Nuorižon päivy (Ven'a)
| Nuorižon päivy (Ven'a) | |
|---|---|
.webp) | |
| Tiippu | Virralline pruazniekku |
| Toizin | Nuorien päivy |
| Pandih alguh | Ven'an piämies Boris Jel'cin |
| Pietäh |
 Ven'anmua |
| Päivymiäry | 27. kezäkuudu 1993 |
| Piendy | kezäkuun jälgimäzenny suovattan |
| Perindöt | konsertat, miitingat, festivualit, konferensiet, akciet |
 Медиафайлы на РУВИКИ.Медиа | |
Nuorižon päivy (ven. День молодёжи) on Ven'an nuorižon pruazniekku, kudamua joga vuottu pietäh kezäkuun jälgimäzenny suovattan. Vuvvennu 2025 se on 28. kezäkuudu.
Se pandih alguh Ven'an piämiehen käskys N 459-рп 24. kezäkuudu vuvvennu 1993, enziallus sidä piettih 27. kezäkuudu[1]. Ven'an Federacien piämiehen käskys № 132-рп 2. oraskuudu vuvvennu 2023 pruazniekku siirrettih kezäkuun jälgimäzekse suovatakse[2].
Kuvailu
Vuvven 2020 talvikuun 30. päivänny hyväksytyn Ven’an Federacies Nuorižopoliitiekkah nähte -zakonan mugah nuorižokse sanotah Ven'an Federacien kanzalazien 14-35-vuodizien sociualu-demogruaffistu joukkuo[3].
Vuvven 2024 tiedoloin mugah nuorižon lugu Ven'al oli 37 miljonua hengie, se on nelläs vuitti muan eläjis[4].
Nuorižo on kanzukunnan tulii aigu, sit rippuu muan da yhteiskunnan kehitys, se on edehpäi vedäjänny väinny[5].
Nuorižon päivän tarkoituksennu on tämän sociualu-demogruaffizen joukon potensiualan kehittämine sego nuorien ristikanzoin ongelmih huomavon kiinittämine[6].
Histourii
Nuorižon päivän histourii ottau allun nevvostoaijas. Vuozinnu 1917—1945 Nevvostoliitos syvyskuun allus piettih Kanzoinvälisty nuoruspäiviä (ven. Международный юношеский день (ven. МЮД). Sinäpiän saneltih socialistizen nuorižon ruadotuloksis, sen soliduarižuos[7][8]. Pruazniekan lyhendys juurdui muan monien linnoin uuliččoin nimih (ezimerkikse, ven. МЮД-uuličču Vladimiras)[9]. Eräs kirjavimis tämän pruazniekan hetkilöis liittyy kaivosmiehen Aleksei Stahanovan nimeh. Vuvvennu 1935, pruazniekkua vaste, häi sai rekordumiärän hiildy[10].
7. tuhukuudu vuvvennu 1958 Nevvostoliiton Korgeviman Nevvoston Prezidiuman käskys perustettih Nevvostoliiton nuorižon päivy, kudamua ruvettih pidämäh kezäkuun jälgimäzenny pyhänpiän[11]. Pruazniekal enimälleh oli ideolougine luonneh. Pidoloin luajindas da piendäs sinäpiän vastai Kogo Nevvostoliiton Leninan kommunistine nuorižoliitto (ven. ВЛКСМ)[12]. Nevvostoliiton nuorižon päivänny piettih sportukilboi, laitoksien briguadoin kilboi, neroloin ozutandukilboi, aktivistoin kerävölöi sego konsertoi da tansi-illaččuloi[7].
Nevvostoliiton häviendän jälles, Ven'an enzimäine piämies Boris Jel'cin omas käskys N 459-рп 24. kezäkuudu vuvvennu 1993 pani alguh Nuorižon päivän, kudamua ruvettih pidämäh 27. kezäkuudu. Pruazniekku hyväksyttih Ven’an Federacien valdivollizen nuorižon azieloin komitietan da Kanzallizen nuorižoyhtistyksien nevvoston kehoitukses. Vallasolijoile sanottih sinäpiän luadie erilazii pidoloi: konsertoi, ozutteluloi da m.i. Joukkoviestimii kučuttih sanelemah pidolois[1].
Hos pruazniekan piendypäivy oli siirretty 27. päiväkse kezäkuudu, puaksuh virrallizii pidoloi piettih lähi huogavopäivinny.
Konzu pakkaskuul vuvvennu 2023 Ven'an piämies Vladimir Putin kävyi Moskovan valdivonyliopiston Innovacieloin tiedo-tehnolougiellizen Vorobjovi Gori -keskuksen Lomonosov-klasterah, hänen puoleh kiändyi eräs ozanottajis da kehoitti siirdiä Nuorižon päivän piendän huogavopäiväkse. Häi sellitti, ku fiksiiruittu päivy ei ole pättävy, sendäh ku äijät nuoret piästäh tutkindolois läbi libo ruatah[13].
Ven’an Federacien piämiehen käskys № 132-рп 2. oraskuudu vuvvennu 2023 Nuorižon päivy siirrettih kezäkuun jälgimäzekse suovatakse[2].
Perindöt
Perindön mugah Nuorižon päivänny pietäh pruazniekkukonsertoi, festivualiloi, ozutteluloi, luvendoloi, sportukilboi.
Puaksuh sinäpiän luajitah vastavuksii tundiettuloin artistoin, blogeroin, nuorižon suvaittavimien ristikanzoinke[12].
Muzeilois, kul’tuurukeskuksis, kinoteatrois pietäh erilazii akcieloi.
Nuorižon päiväkse valmistetah flešmoboi, valont’uoroin da ekolougizii alguhpanoloi, hyvyönluajindujarmankoi[14].
Liittyjät pruazniekat
- Nuorižon soliduarižuon päivy (24. sulakuudu)
- Kanzoinväline nuorižon päivy (12. elokuudu)
- Muailman nuorižon päivy (10. kylmykuudu)
Huomavukset
- ↑ 1 2 Распоряжение Президента Российской Федерации от 24.06.1993 г. № 459-рп, Президент России. Kačondan päivymiäry: 25. kezäkuudu 2025.
- ↑ 1 2 Распоряжение Президента Российской Федерации от 02.05.2023 № 132-рп "О Дне молодежи"
- ↑ О молодежной политике в Российской Федерации. docs.cntd.ru. Kačondan päivymiäry: 25. kezäkuudu 2025.
- ↑ Татьяна Голикова: на молодежь 14–35 лет приходится четверть населения РФ | Эксперт (рус.). Эксперт (4. sulakuudu 2024). Kačondan päivymiäry: 25. kezäkuudu 2025.
- ↑ День молодёжи России, РИА Новости (27 kezäkuudu 2022). Kačondan päivymiäry: 25. kezäkuudu 2025.
- ↑ 28 июня – День молодежи России. Канашский муниципальный округ Чувашской Республики. Kačondan päivymiäry: 25. kezäkuudu 2025.
- ↑ 1 2 День молодежи 2025: дата, история, традиции, суть праздника. interfax-russia.ru (3. kezäkuudu 2024). Kačondan päivymiäry: 25. kezäkuudu 2025.
- ↑ Энергия нового поколения: когда в 2025 году отмечают День молодежи | Ямал-Медиа, Ямал-Медиа (25 kezäkuudu 2025). Kačondan päivymiäry: 25. kezäkuudu 2025.
- ↑ МЮДа улица во Владимире | Владимир: с XIX в. до наших дней (неопр.). vladimir1896.ru. Kačondan päivymiäry: 25. kezäkuudu 2025.
- ↑ День молодежи в 2025 году: какие традиции и история у этого праздника. vesti.ru (5. kezäkuudu 2025). Kačondan päivymiäry: 25. kezäkuudu 2025.
- ↑ Всесоюзный Ленинский Коммунистический союз молодёжи // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ 1 2 29 июня — День молодежи: история и традиции, праздничные мероприятия, Известия (28 kezäkuudu 2024). Kačondan päivymiäry: 25. kezäkuudu 2025.
- ↑ Встреча с учащимися вузов по случаю Дня российского студенчества, Президент России. Kačondan päivymiäry: 25. kezäkuudu 2025.
- ↑ День молодежи 2025: какого числа, история и традиции праздника, КП. Kačondan päivymiäry: 25. kezäkuudu 2025.