piendän sistiemat siirretäh ižänmuan ohjelmistole[13].
29. kylmykuudu vuvvennu 2023 Federuallizen opastuksen da tiijon tarkastuspalvelun piälikkö Anzor Muzajev sanoi, ku Yhtenäzen valdovollizen tutkindon siirrändiä onlinemuodoh ei rodei tulien 5-10 vuvven aigah[14].
Tehtävien struktuuru da syväindö
Yhtenäzen valdivollizen tutkindon tehtävii sanotah tarkastusmaterjualoikse (ven. контрольно-измерительные материалы (КИМы)), kudamii luadiu Federualline pedagougutarkastusinstituuttu.
Enziallus enimien opastusainehien tehtävii juattih kolmeh ozah: A, B, C.
Ozas A oldih testanmuodohizet tehtävät, kudamis pidi nelläs kehoitetus variantas vallita yksi.
B-ozan joga tehtäväh pidi andua lyhyt vastavus, kudamis pidi olla yksi libo mondu sanua, kirjaindu libo noumerua. A da B-ozien vastavukset sijoitetah erillizeh aziibumuagah da tarkastellah tiedokonehen avul.
C-ozah kuului yksi libo mondu tehtäviä tarkan vastavuksenke (ezimerkikse, pidäy reššie zaduačču, kirjuttua ainehkirjutus kehoitetun tieman mugah libo šeikkuperäzesti vastata tiettyh kyzymykseh). C-ozan tehtävii arvostetah alovehellizen tutkindokomissien azientiedäjät, C-ozan tehtävih kuulutah azientiedäjien arvostandukritieriet.
Erähien opastusainehien tarkastumaterjualoil voi olla omii eričyksii. Ezimerkikse, literatuuran da matemuatiekan tarkastumaterjulois (vuvves 2010 algajen[15]) ei ole tehtävii, kudamis pidäy vallita oigei vastavus. Vierahien kielien tarkastusmaterjualois on oza, kudamas opastujal pidäy kuunnelta audiotekstu vierahal kielel da sen mugah vastata kyzymyksih.
Opastusuvvennu 2015/2016 kaikkien opastusainehien tarkastusmaterjualois otettih iäre tehtävät, kudamis pidäy vallita vastavuksis yksi variantu kahtes annetus (enne — А-oza), levendetty oza 1 (enne Б-oza) da uvessah luajittu tehtävät ozas 2.
Tarkastusmaterjualoin syväindyö miärätäh kolmes dokumentas, kudamii hyväksyy Federualline opastuksen da tiijon tarkastuspalvelu sygyzyl: tarkastusmaterjualoin syväindön elementoin kodifikuattoroil, tutkindoloin eričyksil da tutkindon demoversiel. Nenga sit tarkastusmaterjualoin struktuuru, muodo da syväindö on edukädeh miärätty da niilöi suau muuttua oman mielen mugah[16][17].
Taulukos ollah koudat, tehtävien miäry da maksimualline enzimäine ballu vuvven 2013 Yhtenäzes valdivollizes tutkindos[16]. Tutkindon kestos ollah vuvven 2019 Yhtenäzien valdivollizien tutkindoloin tiijot. On ozutettu sežo minimualline balloin lugu (hyväksyttävän arvosanan alimaine raja), kudamua miärätäh testuballois.
| Koudu | Opastusaineh | Kesto (minuuttua) |
Tehtävät A-oza |
Tehtävät B-oza |
Tehtävät C-oza |
Maksimualline enzimäine ballu |
Minumualline ballu vuvvennu 2011 |
Minimualline ballu vuvvennu 2023[18] |
|---|---|---|---|---|---|---|---|---|
| 1 | Ven'an kieli | 210 | 30 | 8 | 1 | 64 | 36[19] | 40 |
| 2 | Matemuatiekku (perustazo/profiilitazo) | 180/235 | 0 | 15 | 6 | 32 | 24[20] | 39 |
| 3 | Fiiziekku | 235 | 25 | 4 | 6 | 51 | 33[21] | 39 |
| 4 | Hiimii | 210 | 28 | 10 | 5 | 65 | 32[22] | 39 |
| 5 | Informuatiekku da tiedotehnolougiet | 235 | 13 | 15 | 4 | 40 | 40[23] | 44 |
| 6 | Luonntiedo | 235 | 36 | 8 | 6 | 69 | 36[24] | 39 |
| 7 | Histourii | 180 | 21 | 13 | 6 | 58 | 30[25] | 35 |
| 8 | Muantiedo | 180 | 24 | 13 | 6 | 54 | 35[26] | 40 |
| 9 | Anglien kieli | 190+17 | 28 | 16 | 2 | 80 | 20[27] | 30 |
| 10 | Germuanien kieli | 190+17 | 28 | 16 | 2 | 80 | 20[27] | 30 |
| 11 | Francien kieli | 190+17 | 28 | 16 | 2 | 80 | 20[27] | 30 |
| 12 | Yhteskundutiedo | 210 | 20 | 8 | 9 | 59 | 39[28] | 45 |
| 13 | Ispuanien kieli | 190+17 | 28 | 16 | 2 | 80 | 20[27] | 30 |
| 18 | Kirjalližus | 235 | 0 | 12 | 5 | 42 | 32[29] | 40 |
| 19 | Kitain kieli | 180+14 | 30 |
Yhtenäzen valdivollizen tutkindon aziibumuagat
- Kirjalepanoaziibumuagua käytetäh tutkindon ozanottajan kirjalepanemizes.
- Vastavuksien aziibumuagah № 1 kirjutetah vastavukset A- da B-ozien tehtävih.
- C-ozan tarkoih vastavuksih nähte käytetäh vastavuksien aziimubuagua № 2; ku ei täydyne sidä tutkindos läbi piäzijäle annetah vastavuksien ližäaziibumuagu № 2.
Kai yhtenäzen valdivollizen tutkindon aziibumuagat ollah 210 mm × 305 mm suuruot[30]:
Kirjalepanoaziibumuagu
Vastavuksien aziibumuagu № 1
Vastavuksien aziibumuagu № 2
Vastavuksien ližäaziibumuagu № 2
Paiči piäsivuu tutkindos läbi piäzii voi käyttiä sen tostu puoldu:
Vastavuksien aziibumuagan № 2 toine puoli
Vastavuksien ližäaziibumuagan № 2 toine puoli
Kaikkien Yhtenäzen valdivollizen tutkindon aziibumuagoi täytetäh miärättylöin siändölöin mugah, eiga voijah olla tunnustamattominnu, sendäh sidä pietäh viäränny avstavuksennu.
Huomavukset
- ↑ Приказ Минобрнауки России от 26.12.2013 N 1400. legalacts.ru. Kačondan päivymiäry: 5. sulakuudu 2019. Arhiviiruittu 1. sulakuudu 2019
- ↑ Федеральный закон от 09.02.2007 N 17-ФЗ "О внесении изменений в Закон Российской Федерации "Об образовании" и Федеральный закон "О высшем и послевузовском профессиональном образовании" в части проведения единого государственного экзамена" (с изменениями и дополнениями) (утратил силу) | ГАРАНТ. base.garant.ru. Kačondan päivymiäry: 5. sulakuudu 2019. Arhiviiruittu 11. sulakuudu 2019
- ↑ Об утверждении сроков и единого расписания проведения ЕГЭ в 2009 году | Педагогическая периодика. Каталог публикаций. periodika.websib.ru. Kačondan päivymiäry: 5. sulakuudu 2019. Arhiviiruittu 17. kezäkuudu 2019
- ↑ Порядок проведения ЕГЭ в 2009 году (недоступная ссылка)
- ↑ ЕГЭ по математике разделят на базовый и профильный уровень (ven.), РИА Новости. Arhiviiruittu 13 kylmykuudu 2017 . Kačondan päivymiäry: 16. oraskuudu 2017.
- ↑ ЕГЭ по китайскому языку свидетельствует о возрастающем интересе к Китаю — министр науки и высшего образования РФ, «Синьхуа» (4 июня 2019). Kačondan päivymiäry: 23 декабря 2022.
- ↑ В Госдуму внесли проект об отмене ЕГЭ. РИА Новости (6. kezäkuudu 2024). Kačondan päivymiäry: 6. kezäkuudu 2024.
- ↑ Е.В.Мишукова. Единый государственный экзамен. Идея, сущность, принципы (рус.). bank.orenipk.ru (. Talvikuu 2001). Kačondan päivymiäry: 22. oraskuudu 2010. Arhiviiruittu originualaspäi 18. ligakuudu 2018
- ↑ Более половины школьников будут сдавать единый госэкзамен, Страна.RU (8 октября 2002). Arhiviiruittu 11 kevätkuudu 2012 . Kačondan päivymiäry: 22. oraskuudu 2010.
- ↑ ЕГЭ не может расцениваться в качестве единственного критерия, Российский общеобразовательный портал (18 октября 2004). Arhiviiruittu 29 kezäkuudu 2013 . Kačondan päivymiäry: 22. oraskuudu 2010.
- ↑ История Единого государственного экзамена в России. Kačondan päivymiäry: 29. elokuudu 2016. Arhiviiruittu 11. syvyskuudu 2016
- ↑ Положение о Федеральной службе по надзору в сфере образования и науки — Постановление Правительства РФ от 17.06.2004 № 300. Kačondan päivymiäry: 18. talvikuudu 2011. Arhiviiruittu originualaspäi 5. elokuudu 2011
- ↑ Рособрнадзор планирует перевести системы ЕГЭ на российское ПО к 2026 году. РБК (17. kylmykuudu 2023). Kačondan päivymiäry: 17. kylmykuudu 2023.
- ↑ В Рособрнадзоре исключили перевод ЕГЭ в онлайн-формат в ближайшие 5-10 лет. Росбалт (29. kylmykuudu 2023).
- ↑ Проект КИМ ЕГЭ по математике 2010 г. Arhiivukoupii 13 elokuudu 2009 Wayback Machine
- ↑ 1 2 Спецификации и демоверсии КИМ 2009 г. Arhiivukoupii 19 pakkaskuudu 2009 Wayback Machine
- ↑ Демонстрационные варианты ЕГЭ всех лет Arhiivukoupii 23 heinykuudu 2008 Wayback Machine
- ↑ Министерство науки и высшего образования РФ. Приказ Министерства науки и высшего образования РФ от 12.08.22 №758 (неопр.). garant.ru (12.08.22).
- ↑ Распоряжение Рособрнадзора от 09.06.2011 № 1837-10 «Об установлении минимального количества баллов ЕГЭ по русскому языку, подтверждающего освоение основных общеобразовательных программ среднего (полного) общего образования в 2011 году» Arhiivukoupii 28 heinykuudu 2011 Wayback Machine
- ↑ «Об установлении минимального количества баллов единого государственного экзамена по математике, подтверждающего освоение выпускником основных общеобразовательных программ среднего (полного) общего образования в 2011 году» Arhiivukoupii 17 talvikuudu 2011 Wayback Machine
- ↑ 22 июня комиссия по шкалированию Рособрнадзора определила минимальное количество баллов ЕГЭ, свидетельствующее об освоении школьного курса по физике в 2011 году — 33 балла Arhiivukoupii 17 talvikuudu 2011 Wayback Machine
- ↑ Распоряжение Рособрнадзора от 09.06.2011 № 1835-10 «Об установлении минимального количества баллов ЕГЭ по химии, подтверждающего освоение основных общеобразовательных программ среднего (полного) общего образования в 2011 году» Arhiivukoupii 28 heinykuudu 2011 Wayback Machine
- ↑ Распоряжение Рособрнадзора от 03.06.2011 № 1781-10 «Об установлении минимального количества баллов ЕГЭ по информатике и ИКТ, подтверждающего освоение основных общеобразовательных программ среднего (полного) общего образования в 2011 году» Arhiivukoupii 28 heinykuudu 2011 Wayback Machine
- ↑ Распоряжение Рособрнадзора от 03.06.2011 № 1780-10 «Об установлении минимального количества баллов ЕГЭ по биологии, подтверждающего освоение основных общеобразовательных программ среднего (полного) общего образования в 2011 году» Arhiivukoupii 28 heinykuudu 2011 Wayback Machine
- ↑ 22 июня комиссия по шкалированию Рособрнадзора определила минимальное количество баллов ЕГЭ, свидетельствующее об освоении школьного курса истории в 2011 году — 30 баллов Arhiivukoupii 17 talvikuudu 2011 Wayback Machine
- ↑ Распоряжение от 17.06.2011 № 1960-10 «Об установлении минимального количества баллов единого государственного экзамена по географии, подтверждающего освоение основных общеобразовательных программ среднего (полного) общего образования в 2011 году» Arhiivukoupii 17 talvikuudu 2011 Wayback Machine
- ↑ 1 2 3 4 Распоряжение Рособрнадзора от 09.06.2011 № 1836-10 «Об установлении минимального количества баллов ЕГЭ по иностранным языкам, подтверждающего освоение основных общеобразовательных программ среднего (полного) общего образования в 2» Arhiivukoupii 28 heinykuudu 2011 Wayback Machine
- ↑ Распоряжение от 17.06.2011 № 1961-10 «Об установлении минимального количества баллов единого государственного экзамена по обществознанию, подтверждающего освоение основных общеобразовательных программ среднего (полного) общего образования в 2011 году» Arhiivukoupii 21 syvyskuudu 2011 Wayback Machine
- ↑ Распоряжение Рособрнадзора от 03.06.2011 № 1782-10 «Об установлении минимального количества баллов ЕГЭ по литературе, подтверждающего освоение основных общеобразовательных программ среднего (полного) общего образования в 2011 году» Arhiivukoupii 28 heinykuudu 2011 Wayback Machine
- ↑ Формы, описание и правила заполнения бланка регистрации и бланков ответов участников ЕГЭ (недоступная ссылка)
Linkat
- Портал информационной поддержки ЕГЭ
- Сайт Федерального института педагогических измерений — разработчика заданий ЕГЭ
- Каталог сайтов поддержки ЕГЭ по регионам
- Внешнее независимое тестирование — аналог ЕГЭ на Украине
- Евгений Колосов. «Волна митингов против ЕГЭ катится по Кузбассу» — информационная заметка о протестах против ЕГЭ
- Илья Смирнов. «Стандарты и образование»
- Сергей Комков. «Генпрокуратура пошла на единый экзамен» — беседа с президентом Всероссийского фонда образования, доктором педагогических наук
- Борис Кагарлицкий. «ЕГЭ вместо истории»
- Антон Тюрин. ЕГЭ. «Как мы ходили на три буквы»
- Марина Лемуткина. «Наивно утверждать, что ЕГЭ позволит получить объективный результат»
- Шарыгин И. Ф. «Что плохого в тестах» — критическая статья педагога, написанная после встречи с министром Филипповым
- Пирская А. С. Методика оценивания компетенций выпускника — статья. — Научно-технический вестник ИТМО. — январь-февраль 2012. — УДК 004.855.5
- Николай Штыков. ЕГЭ и олимпиады по математике // Троицкий вариант, 03.02.2009.