Kanzoinväline nuorižon päivy

Kanzoinväline nuorižon päivy
Päivymiäry	12. elokuudu
Медиафайлы на РУВИКИ.Медиа

Kanzoinväline nuorižon päivy (toizil Yhtistynnyzien Kanzukundien kielil: kit. 国际青年日, fran. la Journée internationale de la jeunesse ) on jogavuodine pruazniekku, kudamua pietäh 12. elokuudu. Vuvvennu 1999 Yhtistynnyzien Kanzukuniden Piäassamblei rezol'ucies № "A/RES 54/120" kannatti Muailman nuorižoazieloin ministroin konferensien kehoituksen (Lissabon, 1998) pidiä 12. elokuudu Kanzoinvälisty nuorižon päiviä.

Piäassamblei kehoitti pidiä propaganduruaduo Kanzoinvälizen päivän kannattamizekse da tiedoloin levittämizekse Muailman nuorižon ruadoprogrammas, kudai hyväksyttih vuvvennu 1995 (Piäassamblein rezol'ucii № A/RES/50/81).

Kanzoinvälizen päivän tiemat

• 2021 — "Einehsistiemoin uvvistamine: nuorižon innovaciet ristikanzan tervehyöh da planiettah nähte"
• 2020 — "Nuorižon tottumus kogo muailman ruadoloin hyväkse"
• 2019 — "Opastuksen uvvistamine"
• 2018 — "Turvallizet kentät nuorižoh nähte".
• 2017 — "Nuorižo rakendau muailmua".
• 2016 — "Nuorižo Vuvven 2030 pyzyjän kehityksen tarkoituksii suavuttamas".
• 2015 — "Nuorižo da kanzalaine kiindymys".
• 2014 — "Nuorižo da psiihine tervehys".
• 2013 — "Nuorižon migracii — progressu kehityksen alal".
• 2012 — "Rakendammo parembua muailmua: yhtesruado nuorižonke".
• 2011 — "Muuttua meijän muailmu".
• 2010 — "Vuoropagin da keskenäine ellendys".
• 2009 — "Pyzyvys on meijän kučču, meijän tulii aigu".
• 2008 — "Nuorižo da ilmaston muuttumine: on aigu ruadua".
• 2007 — "Luaji nenga, ku sinuu huomattas da kuultas: nuorižon ozanotandu kehittämizeh".
• 2006 — "Yhtehine ruado köyhyön vastustamizekse: nuorižo da köyhyön hävittämine".
• 2005 — "Muailman nuorižon ruadoprogrammu + 10".
• 2004 — "Nuorižo sugupolvien yhtesruadoh perustujas yhteiskunnas".
• 2003 — "Hyvä da tulokas ruado nuorižoh nähte kaikkiel".
• 2002 — "Nygöi da tulien aijan kiindoloin hyväkse: nuorižon ruado pyzyjän kehityksen hyväkse".
• 2001 — "Tervehyönhoijon da ruavottomuon ongelmien sellittämine".
• 2000 — Enzimäzen Kanzoinvälizen nuorižon päivän piendy.

Nuorižon päivy eri mualois

Monis mualois ollah omat kanzallizen nuorižon päivät.

Vudstok

• 2. tuhukuudu — Azerbaidžuanu.
• 11. kevätkuudu — Zambii.
• 26. tuhukuudu — Vjetman.
• 29. tuhukuudu — Taivan'.
• 4. oraskuudu — Kitai.
• 19. oraskuudu — Turcii (Nuorižon da sportan päivy).
• 23. oraskuudu — Tadžikistuanu.
• 16. heinykuudu — Suvi-Afriekan tazavaldu.
• 27. heinykuudu — Nuorižon päivy (Ven'a).
• 7. elokuudu — Karibati.
• 10. kylmykuudu — Kirgizii (Kirgizien tazavallan nuorižon päivy).

Ven'a

Ven'al piämiehen käskys vuozi 2009 ilmoitettih Nuorižon vuvvekse. Tämän vuvven hantuzis piettih erilazii pidoloi, niilöin joukos "Pravosluavizen nuorižon päivy". Enne, vuvvennu 1985, Yhtistynnyzien Kanzukundien kannatetunnu piettih Kanzoinväline nuorižon vuozi.

Kačo ližäkse

• Kanzoinväline nuorižon soliduarižuon päivy

Huomavukset

Linkat

• Rezol'ucii № A/RES 54/120
• Yhtistynnyzien Kanzukundien Dag Hammaršol'dan nimine kirjasto
• Muailman pravosluavizen nuorižon päivy
• Päivän virralline sivu Yhtistynnyzien Kanzukundien verkosivustol