Iivo Nikutjev

Iivo Nikutjev
Iivo Nikutjev
Roindupäivy	3. syvyskuudu 1904
Roindupaikku	Akonlahti, Uhtuon ujezdu, Anuksen gubernii
Kuolendupäivy	20. ligakuudu 1939 (35 vuottu)
Tevoksien kieli	karjalan kieli

Tarkastettu kirjutus

Iivo Nikutjev (ven. Иван Иванович Никутьев; 3. syvyskuudu vuvvennu 1904 — 20. ligakuudu vuvvennu 1939) on enzimäzii karjalankielizii kirjuttajii, kudai kirjutti karjalan kielen vienankarjalan murdehel.

Eloskerdu

Iivo Nikutjev oli roinnuhes Akonlahten kyläh muanruadajien pereheh. Loppi kyläškolan, ruadajien da muanruadajien opiston.

Vuvvennu 1922 Nikutjev rubei kuulumah Uhtuon literatuurukerhoh, kudaman johtajannu oli Arvi Pakarinen. Kiinnostus literatuurah säilyi hänel opastujes Marhlevskoin nimizes päivänlaskun kanzallizien vähembistölöin kommunistizes instituutas, sit ruadajes Kogo Nevvostoliiton kommunistizen bol'ševiekkoin puolovehen Uhtuon puolovehen komitietan sekretarinnu.

Vuvvennu 1934 Nikutjevan pitky kerdomus "Marfa" sai enzimäzen palkindon Karjalankielizien tevoksien kilvas. Kilvan pidäjänny oli Kirja-painamo. Tulien vuon Nikutjevan pitky kerdomus painettih kniigannu.

Marfa-kerdomus kuvuau 1920-1930 -luvun tapahtumii karjalazes kyläs, kudamas huavatah luadie suuri mečänkuadoarteli. Elaigu kyläs rubieu muuttumah, samah aigah muuttuu naizien azemugi. Nygöi heil on mahto ilmoittua ičes yhteiskunduelokses. Kyläläzien argielos on ozutettu kerdomuksen piähengien elaijan histourien kauti. Sepon da Marfan rakkahustu ihan allus algajen vastustetah vahnembat. Marfan muamah ei hyväksy tyttären valličendua, häi pidäy Seppuo laškannu da "ruočinnu". Täl ruočči-sanal Nikutjev ozuttau sih aigah olijua karjalazien negatiivistu kosketustu suomelazien da ruoččilazien kohtah.Natalja Čikina, Taival, 2019

Vuvves 1935 Nikutjev ruadoi kiändäjänny Punainen Karjala -lehten toimitukses.

Leningruadan sodaokrugan tribunualu otti händy kiini 26. sulakuudu vuvvennu 1939. Nikutjevua suudittih ammuttavakse tiijustelus Suomen hyväkse da ammuttih 20. ligakuudu vuvvennu 1939.

Kahtenkymmenen vuvven mendyy, kevätkuul vuvvennu 1959 suvvonpiätös hyllättih da Nikutjevua reabilitiiruittih.

Vuvvennu 2019 Iivo Nikutjevan pitky kerdomus "Marfa" painettih lyhendetynny Taival-al'manuahah.

Tevokset

Marfa. Petroskoi: Kirja, 1935. — 73 s.

Kirjalližus

Дюжев Ю. И. Писатели Карелии: Биобиблиографический словарь. — Петрозаводск, 1985. — 294 с.
Очерк истории советской литературы Карелии. — Петрозаводск, 1969. — О Никутьеве И. И.: с. 65.
Алто Э. Л. Финноязычная литература Карелии // История литературы Карелии, Т. 2. Санкт-Петербург: Наука, 1997. — О Никутьеве И. И.: с. 40, 107, 110.
Natalja Čikina. Arkielämä vallankumoukšen aikakautena: Iivo Nikutjevan kertomuš "Marfa" // Taival. — 2019. — С. 74.

Linkat

"Kirjakamari". Iivo Nikutjev. "Marfa"