Karjalan Sanomat
| Karjalan Sanomat | |
|---|---|
 | |
| Nimen originualu | suom. Karjalan Sanomat |
| Tiippu | joga nedälii |
| Formuattu | A3 |
| Omistai | Periodika-julguamo |
| Julguamo | Periodika-julguamo |
| Mua | |
| Piätoimittai | Mihail Nezvickii |
| Perustettu | 5. ligakuudu 1920 |
| Kieli | suomen kieli |
| Piätoimisto |
 Petroskoi, Ven'a |
| Verkosivusto | Официальный сайт |
Karjalan Sanomat on joga nedälii ilmah piäzii suomenkieline lehti Karjalan tazavallas. Lehti on Karjalan vahnimii lehtilöi. Lehten toimitus kuuluu Periodika-julguamoh, kudai on kanzalliskielizien lehtilöin da kirjoin ilmah piästäi julguamo Karjalas Petroskois.
Perustandu
Lehti on perustettu 5. ligakuudu vuvvennu 1920.
Histourii
- Enziallus lehti piäzi ilmah Karjalan kommuuni –nimel.
- 1923-1937 – sil on Punainen Karjala –nimi.
- Vuvven 1937 lopus Karjalan nevvostotazavallas suomen kieli oli kieletty, heitettih suomen kielen opastandu školis da korgielois školis, lehti oli salvattu.
- Vuvves 1938 lehti rubei piäzemäh ilmah karjalan kielel, sendäh ku vuozinnu 1938-1940 karjalan kieles rodih valdivokieli ven’an kielen rinnale. Sen nimi oli Sovetskoi Karelija.
- Vuozien 1940-1955 lehtel oli Totuus-nimi. Karjalas-suomelazen nevvostotazavallan perustettuu lehti uvvessah rubei piäzemäh ilmah suomen kielel. Voinuvuozien aigah (1941-1944) lehten toimitus ruadoi evakos Belomorskas.
- Vuozinnu 1955-1957 piäzi ilmah Leniniläinen totuus, kudai oli Leninskaja pravda –lehten kiännöksenny.
- Vuvves 1957-1991 lehti piäzi ilmah Neuvosto-Karjala-nimel da kuului yhtehizeh Leninskaja pravda- da Neuvosto-Karjala –toimitukseh.
- Vuvves 1991 – lehtel on alalline Karjalan Sanomat -nimi.
Lehten piätomittajat
- 1920-1922 – Juho Komu
- 1923-1924 – Onni Tuomi
- 1923-1924 – Jalmari Virtanen da Niilo Virtanen
- 1924—1926 – Santeri Nuorteva
- 1926—1931 – Lauri Letonmäki
- 1931—1932 – Otto Vilmi
- 1932—1934 – Väinö Lattunen
- 1934—1937 – Kalle Vento
- 1938—1939 – P’otr Saveljev
- 1939—1940 – Ivan Kondratjev
- 1940—1947 – Mihail Melentjev
- 1947—1951 – Jevdokim Jemeljanov
- 1951—1954 – F’oudor Kondratjev
- 1954—1955 – N. Zaharov
- 1955—1957 – F’oudor Trofimov
- 1957—1963 – F’oudor Kondratjev
- 1963—1967 – F’oudor Trofimov
- 1967—1969 – F’oudor Kondratjev
- 1969—1971 – Ivan Petrov
- 1971—1985 – Juho Laitinen
- 1986—1991 – Aleksei Mironov
- 1991—2010 – Robert Manner
- Vuvves 2010 algajen – Mihail Nezvickii
Nygöine aigu
Karjalan Sanomat piäzi ilmah kerran nedälis 16 sivul. Vuvves 2016 lehti oli kogonah värilline. Toimitus bumuagulehtenke yhtes luadiu lehten pdf-versiedy.
Periodika-julguamos on luajittu mediaportualu Oma Media kanzallizizil kielil: karjalan, vepsän da suomen kielil. Tieduo Karjalan Sanomat -lehtes da lehten uudizii suau lugie sit.
Vuvves 2025 lehti piäzöy ilmah kahteltostu sivul mustuvalgiennu[1].
Tiluandu
Karjalan Sanomat -lehtie voibi tilata poštan kauti, Periodika-julguamos. Tilavuksii Suomen puolele hommuau Suomes ruadai Ruslania da Karjalan Sivistysseura.