Bartaševič Lidija Viljevna

On otettu Рувики-späi
Bartaševič Lidija Viljevna
Барташевич Лидия Вильевна.png
Roindukohtu
Mua
Toimindu koinemändy
Ukko Bartaševič Oleg Antonovič
Lapset 10
Palkindot da arvonimet

Lidija Viljevna Bartaševič (ven. Ли́дия Ви́льевна Барташе́вич, roin. Nevvostoliitto) on monilapsine muamo, vuvvennu 2024 Ven'an Federacien piämiehen käskys Urhomuamo-arvonimen suannuh[1].

Eloskerdu

Lidija Batraševič eläy Kostamuksen linnas Karjalan tazavallas. Häi on koinemändy  (ven.) (olo.. On miehel, ukkoh on Oleg Antonovič Bartaševič. Vuvven 2024 tiedoloin mugah puaru kazvatti kymmene omua lastu, kaheksa tytärdy da kaksi poigua[2][3].

Lapset

Vuvvennu 2024 Bartaševičien perehes oli vai yksi alaigäine lapsi, Georgija-tytär. Häi opastui Kostamuksen linnan keskiškolas. Kai toizet lapset oldih korgieloin opastuslaitoksien studentat libo niilöin loppenuot. Ezimerkikse, Glorija-tytär silloi sai korgeiškolaopastustu yhtes Astrahanin  (ven.) (olo. yliopistolois. Aleksandra-tytär sai tostu korgeiškolaopastustu Kazanin linnas. Lidijan da Olegan vahnembat lapset ruatah eri aloil[2][3].

Eländypaikku

On kaikile tiettävy azii, gu vuvves 1999 Bartaševičien pereh vuotti omua vuoruo jonos eländypaikkuololoin parandamizekse. Vuvven 2024 tiedoloin mugah tietäh, gu pereh eläy Kostamuksen linnas olijas talois, kudai on kulunuh 85 procental: vuodau sen levo, heitytäh lahostunnuot lattiet, keskuslämmitys kylmäy, alalleh halgeillah truvat. Azientiedäjien tarkastustuloksien mugah kodi ei päi eländäkse, kohendettavat ollah ei vai levo da lattiet, daigi koin alužin da truboprovodan oza[4][5].

Lidija Bartaševič da hänen lapset. Ligakuu vuvvennu 2024.

Palkindot

18. syvyskuudu vuvvennu 2024 Ven'an Federacien piämies V. V. Putin andoi Lidija Bartaševičale kunnivoarvonimen "Urhomuamo"  (ven.) (olo. sanoinke "Suuris arvoruadolois perehinstituutan lujendamizen hyväkse da lapsien kazvattamizes". Palkindo on kuldaine tiähti briljantoinke da emualil pinnoitetun muan valdivonmerkinke; yhtes senke annetah 1 miljonan suurus palkindo.

2. kylmykuudu vuvvennu 2024 Karjalan piämies Artur Parfenčikov andoi valdivopalkindon Lidija Bartaševičale pruazniekkupalkičuspivos Karjalan tazavallan kanzallizen muzein Gubernuattoran koin suures pruazniekkuzualas[6].

Lidija Bartaševiš ottau vastah kunnivomerkin Karjalan piämiehen käzispäi. Kylmykuu, vuozi 2024

Huomavukset

  1. ↑ Указ Президента Российской Федерации от 18.09.2024 № 800 ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. Kačondan päivymiäry: 4. tuhukuudu 2026. Arhiviiruittu 14. kylmykuudu 2022
  2. ↑ 1 2 В Карелии появилась мать-героиня: она воспитывает десять детей (рус.). www.gubdaily.ru. Kačondan päivymiäry: 4. tuhukuudu 2026.
  3. ↑ 1 2 Почетное звание «Мать-героиня» присвоено жительнице Карелии (рус.). www.tv-karelia.ru. Kačondan päivymiäry: 4. tuhukuudu 2026.
  4. ↑ В Карелии мать-героиня, воспитавшая 10 детей, 25 лет живет в разваливающимся доме и не может добиться расселения (рус.). www.gubdaily.ru. Kačondan päivymiäry: 4. tuhukuudu 2026.
  5. ↑ Зато с орденом. Семья матери-героини из Карелии более 20 лет не может переехать из аварийного жилья (рус.). www.karelia.news. Kačondan päivymiäry: 4. tuhukuudu 2026.
  6. ↑ Мать-героиня живёт в Костомукше (рус.). www.64parallel.ru. Kačondan päivymiäry: 4. tuhukuudu 2026.

Linkat

Lähteh - "https://olo.ruwiki.ru/w/index.php?title=Bartaševič_Lidija_Viljevna&oldid=126361768"