Aleksei Bel'akov

Aleksei Antonovič Bel'akov
Roindupäivy	15. kevätkuudu 1901
Roindupaikku	Višnevolockoin ujezdu, Tverin gubernii, Ven'an valdukundu
Kuolendupäivy	1995(1995)
Kuolendupaikku	Tveri
Mua	Ven'an valdukundu, VSFNT (1917—1922),  Nevvostoliitto  Ven'anmua
Tiedoala	filolougii, fennougristiekku
Ruadokohtu	Tverin valtionyliopisto[d]

Aleksei Antonovič Bel'akov (1901—1995) on nevvostolaine tiedomies, filoulogu, eräs karjalan kirjukielen luadijois.

Eloskerdu

Oli roinnuhes 15. kevätkuudu vuvvennu 1901 Tverin gubernien Višnevolockoin ujezdan Nikulinskoin voulostin Jablon'ka-kyläs.

Vuvvennu 1917 loppi alguopiston Višnevolockoin ujezdan Vladimirskoje-kyläs, syvyskuus 1920 vuodessah 1921 oli opastajannu Trofimkovo-kyläs.

Vuvves 1923 oli Ruadajien da Muanruadajien Ruskies Armies.

Vuvvennu 1925 loppi lyhytaigazii kursiloi opastajien valmistamizekse muanruadajien nuorien školih niškoi Tveris, vuvves 1925 vuodessah 1929 oli muanruadajien nuorien školan johtajannu Vladimirskoje-kyläs. Elokuul vuvvennu 1927 otti ozua I suomi-ugrilazien opastajien kerähmöh Leningruadas. Vuvvennu 1930 opastui suomen kielen kursiloil Karjalan socialistizes nevvostotazavallas Anuksenlinnas. Vuvvennu 1930 piäzi opastumah Moskovan toizeh valdivollizeh yliopistoh, oli Nevvostoliiton kanzoin Keskusjulguamon Karjalan toimituksen piätoimittajannu.

Tuhukuun 1. päiväs oraskuussah 1931 oli karjalankielizen Za kolhozi -lehten redaktorannu. Vuvves 1931 vuodessah 1933 oli Mosoblispolkoman julguamon Karjalan ozaston redaktorannu Lihoslavl'as.

Kezäkuus 1933 oli Učpedgizan karjalazen toimituksen redaktorannu. Učpedgiz julgai ven'a-karjalazen sanakniigan-spruavočniekan, kudaman toimittajannu oli Aleksei Bel'akov.

Kevätkuul vuvvennu 1937 loppi Kanzalližuksien tiedotutkimuksellizen pedagougukeskusinstituutan aspirantuuran, kodvazen aigua ruadoi Karjalan pedagouguinstituutas ruadotiedokunnan karjalazel ozastol.

Tuhukuus 1937 oli Kalininan pedagouguinstituutan docentan virras toimijannu, pedagougiekan opastajannu, Kalininan pedagouguinstituutan karjalan kielen tutkimusruadopertin johtajannu. Sil aigua kiändi karjalan kielele "Ven'an kielen luvendukniigat karjalazien školien IV kluassah niškoi", "Karjalan kielen luvendukniigat VII kluassah niškoi" da toizet.

Luadi karjalan kielen kirjaimikon ven'ankielizen kirjaimikon pohjal.

Vuvvennu 1937 ajoi ruadomatkah Petroskoih Karjalan pedagouguinstituutan tarkastamizekse, kaččomah, kui ruatah kanzallizien ruadajien valmistamizekse karjalazih školih muamankielel ruadamizeh niškoi.

Tuhukuun 10. päivänny vuvvennu 1938 oli otettu kiini NKVD:l viärittämizes tiijustelus Suomen hyväkse ("karjalaine dielo), oli piästetty 11. kylmykuudu vuvvennu 1939. Jälles piäständiä jatkoi ruavon Kalininan pedagouguinstituutas.

Suuren Ižänmuallizen voinan aigah Bel'akov oli Nevvostoliiton armies, oli politruadajannu, sodaopistoloin opastajannu, vuvves 1946 oli piästetty armies voimattomuon periä. Oli palkittu Ižänmuallizen voinan II astien kunnivomerkil (1985). Jälles, juuri eläkkehele lähdendässäh (vuodessah 1961), ruadoi Kalininan pedagouguinstituutan vahnimannu opastajannu.

Eläkkehele lähtiettyy kirjutti mondu tutkimusruaduo karjalan kieles:

• "Очерки истории верхневолжских карел" (1981),
• "Первые волостные советы и партийные организации у верхневолжских карел" (1981),
• "Теория о родстве финно-угорских племен" (1987),
• "Карелы на Валдайской возвышенности" (1987),
• "Карелы на Валдайской возвышенности и на Карельском перешейке" (1988 г.) da toizii.

Velli — Aleksandr Antonovič Bel'akov, kielentutkii, filolougientiedoloin kandiduattu, Nevvostoliiton tiedoakadiemien Kielitiedo-ozaston vahnin tiedoruadai.

Julgavot

• Беляков А. История и быт карельского населения // Тверская деревня: энциклопедия Т. 1: Лихославльский район. Тверь: Издательство Тверского государственного университета, 2001. С. 39-79.

Huomavukset

Kirjalližus

• Головкин А. Н. Жернова. Книга памяти тверских карел. 2-е изд.,доп. — Тверь: ООО "Издательство «Триада», 2017. — 464 с. ISBN 978-5-94789- 797-5
• Макарова Е. А. А. А. Беляков: Краевед и преподаватель Калининского педагогического института // Вестник ТвГУ. Серия «История». 2017. № 3. С. 60-77.