Andrei Šögren

Andrei Šögren
Andreas Johan Sjögren
Roindupäivy	26. sulakuudu 1794 (15.)
Roindupaikku	Sittkalan kylä, Iitin prihodu, N'ulandskoi gubernii, Ruočin Suomi
Kuolendupäivy	18. pakkaskuudu 1855 (6.)
Kuolendupaikku	Piiteri
Mua	Ven'an valdukundu
Tiedoala	kielitiedo, entograffu
Ruadokohtu	Turkun akadiemii[d]
Oppiarvo	Piiterin tiedoakadiemien akadiemiekku
Tundiettu kui	suomelas-ugrilazien da samodiiskoloin kielien tutkii
Медиафайлы на РУВИКИ.Медиа

Andrei Mihailovič Šögren (1794, Sittkalan kylä, Iitin prihodu, N'ulandskoi gubernii — 6. 1855, Piiteri) on Ven'an kielentutkii, histourintutkii etnograffu, matkailii, suomelas-ugrilazen kielitiijon perustai.

Eloskerdu

Juurien mugan on ruoččilaine. Oli roinnuhes Suomen kengänombleijan perehes. Vuvvennu 1803 piäzi opastumah školah Loviisas. Loppi gimnuazien Porvoos da sen jälles opastui Abon yliopistos, kus otti ozua kanzallis-opastuksellizeh liikkeheh "turkun romantizmu". Heinykuul vuvvennu 1819 loppi yliopiston.

Sulakuul vuvvennu 1821 muutti Piiterih, N. P. Rum'ancev vuvvennu 1823 andoi hänele kirjastonhoidan ruadosijan omas kirjastos.

Talvikuun 19. päiväs vuvvennu 1827 oli Ven'an tiedoakadiemien jäsen-korrespondentannu, 30. päiväs syvyskuudu vuvvennu 1829 oli histourien adjunktannu, 9. päiväs kevätkuudu vuvvennu 1831 oli ven'alazen histourien da muinažuksien ekstraordinarnoinnu akadiemiekannu, 5. päiväs ligakuudu vuvvennu 1844 – histourii-filolougizen ozaston (Ven'an suomen da kavkuazan rahvahien kielitiedo da etnogruafii) ordinarnoinnu akadiemiekannu.

Tutki karjalan da vepsän kieldy tutkimusmatkan aigah vuozinnu 1820 Karjalas.

Vuozinnu 1827—1829 matkusteli Novgorodan, Voulogdan, Arhangelin, V'atskoin, Kazanin da Permin gubernielois. Tutkimusmatkoin aigah oli kerätty materjualat, kudamien pohjal tutkii julgai Piiterin Imperuattoran tiedoakadiemies kirjutuksih da toizih julgavoloih kirjutksien sarjan zir'anois, jemis, čudis, inkeriläzis.

Vuvvennu 1835 Šögren kävyi Kavkuazale, opastui sie osietien da gruuzien kieldy. Matkan tuloksien jälles vuvvennu 1844 häi julgai ven'an da nemsoin kielel "Osietien kieliopin lyhyön osietii-ven'alazen da ven'a-osietielazen sanakniiganke", se oli enzimäine osietien kielen tiedotutkimus ozuttajen moizii kieliopin kategourieloi kui sijat, aigumuvvot da verbilöin taivutusmuvvot da toizet. Šögren on osietien kielen kiriilizen kirjaimikon luadijannu, sidä erähien muutoksienke käytetäh tänäpäigi.

Bibliogruafii

• Шёгрен А.М. Осетинская грамматика с кратким словарем осетинско-российским и российско-осетинским. — СПб., 1844.
  • tallendua

Musto

• Šögrenan nimi on annettu erähäle Vladikavkuazan uuličale.

• Akadiemiekkoin taloin oččuseinäs Piiteris, kudai on 7. liiniel Vasiljevan suarel, 2/1, lit. А, on azetettu mustolaudu ven'an da suomen kielel: "Täs vuvves 1833 vuodessah 1855 eli Ven'an akadiemiekku Andreas Iogan Šögren, kuulužu Suomen da suomelas-ugrilazien kanzoin histourien, kielen da kul'tuuran tutkii".

Numizmuatiekas

• Vuvvennu 2019 Suvi-Osietien kanzalline banku piästi ilmah hobjazen mustodengan nominualal 25 zarinua, kudai on omistettu Andrei Mihailovič Šögrenan 225-vuozipäiväle.

Kirjalližus

• Бранч М. Андерс Йохан Шёгрен // Сто замечательных финнов : Калейдоскоп биографий : [арх. 5 января 2022] / ред. Т. Вихавайнен; пер. с фин. И. М. Соломеща. — Хельсинки : Общество финской литературы, 2004. — 814 с. — ISBN 951-746-522X. (Сто замечательных финнов)
• Жуков К. С. Разделы I, II, III // Дом академиков. История и судьбы. — СПб.: Сохраненная культура, 2016. — С. 10—129. — 380 с. — ISBN 78-5-9908957-9-9.
• Лейнонен М. Письма из Усть-Сысольска в личном архиве А. М. Шёгрена в финской национальной библиотеке // Пермистика 13: Вопросы пермского языкознания Сборник статей на материалах XIII Международного симпозиума. 2012. С. 102—107.
• Матвеев А. К. А. М. Шёгрен как исследователь субстратной топонимики Русского Севера // Взаимодействие языков: Сб. статей / Учёные записки № 80. Серия филологическая, вып. 8 / Редколл.: Э. Д. Барышникова, Л. В. Доровских, А. К. Матвеев (отв. ред.); Уральский государственный университет имени А. М. Горького, МВ и ССО РСФСР. — Свердловск: УрГУ, 1969. — С. 105—110. — 112 с. — 750 экз. (обл.)
• Основоположник российского академического кавказоведения академик Андрей Михайлович Шёгрен: Исследование. Тексты / Отв. ред. М. И. Исаев. — М.: ИМЛИ РАН, 2010. — 952 с. — ISBN 978-5-9208-0374-0.
• Шаскольский И. П. О емской теории Шёгрена и ее последователях. (К статье Д. В. Бубриха «Не достаточно ли емских теорий?»). — Изв. Карело-Фин. филиала АП СССР, 1950, № 1, с. 93—102. — См. также № 32.
• Шаскольский И. П. Основатель российского финно-угроведения: К 200-летию со дня рождения академика И. А. Шёгрена // Вестн. Рос. акад. наук. — 1994. — Т. 64, № 12. — С. 1128—1133
• Шегрен, Андрей Михайлович // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.

Linkat

• Andrei Šögrenan sivukuva Ven'an tiedoakadiemien virrallizel verkosivustol

• A. M. Šögren. Matkukirjutukset Kavkuazale (Osietieh) käyndäs