Kanzoinväline čuajun päivy

On otettu Рувики-späi
Kanzoinväline čuajun päivy
Čuajuistutukset
Čuajuistutukset
Tiippu Ammattipruazniekku
Toizin angl. International Tea Day
Päivymiäry 21. oraskuudu[1]
Liittyy Bostonan čuajujuomizeh 16. pakkaskuudu vuvvennu 1773 da Muailman julgisanoman Čuaju-industrien rudajien oigevuksis hyväksyndäh
Логотип РУВИКИ.Медиа Медиафайлы на РУВИКИ.Медиа

Kanzoinväline čuajun päivy (angl. International Tea Day) on ei-virralline pruazniekku, kudaman pani alguh Yhtistynnyzien Kanzukundien Piäassamblei, sidä pietäh joga vuottu 21. oraskuudu. Päivän piendy avvuttau kehittiä juokkotoimindoi čuajun käytön levittämizekse da sen pyzyjän kazvatandan jatkamizekse sego čuajun merkičyksen tiedoloin suamizen suurendamizekse kurjuttu da nälgiä vastah[2].

Histourii

Čuajun päivän piendiä paistih vie vuvvennu 2004 Muailman yhtehizel fourumal Mumbai -linnas, jälles — Port-Alegris Opastus- da yhtevyskeskuksen istundol. Vuvvennu 2005 piätettih pidiä Kanzoinvälisty čuajun päiviä 15. pakkaskuudu[3]. Tädä päiviä ei vallittu petties: 15. pakkaskuudu vuvvennu 1773 oli hyväksytty Muailman julgisanomu Čuaju-industrien ruadajien oigevuksih nähte; 16. pakkaskuudu vuvvennu 1773 piettih Bostonan čuajunjuomizet.

Enzimäine Kanzoinväline čuajun päivy piettih 15. pakkaskuudu vuvvennu 2005[4].

Čuajun tuotandonalan tärgevyöh da ongelmih rubei kaččomahgi Yhtistynnyzien Kanzukundien järjestö. 21.pakkaskuudu vuvvennu 2019 Yhtistynnyzien Kanzukundien Piäassamblei piätti Kanzoinvälizen čuajun päivän piendäkse (International Tea Day) ottua uuzi päivymiäry — 21. oraskuudu[5][2].

Tarkoitukset

Pruazniekan tarkoitukset ollah avvuttua kehittiä juokkotoimindoi čuajun käytön levittämizekse, muuttumatoi, heittelemätöi čuajun kazvatandu da tuotando sego čuajun merkičyksen tiedoloin suamizen suurendamine kurjuttu da nälgiä vastah.

Yhtistynnyzien Kanzukundien järjestö merkiččougi, gu "Kanzoinvälizen päivän piendy oh hyvä mahto merkitä kul’tuuruperindyö, tervehyöle hyvytty da čuajun kauppumerkičysty da yhtelaigua kannattua toimindoi, gu čuajuntuotando olis muuttumatoi, muga sanottu "čuajuistutuksis čuajučuaškassah", tagustajen, gu čuajus rodies hyödyy rahvahale, kul’tuuroile da ymbäristöle vie monile sugupolvile".

Vuvvennu 2025 pruazniekan tiemakse on otettu naizen rouli čuajun tuotandos[2].

Pruazniekan piendytavat

Enimäl Kanzoinvälisty čuajun päviä pietäh Indies da Šri Lankal[6], tädä päiviä siännöllizesti pietäh toizisgi mualois, kuduat ollah muailman suurimii čuajun muatalovusvalmistajii: Bangladeš, Kenii,Nepal, Indoniezii, Vietnamu, Ugandu, Malaizii da Tanzanii. Tämän juomizen mualoin-valmistajien ližäkse, pruazniekku juurdui Ven'al, Jevroupas da toizis mualois. Sinäpiän pietäh čuajunjuondan seremounieloi, čuajun zavarindan muasteriopastuksii, astieloin ozutteluloi, uuzien čuajulajiloin ezittelylöi, čuajun degustacieloi  (ven.) (olo. da jarmankumyöndii[7][3].

Čuajutuhjot

Huomavukset

  1. ↑ https://undocs.org/en/A/74/386
  2. ↑ 1 2 3 United Nations. Международный день чая | Организация Объединенных Наций, United Nations. Kačondan päivymiäry: 12. oraskuudu 2025.
  3. ↑ 1 2 Международный день чая: история праздника и традиции, Sputnik Грузия (15 talvikuudu 2016). Kačondan päivymiäry: 12. oraskuudu 2025.
  4. ↑ Международный день чая. ФБУЗ «Центр гигиенического образования населения» Роспотребнадзора. Kačondan päivymiäry: 12. oraskuudu 2025.
  5. ↑ Международный день чая - International Tea Day - 21 мая (рус.). Какой Сегодня Праздник?. Kačondan päivymiäry: 4. heinykuudu 2020.
  6. ↑ 15 декабря — Международный День Чая. Kačondan päivymiäry: 15. talvikuudu 2009. Arhiviiruittu originualaspäi 26. ligakuudu 2013
  7. ↑ Международный день чая отмечают в Приангарье. Аргументы и факты (11. talvikuudu 2009). Kačondan päivymiäry: 13. elokuudu 2010.

Linkat

Lähteh - "https://olo.ruwiki.ru/w/index.php?title=Kanzoinväline_čuajun_päivy&oldid=126352369"