Arhiivoin päivy
| Arhiivoin päivy | |
|---|---|
 Ven'an Federacien valdivolline arhiivu vuvvennu 2013 | |
| Virrallizesti | Ven'an arhiivoin päivy |
| Merkičys | merkitä arhiivoin ruavon tärgevytty da sanella aijallizis arhiivuruavon ongelmis |
| Pandih alguh | 5. kevätkuudu vuvvennu 2003 |
| Päivymiäry | 10. kevätkuudu |
Arhiivoin päivy on mustopäivy, kudaman tarkoituksennu on yhteiskunnan huomavon kiinittämine arhiivuazieloin suavutuksih da ongelmih. Arhiivoin ruadajat pietäh sidä ammatillizennu pruazniekannu. Ven'al sidä pietäh 10. kevätkuudu[1].
Pruazniekan histourii Ven'al
Ven'an federuallizen arhiivupalvelun kolliegien piätökses 5. kevätkuudu vuvvennu 2003 pandih alguh arhiivoin ruadajien ammatilline pruazniekku, kudamua ruvettih pidämäh joga vuottu 10. kevätkuudu[2]. Pruazniekan piendypäiväkse vallittih 28. tuhukuudu 1720 (10. kevätkuudu uvven stiilin mugah). Sinäpiän Pedri I allekirjutti Ven'an enzimäzen valdivollizen aktan — "Piäregluamentan libo Ustuavan". Se miäräi valdivollizen ohjuandan perustehii da perusti joga valdivovallan elimeh arhiivat da aktuariusan valdivovirran, sil pidi "kerätä čopakosti kirjazii, luadie luvetteluloi, panna merkilöi listazile…". Tämä Pedri I:n käsky pani alguh Ven'an valdivollizen arhiivoin palvelun ruavon.
Vuodessah 2002 arhivistat piettih ammatillistu pruazniekkua 1. kezäkuudu, sinäpiän vuvvennu 1918 Ven'an federatiivizen socialistizen nevvostotazavallan Rahvahan komissuaroin nevvosto hyväksyi dekrietän "Arhiivuazien uvvistandas da centralizacies Ven'an federatiivizes socialistizes nevvostotazavallas". Sen dekrietän mugah perustettih kogo Ven'an arhiivuazien ohjuanduelin — Arhiivuazien piähallindo libo Piäarhiivu, nygöi se on Ven'an federualline arhiivuagenstvu (ven. Росархив).
Vuvvennu 1992 arhivistan V. D. Jesakovan kehoituksen mugah, sen kehoituksen kannatettih S. O. Šmidt da R. G. Pihoja, piettih erilline Arheogruaffizen komissien istundo. Komissien istundol 31. kevätkuudu vuvvennu 1992, kudai piettih Ven’an arhiivuruadajien liiton 75-vuozipäivänny (18. (31.) kevätkuudu vuvvennu 1917), piätettih pidiä tädä päiviä kui Arhiivoin päivän pruazniekkua. Erähän aijan tämä päivy oli arhiivoin ruadajien ammatillizennu pruazniekannu[3].
Tapahtumat
Pruazniekakse sovitetah arhiivoin uuzien rakenduksien avuajazet, ezimerkikse, muga oli, konzu avattih Ven’an valdivollizen kinofotodokumentoin arhiivu[4].
Toizet päivymiärät
Kanzoinvälisty arhiivoin päiviä pietäh 9. kezäkuudu. Se päivy hyväksyttih Kanzoinvälizen arhiivoin nevvoston konferensien piätökses kylmykuul vuvvennu 2007, sendäh ku sinäpiän vuvvennu 1948 perustettih tämä yhtistys[5].
Huomavukset
- ↑ KamchatkaMedia.ru. 10 марта в календаре: День архивов в России - KamchatkaMedia.ru. Kačondan päivymiäry: 27. pakkaskuudu 2025.
- ↑ О Дне архивов. Решение коллегии Федеральной архивной службы России (5. kevätkuudu 2003). Kačondan päivymiäry: 26. kevätkuudu 2015. Arhiviiruittu originualaspäi 24. kevätkuudu 2015
- ↑ А всё начиналось в Благушах // Владимир Дмитриевич Есаков: биобиблиографический указатель. — М.: АИРО-XXI, 2007. — 101 с. — (АИРО-биобиблиография). — ISBN 978-5-91022-060-1.
- ↑ Российское историческое общество. В Красногорске открылось новое здание Российского государственного архива кинофотодокументов - Российское историческое общество. historyrussia.org. Kačondan päivymiäry: 27. pakkaskuudu 2025.
- ↑ International Archives Day. The International Council on Archives (ICA). Kačondan päivymiäry: 26. kevätkuudu 2015. Arhiviiruittu originualaspäi 2. sulakuudu 2015