Digitualine rubl'u

On otettu Рувики-späi
Digitualizen rubl'an logotiippu

Digitualine rubl'u (ven. Цифрово́й рубль) on Keskusbankan digitualine val'uuttu, kudaman kehittäjänny on Ven'an banku, Ven'an kanzallizen val'uutan kolmas muodo jo olemas olijoin käzi- da käzittömän dengan muvvon ližäkse. Digitualistu rubl’ua Ven'an banku rubieu emitiiruimah digitualizes muvvos. Digitualine rubl'u yhtistäy ičessäh käzi- da käzittömän rubl'an ominažuksii[1].

Histourii

Vuvvennu 2017 ligakuul kriptoval'uuttoin kehittämizen allol valmistettih Ven'an Federacien halličuksen azetuksen projektu "kriptorubl'an" luajindan tehnolougiellizes todevuttamizes[2].

Kanzoinvälizien maksoloin bankan  (ven.) (olo. arvostelun mugah vuvven 2020 mennes enämbi 80 % kaikis keskusbankois kehitettih omua digitualistu val'uuttua[3].

Ligakuul vuvvennu 2020 Ven'an Federacien keskusbanku piästi ilmah digitualizen rubl'an perustandale omistetutun ezitelmän[4]. Pandih merkile, ku Keskusbankan degitualine val'uuttu ei rodei kriptoval'uutakse, sendäh ku sidä keskitetysti rubieu piästämäh ilmah Ven'an banku, kudai rodieu maksoloin turvalližuon garantannu. Digitualizen rubl’an yksiköt tunnustetah ainavoluaduzel digitualizel koudal. Keskusbankan degitualizeh val'uuttah yhtistetäh käzi- da käzittömän dengan fuksiet — rodieu mahto maksamah sil loittuolpäi, mugai oflain-kukkaron  (ven.) (olo. avul; digitualistu rubl'ua ruvetah konvertiiruimah käzi- da käzittömäh maksoh kursal 1:1. Ezitelmäs on ezitetty Keskusbankan degitualizen val'uutan käytändän nelli mahtonalastu tabua, se rippuu sit, ken, kui da kelle avuau kukkarot da pidäy maksoloi. Ven'an piämiehen lehtistösekretari Dmitrii Peskov arvosti digitualizen rubl'an käyttöhotanduaijan, se on 3—7 vuottu[5].

Sulakuul vuvvennu 2021 Ven'an Federacien keskusbanku pidi paginua projektan nygözes vaihies. Oli vallittu ruadotaba, kudaman mugah Ven'an banku avuau da huolehtiu rahavaroin insituutan kukkarois, nämmä instituutat omas puoles avatah da huolehtitah klijentoin kukkaroloi. Vuvven 2021 lopukse reknailtih luadie platformu, kus tulien vuon algavus digitualizen rubl'an testiiruičendu[6].

Kezäkuul vuvvennu 2021 Keskubanku sanoi 12 bankua, kudamat yhtytäh digitualizen rubl’an testiiruičendah pakkaskuul vuvvennu 2022: ven. Ак Барс Банк, ven. Альфа-банк, ven. Банк ДОМ.РФ, ven. Банк ВТБ, ven. Газпромбанк, ven. Тинькофф Банк, ven. Промсвязьбанк, ven. Росбанк, Sberbanku, ven. Банк СОЮЗ, ven. ТКБ банк[7]. 19. pakkaskuudu vuvvennu 2022 algavui testiiruičendu[8]. 15. tuhukuudu vuvvennu 2022 Ven'an banku da markinoin ozanottajat ruvettih testiiruimah digitualizen rubl'an platformua da luajittih digitualizen rubl'an enzimäzii siirdoloi kanzalazien keskes, tuliel aigua huavatah tavaroin da palveluloin maksandua sen avul[9][10]

21. sulakuudu vuvvennu 2022 Ven'an Federacien Keskusbankan piälikkö El'vira Nabiullina Valdivollizes Duumas selvitysopaginua pidäjes ilmoitti, ku pilouttuoperacieloi muan sydämes da kanzoinvälizis maksolois ruvetah rajoitettuloin miärin pidämäh vuvves 2023: "Tulien vuon rubiemmo hil'l'akkazin todevuttamah pilouttumaksoloi digitualizen rubl'anke tovellizes talovuos. Digitualizel rubl'al pidäy luadie maksolois huogehembat. Myö smietimmö, ku sidä rubiemmo käyttämäh kanzoinvälizis maksoloisgi"[11].

16. kevätkuudu vuvvennu 2023 zakonuprojektan digitualizes rubl'as hyväksyttih enzimäzen kačondan aigah Valdivollizes Duumas[12]. 20. kezäkuudu vuvvennu 2023 Ven'an Federacien Valdivolline Duumu hyväksyi zakonuprojektan, kudai tunnustau digitualizen val'uutan sobimuksen, omažuon da perindön objektakse[13], a 11. kezäkuudu toizen da kolmanden kačondan aigah hyväksyi zakonan digitualizen rubl'an käyttöhotandas[14].

24. heinykuudu vuvvennu 2023 Ven'an piämies Vladimir Putin allekirjutti zakonan digitualizen rubl'an käyttöhotandas da tarvittavan platforman luajindas. Zakonan piäkohtat tuldih voimah 1. elokuudu vuvvennu 2023[15]. Se avvutti Keskusbankale algua pilouttuprojektan digitualizien rublienke, sih yhyi 13 bankan klijentoin rajoitettu miäry[16].

3. elokuudu vuvvennu 2023 Ven'an banku hyväksyi digitualizen rubl'an logotiipan[17] da julgai videon.

Vuvven 2023 elokuun 15. päiväs digitualistu rubl'ua testiiruijah tovellizis operacielois[18].

17. heinykuudu vuvvennu 2024 Vladimir Putin ilmoitti, ku digitualizen rubl'an käytändän pilouttuprojektah otti ozua 12 bankua, 600 fiizisty persounua, 22 kauppu- da palvelulaitostu 11 linnaspäi. Vuvven 2024 heinykuun tiedoloin mugah digitualizen rubl'an avul todevutettih enämbi 27 tuhattu dengusiirduo sego enämbi seiččie tuhattu tavaroin da palveluloin maksuo. Tämän periä Ven'an piämies käski levendiä digitualizen rubl’an käytändyalan[19].

28. pakkaskuudu vuvvennu 2025 tuli tietoih, ku Ven’an banku yhtes Ven’an Federacien rahavaroin ministerstvanke da valdivokasanke todevutti digitualizen rubl'an enzimäzii testiiruičendoi b’udžiettuprocesan hantuzis. Digutualizen rubl'an massukäyttöhoton reknaillah 1. heinykuudu vuvvennu 2025 da Ven'an banku uskoittau, ku kai sistemuattizesti tärgiet krediittulaitokset roijah sikse aigua valmehet[20].

4. tuhukuudu vuvvennu 2025 Ven'an banku pani kirjoile miiffoin leviemizen kazvon digitualizes rubl'as messendžerois da sociualuverkolois. Regul'uattoru pani merkile, ku moizien viestilöin työndämizien tarkoituksennu on varavohiän kylvämine da dengoin uudeh muodoh luottamuksen hävittämine, sanojen ku digitualizeh rubl'ah siirändy rodieu pakolline. Keskusbanku kumai nämmä huhut da pani merkile, ku digitualizii rublii ruvetah piästämäh ilmah käzi- da käzittömien dengoi ližäkse, a piättämäh käyttiägo niidy ruvetah iče rahvas[21].

Tuhukuul vuvvennu 2025 Keskusbanku piätti azettua digitualizen rubl'an levien käytändän, kudai huavattih työnnyttiä 1. heinykuudu vuvvennu 2025[22].

11. sulakuudu vuvvennu 2025 Keskusbanku sanoi muanituksen uvves tavas: pahanruadajat luajitah valehverkosivustoloi da muanitetah rahvastu andamah dengua olemas olemattomah digitualizen rubl'an ohjelman investicielöih[23].

30. kezäkuudu vuvvennu 2025 Keskusbanku luadi digitualizen rubl'an 15. elokuudu vuvvennu 2023 algavunnuon pilotiiruičendan enzimäzii yhtevedoloi. Vuvven 2025 oraskuun lopukse digitualizen rubl'an platforman ozanottajat, kudaman operuattorannu on Keskusbanku, todevutettih enämbän 63 tuhattu dengusiirduo, läs 13 tuhattu maksuo tavarois da palvelulois, todevutettih enämbän 17 tuhattu smart-kontraktua, sanotah regul'uattoran selvitykses. Kaikkiedah platformal on avattu läs 2500 fiizizien da juriidizien persounien kukkaruo — operacieloi suau todevuttua 15 bankan klijentoile enämbi migu 150 eländypaikas[24].

15. heinykuudu vuvvennu 2025 Ven'an Federacien Valdivolline Duumu hyväksyi kolmanden kačondukerran aigah zakonan digitualizen rubl’an vaihienmugazes käyttöhottamizes sego universuallizes QR-koudas tavaroin da palveluloin maksandas. Vuvven 2026 syvyskuun 1. päiväs bankoil on annettavu klijentoile mahto todevuttua operacieloi. Myöjil, kudamat myöndäs suajah vähembä 5 miljonua rubl'ua vuvves, ei pie hyväksyö digitualizii rublii[25]. Uvven zakonan mugah vuvves 2026 digitualistu rubl'ua suajah käyttiä kaikkih maksoloih federuallizes b'udžietaspäi. Se koskou eläkehmaksoloi, stipendielöi da b'udžiettualan ruadajien palkoi.

Digitualizen rubl'an logotiippu

Digitualizen rubl'an enzimäzen logotiipan, kudamas on rubl'an merki da sidä ymbäröiččii kruugu, kudai mustoittau raududengua da Ven’an Federacien Keskusbankan logotiippua, Ven'an banku julgai 3. elokuudu vuvvennu 2023 erillizes videos da verkosivustol[26][27][28].

Arvostelu

Azientiedäjät ollah sidä mieldy, ku digitualizen rubl'an tärgielöi eduloi on zakonattoman dengukaupan vastustamizen kebjendämine, sendäh ku kai tiijot tranzakcielois  (ven.) (olo. roitah ruokos Ven'an bankas; niilöin tarkailemizekse sit enämbiä ei pie kiändyö bankusiirdoloin ketjun joga bankuyksikköh[29].

Ven'an Federacien Rahavaroin ministerstvan piälikkö Anton Siluanov sanou digitualizen rubl'an perspektiivizekse. Ministru sellitti sen varmuttu sil, ku val'uutan emitentannu on Keskusbanku. Siluanovan mielen mugah b'udžiettah nähte projektu rodieu mielenkiinittäi oman läbinägevyön periä[30].

ven. «Яков и Партнеры»-laitoksen azientiedäjien yhtehvedoloin mugah (endine McKinsey) yhtehine talovuolline effektu digitualizen kanzallizen val'uutan käyttöhotandas biznessah da bankoih niškoi voi olla 328 miljardassah rubl'ua — enne kaikkie ekvairinguoperacieloin  (ven.) (olo. ekonoumien hyvyös[31].

Krtiitiekku

"Sberbanku" kritikuičči dokluadan, arvosti digitualizen rubl'an dengumiärän 2—4 trillionua rubl'ua, mi voi suattua velguprosentumiärien suurenemizeh. Läs puolet bankois silaigua piettih digitualizen rubl'an perustandua tokluttomannu[32]. Sberbanku sežo sanoi riskois, kudamat ollah kiini uvven val’uutan alahas kiberpyzyvyös. Se kazvamizekse bankan varapiälikön Stanislav Kuznecovan sanoin mugah pidäy luadie ainavoluaduine sitiemu, kudamah menöy 20-25 miljardua rubl’ua[33]

ven. «Сколково-РЭШ»-keskukses pozitiivizien merkilöin rinnal merkittih, ku digitualizen rubl'an käyttöhotandanke Keskusbanku roih rahavaroin palveluloin markinoin ozanottajannu. Sen periä voibi kaimata iččenäžyön stuatussu da luottamus ohjuajan funksieh nähte[34].

Makrotalovuon sellittelyn da lyhytaigazen ennustandan keskuksen azientiedäjät ezitettih varavoloi sit, ku digitualine rubl’u voi suattua bankoin likvidnostin kaimuandah. On risku sit, ku fiizizien da juriidizien persounien tililöis ei rodei ei vähämbä 9 trillionua rubl’ua vuvven 2024 lopun mennes[34].

Digitualizen rubl’an käyttöhotandan risku

Keskusbankan digitualizen rubl’an käyttöhotandu liittyy moizih riskoih, kui Ven’an Federacien rahavaroin sistieman monopolizacii, yrrästyksih azettua rajoituksii dengoin käytös kanzalazih, laitoksih sa valdivollizih da minicipualuvirrastoloih niškoi sego on mahto ottua iäre dengois sen piäfunksii — siästöfunksii[35][ei-arvovaldaine lähteh?]. Eräs digitualizen rubl’an käyttöhotandan varavolois on liijalline yliohjuandu[36].

Huomavukset

  1. ↑ Цифровой рубль | Банк России. cbr.ru. Kačondan päivymiäry: 18. elokuudu 2025.
  2. ↑ Цифровой суверенитет. Зачем правительству понадобился крипторубл (рус.). Форбс.ру. Kačondan päivymiäry: 18. elokuudu 2025.
  3. ↑ Кисаров И. В. О переходе к цифровому рублю // Вестник Тверского государственного университета. Серия: Экономика и управление. № 1 (53), 2021. С. 198—208.
  4. ↑ Цифровой рубль. Доклад ЦБ РФ от 13 октября 2020 (рус.). cbr.ru. Kačondan päivymiäry: 18. elokuudu 2025.
  5. ↑ Вершинина О. В., Лабушева Я. Г., Султаниев И. С. Анализ возможностей и рисков введения в обращение цифровых валют центральных банков на примере "цифрового рубля" // Вестник Российского нового университета. Серия: Человек и общество. № 1, 2021. С. 51—60.
  6. ↑ ЦБ наполнит кошельки цифровыми рублями (рус.). Коммерсантъ. Kačondan päivymiäry: 18. elokuudu 2025.
  7. ↑ ЦБ выбрал 12 банков для тестирования цифрового рубля (рус.). Forbes. Kačondan päivymiäry: 18. elokuudu 2025.
  8. ↑ Некоторые российские банки уже тестируют платежи между физлицами с цифровым рублём (рус.). ТАСС. Kačondan päivymiäry: 18. elokuudu 2025.
  9. ↑ Цифровой рубль: старт тестирования | Банк России. cbr.ru. Kačondan päivymiäry: 15. elokuudu 2025.
  10. ↑ В пилотном режиме: в России начались первые испытания цифрового рубля (рус.). RT. Kačondan päivymiäry: 18. elokuudu 2025.
  11. ↑ С 2023 года в России планируют начать расчёты в цифровых рублях (рус.). ИА REGNUM. Kačondan päivymiäry: 18. elokuudu 2025.}
  12. ↑ Госдума приняла в первом чтении законопроект о цифровом рубле (рус.). РБК. Kačondan päivymiäry: 15. elokuudu 2025.
  13. ↑ Анастасия Кузмичева. Госдума одобрила законопроект о наследовании цифрового рубля. РБК (21. kezäkuudu 2023). Kačondan päivymiäry: 18. elokuudu 2025.
  14. ↑ Госдума приняла закон о внедрении цифрового рубля. ТАСС (11. heinykuudu 2023). Kačondan päivymiäry: 18. elokuudu 2025.
  15. ↑ Путин подписал закон о внедрении цифрового рубля. ТАСС (24. heinykuudu 2023). Kačondan päivymiäry: . Elokuu 2025.
  16. ↑ ЦБ РФ начнет пилот с реальными цифровыми рублями после появления законодательной базы (рус.). Interfax. Kačondan päivymiäry: 18. elokuudu 2025.
  17. ↑ ЦБ утвердил логотип цифрового рубля. ТАСС (3. elokuudu 2023). Kačondan päivymiäry: 18. elokuudu 2025.
  18. ↑ ЦБ РФ: о появлении цифрового рубля не знают более 30% опрошенных россиян. Эксперт (19. kezäkuudu 2024). Kačondan päivymiäry: 18. elokuudu 2025.}
  19. ↑ Путин поручил перейти к широкому внедрению цифрового рубля. РИА "Новости" (17. heinykuudu 2024). Kačondan päivymiäry: 18. elokuudu 2025.
  20. ↑ ЦБ и Минфин провели первые тесты цифрового рубля в бюджетном процессе, РБК. Kačondan päivymiäry: 15. elokuudu 2025.
  21. ↑ ЦБ зафиксировал всплеск мифов о цифровом рубле в мессенджерах и соцсетях, РБК. Kačondan päivymiäry: 15. elokuudu 2025.
  22. ↑ ЦБ отложил массовое внедрение цифрового рубля, РБК (27 tuhukuudu 2025). Kačondan päivymiäry: 15. elokuudu 2025.
  23. ↑ ЦБ предупредил о схеме похищения денег через ложные инвестиции в цифровой рубль, Известия (11 sulakuudu 2025). Kačondan päivymiäry: 15. elokuudu 2025.
  24. ↑ Банк России подвел первые итоги пилотирования цифрового рубля, Ведомости. Kačondan päivymiäry: 15. elokuudu 2025.
  25. ↑ Госдума утвердила внедрение цифрового рубля, Коммерсантъ (15 heinykuudu 2025). Kačondan päivymiäry: 15. elokuudu 2025.
  26. ↑ Фирменный стиль | Банк России. www.cbr.ru. Kačondan päivymiäry: 18. elokuudu 2025.
  27. ↑ ЦБ утвердил логотип цифрового рубля (рус.). Ведомости (3. elokuudu 2023). Kačondan päivymiäry: 15. elokuudu 2025.
  28. ↑ У цифрового рубля появился логотип (рус.). Банк России. Kačondan päivymiäry: 15. elokuudu 2025.
  29. ↑ Каменская К. В. К вопросу введения Цифрового рубля как инструмента противодействия экономическим и финансовым нарушениям // Инновации. Наука. Образование. № 25, 2021. С. 77—84.
  30. ↑ Министр финансов России Силуанов назвал создание цифрового рубля перспективным (рус.). gazeta.ru. Kačondan päivymiäry: 15. elokuudu 2025.
  31. ↑ Инновационный кошелек. Эксперт (14. tuhukuudu 2024). Kačondan päivymiäry: 18. elokuudu 2025.
  32. ↑ Что не так с цифровым рублём: Сбер предупредил о рисках новой валюты (рус.). Вести.ру (15. talvikuudu 2020). Kačondan päivymiäry: 18. elokuudu 2025.
  33. ↑ Сбербанк оценил, во сколько обойдётся устойчивость цифрового рубля (рус.). РБК. Kačondan päivymiäry: 18. elokuudu 2025.
  34. ↑ 1 2 «Полный цикл операций». В России испытали цифровой рубль (рус.). Kačondan päivymiäry: 18. elokuudu 2025.
  35. ↑ Перспективы внедрения ЦВЦБ в России (рус.). Журнал о блокчейне. Kačondan päivymiäry: 18. elokuudu 2025.
  36. ↑ Максим Стулов. Четыре главные опасности цифрового рубля, Ведомости (21.03.25). Kačondan päivymiäry: 15. elokuudu 2025.

Kirjalližus

  • Вершинина О. В., Лабушева Я. Г., Султаниев И. С. Анализ возможностей и рисков введения в обращение цифровых валют центральных банков на примере "цифрового рубля" // Вестник Российского нового университета. Серия: Человек и общество. № 1, 2021. С. 51—60.
  • Каменская К. В. К вопросу введения Цифрового рубля как инструмента противодействия экономическим и финансовым нарушениям // Инновации. Наука. Образование. № 25, 2021. С. 77—84.
  • Кисаров И. В. О переходе к цифровому рублю // Вестник Тверского государственного университета. Серия: Экономика и управление. № 1 (53), 2021. С. 198—208.

Linkat

Lähteh - "https://olo.ruwiki.ru/w/index.php?title=Digitualine_rubl%27u&oldid=126360970"