F'odor Terentjev

On otettu Рувики-späi

Экспертиза РАН

Logo-ran.png
On pietty
Ven'an tiedoakadiemien tarkastus
Ližäkse

Экспертиза РАН

Logo-ran.png
On pietty
Ven'an tiedoakadiemien tarkastus
Ližäkse
RUWIKIS on kirjutustu toizis ristikanzois sugunimenke Terentjev.
F'odor Mihailovič Terentjev
ТерентьевФёдорМихайлович.jpg
Persounutiijot
Sugupuoli mies[d]
Mua  Nevvostoliitto
Sportuala hiihtändy
Roindupäivy 4. ligakuudu 1925(1925-10-04)
Roindupaikku Puadenen kylä, Karhumäin piiri
Avtonoumine Karjalan socialistine nevvostotazavaldu
Kuolendupäivy 20. pakkaskuudu 1963(1963-01-20) (37 vuottu)
Kuolendupaikku Leningruadu
Sportukarjieru 1944—1963
Palkindot da medalit
Valdivollizet palkindot
Орден «Знак Почёта» SU Medal For the Defence of the Soviet Transarctic ribbon.svg Медаль «За победу над Германией в Великой Отечественной войне 1941—1945 гг.»
Hiihtändy (miehet)
Talven Olimpiuadukižat
Kuldu Kortina-d’Ampecco 1956 Vaihtokilbu 4x10 km
Bronzu Kortina-d’Ampecco 1956 50 km
Muailman kilvat
Hobju Vaihtokilbu 4x10 km
Kunnivosportuarvonimet
Заслуженный мастер спорта СССР

F'odor Mihailovič Terentjev (4. ligakuudu 1925 — 20. pakkaskuudu 1963) on nevvostolaine hiihtäi, talven Olimpiuadukižoin čempion (1956), Nevvostoliiton arvostettu sportumuasteri  (ven.) (olo. (1956)[1].

Eloskerdu

F'odor Terentjev oli roinnuhes muanruadajan pereheh. Oli karjalaine.

Hänen tuattah — Mihail Mihailovič Terojev (Nevvostoliiton aigah vaihtoi sugunimen Terentjevakse), muamah — Jevdokija Fedorovna (neissugunimi — Potapova). F'odor oli seiččemendenny lapsennu lapsekkahas perehes (kaikkiedah perehes oli yheksä lastu). Školas algoi sportuičendan. Vuvvennu 1941 Terentjevien pereh eli valloitetul alovehel[2].

F'odor Terentjevan nimine Kurgan-sportukompleksu Petroskois

.

Jälles Puadenen piäständiä vuvvennu 1944 Terentjevua otettih Ruadajien da muanruadajien Ruskieh armieh. Sluuži Karjalan frontal, oli 279. ammundupolkan ambujannu.

Vuvvennu 1946 V rahvahan hiihtopruazniekas Petroskois Belomorskan sodaokrugua ezittäjes voitti 20, 30 da 50-kilometrin kilvois. Silloi häi rodih sežo Murmanskan alovehen čempionakse da voitti Pohjazen Pruazniekku -kilvas (ven. «Праздник Севера»). Vuozinnu 1947 da 1948 rodih ehtottomakse čempionakse VI da VII Karjal-suomelazen nevvostotazavallan rahvahan hiihtopruazniekois, VIII hiihtopruazniekas vuvvennu 1949 rodih čempionakse 10 da 18-kilometrin kilvois.

Vuvvennu 1949 F'odor Terentjevua työttih Moskovah Armien keskussportukluuban joukkoveheh (ven. ЦСКА). Talvikavvennu 1950 Armien keskussportukluuban joukkoveheh kuulujannu häi sai hobjumedalin Nevvostoliiton kilvas 4x10 km -vaihtokilvas. Talvikavvennu 1951 Terentjev sai kolmanden sijan 18 da 30-kilometrin kilvois da enzimäzen sijan hiihtäjes Moskva-1 -joukos Nevvostoliiton kilvan 4x10 km -vaihtokilvas. Vuvvennu 1954 Terentjev enzimästy kerdua histouries voitti Nevvostoliiton kilvan kaikes kolmes persounallizes hiihtokilvas. Samannu vuon Terentjev sai hobjumedalin Muailman kilvas 4x10 km -vaihtokilvas[3].

Nevvostoliiton joukkovehenke F'odor Terentjev sai kuldumedalin Talven Olimpiuadukižois  (ven.) (olo. vuvvennu 1956 4x10 km -vaihtokilvas da bronzumedalin 50-kilometrin kilvas. Vuvvennu 1958 Nevvostoliiton joukkovehenke sportumies sai hobjumedalin muailman kilvan 4x10 km -vaihtokilvas. Vuvvennu 1959 rodih hobjumedalin omistajakse Nevvostoliiton 50-kilometrin kilvas. Vuvvennu 1960 F'odor Terentjev sai oigevuon ottua ozua vuvven 1960 Olimpiuadukižoih, ga händy ei otettu ijän periä (hänel oli 34 vuottu). Kevätkuul vuvvennu 1960 muailman kilvas F'odor sai kuldumedalin 4x10 km -vaihtokilvas da hobjumedalin — 30-kilometrin kilvas.

Hiihtändäs Olimpiuadukižoin voittai F'odor Terentjev

Vuvvennu 1957 Terentjev otti ozua Nevvostoliiton enzimäzeh hiihtoammundukilbah, kudai piettih "sodahiihtändän" muvvos, sen aigah hiihtettih 30 kilometrii da ammuttih riputettuloih kerih. Kilvas häi sai hobjumedalin.

Vuvvennu 1962 Terentjev rodih čempionakse 50-kilometrin kilvas. Vuvvennu 1962 piäzi Leningruadan P. F. Lesgaftan nimizeh fiskul'tuuranyliopistoh.

Vuvvennu 1963 armien kilvois Leningruadan lähäl voitti 30-kilometrin kilvas.

F'odor Terentjev tragiediellizesti kuoli 20. pakkaskuudu vuvvennu 1963 Leningruadas. On pandu muah Puadenen roindukyläh Karjalah[4].

Sportukarjieru

F'odor Terentjev on vuvven 1956 Olimpiuadukižoin čempion 4x10 km vaihtokilvas, 13-kerdaine Nevvostoliiton čempion: 10 km (1953), 18 km (1954, 1955), 30 km (1954), 50 km (1954, 1962), 4x10 km vaihtokilbu (1951, 1952, 1953, 1954, 1955, 1956, 1960)[5].

Musto

  • 10. ligakuudu vuvvennu 2005 Terentjevan roindukyläs avattih hänen mustopačas[6].
  • 28. kezäkuudu vuvvennu 2011 avattih Terentjevan mustopačas Karjalan tazavallan Kurgan-hiihtokeskuksen alovehel[7].
  • 16. talvikuudu vuvvennu 2012 Petroskois virrallizesti avattih Terentjevan nimine Kurgan-hiihto- da hiihtoammundukeskus[8].

Huomavukset

  1. ↑ Карелия: энциклопедия: в 3 т. / гл. ред. А. Ф. Титов. Т. 3: Р — Я. — Петрозаводск: ИД "ПетроПресс", 2011. — С. 168—384 с.: ил., карт. ISBN 978-5-8430-0127-8 (т. 3)
  2. ↑ Терентьев Фёдор Михайлович. cska.ru. Kačondan päivymiäry: 6. kevätkuudu 2025.
  3. ↑ «Я даже в 40 лет порву всех на Олимпиаде». Драматичная история лыжника Федора Терентьева, «Ведомости. Спорт». Kačondan päivymiäry: 6. kevätkuudu 2025.
  4. ↑ Чесалин, Михаил. Победить и умереть. Почему в СССР скрывали смерть олимпийского чемпиона. Kačondan päivymiäry: 6. kevätkuudu 2025.
  5. ↑ 4 октября исполняется 95 лет со дня рождения прославленного советского лыжника Федора Терентьева
  6. ↑ В селе Паданы установлен памятник Олимпийскому чемпиону Фёдору Терентьеву. Kačondan päivymiäry: 15. kezäkuudu 2012. Arhiviiruittu 20. tuhukuudu 2010
  7. ↑ Памятник олимпийскому чемпиону установили на Кургане
  8. ↑ Карелия официальная. Kačondan päivymiäry: 17. talvikuudu 2012. Arhiviiruittu 30. talvikuudu 2012

Kirjalližus

  • Ветераны карельского спорта — фронтовики. — Петрозаводск, 2017

Linkat


Lähteh - "https://olo.ruwiki.ru/w/index.php?title=F%27odor_Terentjev&oldid=126360544"